Deprecated: Methods with the same name as their class will not be constructors in a future version of PHP; plgContentSmartResizer has a deprecated constructor in /storage/content/40/1004740/lawan.org/public_html/plugins/content/smartresizer/smartresizer.php on line 117 Deprecated: Methods with the same name as their class will not be constructors in a future version of PHP; ismartrescanvasCrop has a deprecated constructor in /storage/content/40/1004740/lawan.org/public_html/plugins/content/smartresizer/smartresizer/smartimagehandler.php on line 22 Deprecated: Methods with the same name as their class will not be constructors in a future version of PHP; ismartresimgRedim has a deprecated constructor in /storage/content/40/1004740/lawan.org/public_html/plugins/content/smartresizer/smartresizer/smartimagehandler.php on line 610

ڕاپۆرت

IMG 20181231 200854

 
ساڵی ۲۰۱٨ زایینی بۆ دانیشتوانی ڕۆژهەڵاتی کوردستان لە ڕووی داهات و توانای کڕینەوە ساڵی نەهاتە، لەو ساڵەدا ئەمەریکا لە ڕێکەوتنامەی ئەتۆمی کشایەوەو گەمارۆکان لەسەر ئێران دانرانەوە، بەو هۆیەوە تمەن بەهای خۆی بە ڕێژەیەکی زۆر لە دەست دا، سەرەتای ساڵ نرخی هەر دۆلارێکی ئەمەریکی بەرامبەر بە ۳٥۰۰ تمەن بوو، بەڵام لەسەرەتای مانگی ئادارەوە دابەزینی تمەن دەستی پێ کرد، نرخی هەر دۆلارێک تاوەکوو نزیکەی ۲۰۰۰۰ هەزار تمەن بەرز بووەوە.
 
بەرزی و نزمی دراو بازارەکانی ڕۆژهەڵاتی کوردستان نا سەقامگیر کرد، نرخی شتوومەک و پێداویستیەکانی ڕۆژانەی خەڵک زیاتر لە سەدا سەد بەرز بووەوە لە بەرامبەردا داهاتی خەڵکیش بەهۆی ئەو دۆخەوە کەمی کرد، توانای کڕینی خەڵک دابەزیوە گرانیەکان تەنگیان بە خەڵک چنیوە.
ئەم ساڵ بەهۆی داخستنی سنوورە کۆڵبەریەکان داهاتی هاونیشتمانیان لە ناوچە سنووریەکان زۆر کەمی کردووە و بە داخرانی سنوورەکان و دابەزینی بەهای تمەن بازاڕچەکانی کەلووپەلی بیانی کە ناوەندێکی گرینگی بازرگانی ڕۆژهەڵاتی کوردستان بوو پەکیان کەوت .
 
ساڵی ۲۰۱٨ هەروەها بۆ کۆڵبەرەکانیش ساڵێکی پڕ نەهامەتی بووە، هێزەکانی سوپای ترۆریستی پاسداران و پاسەوانی سنوور فەرمانیان پێ کراوە بە تووندی ڕووبەڕووی کۆڵبەران ببنەوە بە پێی ئامارەکان لەم ساڵە تاوەکوو ئێستا لانیکەم ٥۹ کۆڵبەر لە ڕۆژهەڵاتی کوردستان کوژراون یان بە تەقینەوەی مین و کەوتنە خوارەوەی گیانیان لەدەست داوە، بە سەدان کەسیش بریندار و کەم ئەندام بوون.
 
لە ڕووی سیاسییەوە ساڵی ۲۰۱٨ هەوڵی لایەنە سیاسیەکانی ڕۆژهەڵاتی کوردستان بۆ یەکخستنی هەوڵەکانیان سەری گرت، بەمەش بووە هۆی هاوئاهەنگی و یەکڕیزی نێوانیان.
 
حیزبەکانی ڕۆژهەڵاتی کوردستان لە ۲۰ کانوونی دووەمی ساڵی ۲۰۱٨ ناوەندی هاوکاری حیزبەکانی ڕۆژهەڵاتی کوردستانی ئێرانیان دامەزراند.
حیزبی دێموکراتی کوردستانی ئێران، حیزبی دێموکراتی کوردستان، کۆمەڵەی زەحمەت کێشانی کوردستان، کۆمەڵەی شۆڕشگێڕی زەحمەت کێشانی  کوردستانی ئێران و سازمانی خەباتی کوردستانی ئێران ئەو سازمانەیان دامەزراند، بەڵام لە کۆتایی ساڵدا سازمانی خەبات لە ناوەندی هاوکاری کشایەوە.
ئێران کە پێشتر هەڕەشەی کردبوو ئەگەر حیزبەکانی ڕۆژهەڵاتی کوردستان چالاکیەکانیان لە ناو خۆی ڕۆژهەڵاتی کوردستان ڕانەگرن هێرش دەکاتە سەر بنکەو بارەگاکانیان لە باشووری کوردستان دەکاتە ئامانج.
 
 ڕێکەوتی ٨ ئەیلوولی ۲۰۱٨ کاتژمێر ۱۰:٤۲ سەر لەبەیانی کە کۆبوونەوەی سەرکردایەتی حدک لە قەڵای دێموکرات نزیک شاری کۆیەی کردە ئامانج و مووشەکبارانی کرد، کە بە هۆیەوە ۱٦ ئەندامی سەرکردایەتی و کادرو پێشمەرگەی حدک و ۲ پێشمەرگەی حدکا شەهید بوون و زیاتر لە ٤۰ کەس بریندار بوون.
 
هەر لەو ڕۆژە دا لە گرتووخانەی ڕەجایی کەرەج ۳ بەندکراوی سیاسی کورد بە ناوەکانی: لوقمان مورادی، زانیار مورادی و ڕامین حوسێن پەناهی لە سێدارە دران،
دوو ڕۆژ دواتر بەندکراوێکی سیاسی دیکە بە ناوی: کەماڵ موحەمەد نژاد  لە گرتووخانەی شاری میاندواو لە سێدارە درا.
لەم ساڵەدا لانیکەم ٦٨ بەندکراوی کورد لە گرتووخانەکان لە سێدارە دراون.
 
۱۲ ئیلوولی ۲۰۱٨ بۆ ئیدانەکردنی هێرشی مووشەکباران کردنی بنکەو بارەگاکانی دێموکرات و هەروەها لە سێدارەدانی بەندکراوانی سیاسی، خەڵک لە ڕۆژهەڵاتی کوردستان دووکان و بازاڕچەکانیان داخست و مانیان گرت.
 
مانگرتنەکە لە ئاستێکی فراواندا بەڕێوە چوو و زۆربەی شارو شارۆچکەکانی لە پارێزگای ورمێ و سنە و کرماشانی گرتەوە.
ئەم ساڵ بەشێکی زۆر لە هاونیشتمانیان بوونە قوربانی هاتووچۆ  لە ۱۰ تەمووزی ۲۰۱٨ بە هۆی پێکدادانی پاس و تەنکەرێکی نەوتی نزیک ترمیناڵی سنە پاسەکە ئاگری گرت و بە هۆیەوە ۱۳ هاونیشتمانی گیانیان لە دەستدا.
 
لە ۲۰۱٨ دا ژینگە پارێزان و خۆبەخشەکانی کوردستان ڕۆڵی سەرەکییان لە کۆنترۆڵ کردنی دارستانەکان هەبووە کە سپای پاسداران هۆکاری ئاگر دانی دارستانەکانی ڕۆژهەڵاتی کوردستان بوون.
 
بەڵام لە ۲٥ ئابدا ئاگر گیانی ٤ ژینگە پارێزی مەریوانی ئەستاند، 
بەناوەکانی: شەریف باجوەر، ئۆمێد کۆنەپۆش، ڕەحمەت حەکیم نیا و موحەمەد پژویی لە ناوچە سنوریەکانی نێوان پپێنجوێن و مەریوان لە کاتی کوژاندنەوەی دارستانەکان گیانیان لە دەستدا.
 
و شایەنی باسە کە "شەریف باجوەر" ئەندامی نهێنی حیزبی دێموکراتی کوردستانی ئێران بوو.
 
 
ئامادەکار: هاوڕێ حەیدەری
 
 

photo 2018 12 30 16 58 05

 
بە پێی ئاماری بەڕێوبەرایەتیەکانی پەروەردە لە پارێزگاکانی ڕۆژهەڵات زۆربەی قوتابخانەکان خاوەن سیستەمی گەرمکردنەوەی ستاندار نین.
   
 
لە قوتابخانەکاندا سۆبەی نەوتی کۆن بەکاردێ کە هەندێ جار دەبێتە هۆی ئاگر گرتنی قوتابخانەکان.
 
وەزارەتی پەروەردە دەڵێت: ئێمە بوجەمان نیە تاکوو سیستەمی ئەمن لە قوتابخانەکاندا دامەرزێنین.
 
زۆربەی خەڵکی گوندەکان بۆ گەرم کردنەوەی خۆیان سۆبەی نەوتی یاخود دار بەکار دەهێنن و هێشتا سیستەمی گەرمکردنەوەی گازیان پێ نەدراوە، جیاوازی لەوەدایە کە سۆبەکانی قوتابخانەکان کۆن و ناستاندارن.
 
بە پێی ئەو پێوەرانەی کە لە ئێران دانراون بۆ ستاندار بوونی قوتابخانەکان، هەر قوتابخانەیەک شووڤاج و پاکەیجی گەرمکەرەوەی نەبێ ناستاندارە، و بەم شێوەیە زۆربەی قوتابخانەکانی ڕۆژهەڵات نائەمنن.
 
ساڵانە بودجەیەک بۆ نوێکردنەوەی قوتابخانەکان دادەنرێ بەڵام بودجەکە ئەوەندە کەمە کە دەردێکی ئەوتۆ دەرمان ناکات.
 
کەم زستان لە ئێران بێ سووتانی قوتابخانەکان تێپەڕیوە، و ئەو ڕووداوانەی کە ڕوویداوە و قوتابیان گیانیان لە دەست داوە دەنگدانەوەی زۆری هەبووە، هەموو بەرپرسەکان دەڵێن: کە نابێ ڕووداوی لەو چەشنە ڕووبدات بەڵام کە کار دەگاتە دابینکردنی بودجە هیچیان پێ ناکرێ.
 
ئاماری قوتابخانە ناستاندارەکان لە ڕۆژهەڵاتی کوردستان:
 
-پارێزگای ورمێ
٥۰۰۰ قوتابخانە هەیە
٥۹٤۰۰۰ قوتابی 
۷۰۹۳ پۆلی ستاندارد هەیە 
 
-پارێزگای سنە
۳۷۰۰ قوتاخانە هەیە
۲٨٥۰۰۰ قوتابی
۲۹٨ قوتابخانەی ستاندارد 
 
-پارێزگای ئیلام
۱۱٤۹ قوتابخانە هەیە
٨۷٤٥۰ قوتابی
۱٨٤۰ پۆلی ستاندارد
 
-پارێزگای کرماشان
٤۲٦٦ قوتابخانە هەیە
٥۱۲۰۰۰ قوتابی 
۱۲٥۰۰ پۆلی ستاندارد
 
-پارێزگای لۆڕستان
٤٥۰۰ قوتابخانە هەیە
۳۲۰۰۰۰ قوتابی 
٤۹٥ قوتابخانەی ستاندارد
 
و زۆر جار خەڵک بۆ خۆیان قوتابخانەکان نۆژەن دەکەنەوە.
 
بەمەش ئەگەر کۆماری ئیسلامی ئێران داهاتی خۆی بۆ ترۆر و ئاژاوەو دەستێوەردان لە کاروباری وڵاتانی تر بەکار نەهێنێت، نەک کێشەی ناستاندارد بوونی قوتابخانەکان بەڵکو زۆربەی کێشەکان [بێکاری، کەمکردنەوەی ماددە هۆشبەرەکان، و  ڕەخساندنی هەلی کار بۆ لاوان ، پەرەپێدانی بواری پەروەردەو خوێندن] چارەسەر دەکرێت.
 
 ئامادەکار: هاوڕێ حەیدەری
 

 

IMG 20181214 221245 578

 
 
لاوان میدیا: ئابوورییناسانی ئێرانی خەریکی فیل شووشتنن و ئاکامی ئابووری ئێرانیش بەرەو داڕمان دەچێت.
 
 پرۆژە ئابوورییەکانی ئێران لە سەرجەم ئاستەکانی پێناسە، دارشتن، شوێنگیر بوون و ڕەوتی جێبەجێکردن لە داوی تێبینییەکان و پەیوەندییە سیاسییەکاندان تا بتوانن خۆشەویستی سیاسی  بەرعۆدەکانی پرۆژە مسۆگەر بکەن. ئەم کارەش کەمتر دەبێتە هۆی پێکانی ئامانجی پرۆژە ئابوورییەکان کە دەبێ ئاکامێکی پۆزەتیڤی هەبێت.
 
زۆربەی پرۆژە ئابوورییەکانی ئێران کە لە لایەن ئابوورییناسان دەبێ بە پێی لێکدانەوەی ڕەوشی داهاتوو و سەرجەم تێبینییەکانی ئابوورییناسیی دابڕێژرێن و بەڕێوەبچن، بە پێچەوانە دەبێت لە کاتێک و بەشێوەیەک کە لایەنی سیاسی دەسەڵات بەدەست دەخوازێ بێ و کاتەکەشی گونجاو لەگەڵ کاتێکی سیاسی پەسەندکراو لە لایەن سیاسەتبەدەستان بێ ئەمەش ڕەوتی ئابووریی بەرەو خراپی و ڕووخانی ژێرخانی ئابووریی بردووە.

دەستێوەردانە سیاسییەکان لە پرۆژە ئابوورییەکاندا کە زیاتر بۆ پڕوپاگەندەی هەڵبژاردن و کۆکردنەوەی دەنگی خەڵک کەڵکی لێوەردەگیرێت، بووەتە هۆی نیوەچڵ مانەوەی سەدان پرۆژەی ئابووری و بە سەرنجدان بە ڕێژەی خەڵک لە پارێزگایەک، زمان و ڕادەی مەقبوولییەتی حکوومەت لە لای دانیشتوانی بووەتە هۆکاری ئەوەی کە زۆربەی پرۆژە ئابوورییەکان لە چەند پارێزگایەکدا کۆببنەوە و بەبێ لێکدانەوەی فاکتەرەکانی وەکوو سەرچاوە خاوەکان بۆ پرۆژە یان تێچووی هێنان و گواستنەوەی پێداویستییەکان و دەیان فاکتەری دیکە کە دەبێ لێکدانەوەی ئابووریی بۆ بکرێت، کۆی ئەم کێشانە و بێ پلانی و بەرنامەیی بەشی ئابووریی بووەتە هۆکارێک کە ئاکامێکی نێگەتیڤ لە بواری ئابووری لە ئێراندا بەرهەم بێت.
 
لە دەسپێکی زۆربەی پرۆژەکانیش کە زیاتر بۆ هەڵخەلەتاندنی خەڵکە باس لە گرینگی و پێویستی پرۆژەگەلێکی گەورە و زۆر تایبەت دەکەن کە ڕادەی تێچووی وەگەڕکەوتن و بەردەوام بوونی کاری پرۆژەکە تا ڕادەیەک بەرزە کە توانایی ئاکام و بەرهەمدانی سفر دەبێت.
 
 یەکێک لە پرتێچووترین پرۆژەکانی وڵاتی ئێران کە هیچ ئاکامێکی بە سوودی نەبووە بەرهەمهێنانی وزەی ناوەکییە کە کاریگەری زۆر نێگەتیڤی لە سەر هەموو پێکهاتەکانی ئێران داناوە و تێچوویەکی سەرسووڕهێنەری هەبووە، هاوشێوەی ئەم پرۆژانە کە پشتبەستووە بە ئامانجگەلێکی دوور لە خزمەت بە خەڵک و پێکهاتەکانن، زۆرن کە بەم پرۆژانە لە جیهانی ئابووریی سیاسییدا دەگوترێ فیلی سپی.
 
فیلی سپی: ئەم ناوە وەرگیراوە لە چیرۆکی پاشای وڵاتی سیامە کە دەگوترێت یەکێک لە فیلە پیرۆزەکانی کە ڕەنگی موو و ڕەنگی پێستی سپی بووە، بەخشیوەتە خانەدانێک کە لە چاوی کەوتووە لەگەڵ ئەوەی کە ئەم دیارییە بە ڕوالەت جێگەی شانازی بوو بەڵام تێچووی بەخێوکردنی بە ڕادەیەک زۆر بوو کە زیاتر دەبوو بە هۆی تێداچوون و نەداری خاوەنەکەی.
 

KORDI I RAPORT 768x567لە ساڵی ڕابردووی زایینی مانگانە  کوژرانی ٥ کۆڵبەر و بریندار بوونی ٤ کۆڵبەر لە کوردستان تۆمار کراوە.

qwsdfghj