Deprecated: Methods with the same name as their class will not be constructors in a future version of PHP; plgContentSmartResizer has a deprecated constructor in /storage/content/40/1004740/lawan.org/public_html/plugins/content/smartresizer/smartresizer.php on line 117 Deprecated: Methods with the same name as their class will not be constructors in a future version of PHP; ismartrescanvasCrop has a deprecated constructor in /storage/content/40/1004740/lawan.org/public_html/plugins/content/smartresizer/smartresizer/smartimagehandler.php on line 22 Deprecated: Methods with the same name as their class will not be constructors in a future version of PHP; ismartresimgRedim has a deprecated constructor in /storage/content/40/1004740/lawan.org/public_html/plugins/content/smartresizer/smartresizer/smartimagehandler.php on line 610

چالاکی ده‌ره‌وه‌

IMG 20200224 104206 767

یادی ۷٤ هەمین ساڵوەگەڕی دامەزراندنی یەکیەتیی لاوان لە دەرەوەی وڵات بەرزڕاگیرا.

۷٤ هەمین ساڵوەگەڕی دامەزراندنی یەکیەتیی لاوان لە شاری کۆڵنی وڵاتی ئاڵمان بەرزڕاگیرا.
لاوان میدیا: ڕۆژی شەممیە ڕێکەوتی ۳ی ڕەشەمەی ۱۳۹۸ی هەتاوی، ڕێوڕەسمی ۷٤ هەمین ساڵوەگەڕی دامەزراندنی یەکیەتیی لاوانی دێموکراتی کوردستانی ئێران لە شاری کۆڵنی وڵاتی ئاڵمان بەڕێوەچوو.
سەرەتای ڕێوڕەسمەکە بە سروودی نەتەوەیی "ئەی ڕەقیب" دەستیپێکرد، پاشان خولەکێک بێدەنگی بۆ ڕێزگرتن لە شەهیدانی کورد و کوردستان ڕاگەیەندرا.
پاشان بەڕێز " شەهریار نەقشبەندی" بەرپرسی هەرێمی ئورووپای باشووری حیزبی دێموکراتی کوردستانی ئێران، بە بۆنەیەوە پەیامێکی پێشکەشکرد.
دواتر پەیامی دەستەی بەڕێوەبەری یەکیەتیی لاوان لە لایەن هاوڕێ "دڵنیا پیری" بەرپرسی دەرەوەی وڵاتی یەکیەتیی لاوان پێشکەشکرا.
پاشان هاوڕێ "ئیدریس ڕۆستەمی" پەیامی کۆمیتەی ئاڵمانی حیزبی دێموکراتی کوردستانی ئێران پێشکەشکرد.
لە بڕگەیەکی دیکەی ڕێوڕەسمەکەدا لەوحی ڕێزلێنانی کۆمیتەی ئاڵمانی یەکیەتیی لاوان، پێشکەش بە بەڕێزان "شەهریار نەقشبەندی" بەرپرسی هەرێمی ئورووپای باشووری حیزبی دێموکرات و هاوڕێ "شێرکۆ ڕەشد" بەرپرسی پێشووی کۆمیتەی ئاڵمانی یەکیەتیی لاوان کرا.
پاشان خەڵاتی ڕێزلێنان پێشکەش بە بەڕێزان "ڕامیار فەتحی " و "کەماڵ تەنوویش" کرا کە تەمەنی ئەندامییەتی یەکیەتیی لاوانیان تێپەڕاندبوو.
بەشێکی دیکەی ڕێوڕەسمەکە تایبەت بوو بە باسێکی سیاسی سەبارەت بە کێشە و گرفتەکانی لاوان لە ئێران و کوردستاندا کە ئەم باسە لەلایەن بەڕێز "کاوە ئاهەنگەری" شرۆڤەکاری سیاسی پێشکەشکرا.
بڕگەیەکی تری ڕێوڕەسمەکە بە پارچە شیعرێکی خانمە شاعیر " بەهار حسەینی" کچی شاعیری کۆچکردوو خاتوو "ژیلا حسەینی" ڕازێندرایەوە.
لە بڕگەیەکی دیکەدا " ڕامیار فەتحی" پارچە شێعرێکی پێشکەشکرد.
بڕگەکانی دیکەی ڕێوڕەسمەکە بە گۆرانی و میوزیکی دوو لاوی هونەرمەندی ڕۆژئاوای کوردستان "ڕۆمی" و "ئەیاز" زیاتر ڕازێندرایەوە.

IMG 20191217 110252 363

بەشداری شاندێکی یەکیەتیی لاوان لە سێمینارێک دەربارەی ئاڵای کوردستان.

شاندێکی یەکیەتیی لاوانی دێموکراتی کوردستانی ئێران، بەشداری لە سێمینارێکدا سەبارەت بە ئاڵای کوردستان کرد.
لاوان میدیا: ڕۆژی یەکشەممە ۱٥ی دێسامبری ۲٠۱۹ی زایینی، شاندێکی یەکیەتیی لاوان بەشداریکرد لە سێمینارێک لە شاری برێمێنی وڵاتی ئاڵمان کە لەمەڕ ئاڵای کوردستان بۆ بەڕێز "عومەر ئایدین" مێژوونووسی کورد لەلایەن هێزە سیاسییەکانی کوردستانەوە لە شاری برێمێن پێکهێنرابوو.
سەرەتای سێمینارەکە بە ڕاگرتنی خولەکێک بێدەنگی بۆ ڕێزگرتن لە شەهیدانی کورد و کوردستان دەستیپێکرد.
دواتر بەڕێز "عومەر ئایدین" سێمینارەکەی خۆی دەستپێکرد، کە ناوبراو لە باسەکەییدا ئاماژەی بە مێژووی دروستبوونی ئاڵای کوردستان کرد و لە کۆتاییدا ئامادەبووانی سێمینارەکە پرسیار و تێبینییەکانیان دەربارەی بابەتی سێمینارەکە ئاڕاستەکرد.

IMG 20191208 161700 514

کۆمیتەی بێلژیکی یەکیەتیی لاوان یادی ۱٦ سەرماوەزی بەرزڕاگرت.

کۆمیتەی بێلژیکی یەکیەتیی لاوانی دێموکراتی کوردستانی ئێران، بەبۆنەی ۱٦ سەرماوەزە ڕۆژی کەمئەندامانی حیزبەوە مەراسیمێکی ڕێزلێنانی بۆ پۆلێک لە کەمئەندامانی نێو شۆڕش پێکهێنا.

 

لاوان میدیا: ڕۆژی ۱٦ سەرماوەزی ۱۳۹۸ی هەتاوی، کۆمیتەی بێلژیکی یەکیەتیی لاوان مەراسیمێکی بۆ ڕێزلێنان لە خەبات و تێکۆشانی پۆلێک لە کەمئەندامانی نێو شۆڕش پێکهێنا.

 

سەرەتای مەراسیمێکە بە سروودی نەتەوەیی " ئەی ڕەقیب" دەستیپێکرد، دواتر خولەکێک بێدەنگی بۆ ڕێزگرتن لە شەهیدانی کورد و کوردستان ڕاگەیەندرا.

 

پاشان هاوڕێ "هەڵۆ حەبیبی" بەرپرسی کۆمیتەی یەکیەتیی لاوان لە بێلژیک بەخێرهاتنی ئامادەبووانی کرد، دواتر هاوڕێ" مامۆستا بەها ئیبراهیمی" بەرپرسی کۆمیتەی حیزبی دێموکرات لە وڵاتی بێلژیک وتارێکی سەبارەت بە ڕۆژی ۱٦ سەرماوەز پێشکەش کرد.

 

لە بڕگەی کۆتایی مەراسیمەکە لەوحی ڕێزلێنان بەخشرایە پۆلێک لە کەمئەندامانی حیزب بەمەبەستی نیشاندانی ئەمەگناسی لە خەبات و تێکۆشانیان.

 

 

IMG 20191208 095620 657

IMG 20191208 095611 131

کۆمیتەی دانمارکی یەکیەتیی لاوان سێمینارێکی بەڕێوەبرد.

کۆمیتەی دانمارکی یەکیەتیی لاوانی دێموکراتی کوردستانی ئێران، سێمینارێکی بۆ ئەندامانی خۆی لە شاری ئاڵبۆڕگ پێکهێنا.
لاوان میدیا: ڕۆژی ۱ی دێسامبری ۲٠۱۹ی زایینی، کۆمیتەی یەکیەتیی لاوان لە شاری ئاڵبۆڕگ سێمینارێکی سەبارەت بە " کۆنتڕۆڵی کۆمەڵایەتی" بۆ نووسەر و ڕۆژنامەوان بەڕێز " دێنیز بەرخۆدان سێرینجی" بەڕێوەبرد.
ناوبراو لە باسەکەیدا تیشکی خستەسەر جیاوازییەکانی شێوازی پەروەردەی خێزانی لە نێوان کۆمەڵگەی کوردی و ڕۆژئاواییدا،
بەشدارانی سێمینارەکە بە ڕاوبۆچوون و تێبینییەکانیان باسەکەیان دەوڵەمەندترکرد و لە کۆتایی سێمینارەکەدا لە لایەن کۆمیتەی دانمارکەوە چەپکەگوڵێک بۆ ڕێزگرتن لە بەڕێز "دێنیز بەرخۆدان سێرینجی" پێشکەشکرا.

IMG 20191201 185148 169

IMG 20191201 185153 403

کۆمیتەی نۆروێژی یەکیەتیی لاوان بەشداری لە خۆپیشاندانێکدا  کرد.

کۆمیتەی یەکیەتیی لاوانی دێموکراتی کوردستانی ئێران، لە وڵاتی نۆروێژ بەشداریکرد لە خۆپیشاندانێک کە بۆ پشتیوانی لە خەڵکی کوردستان،کاتالۆنیا و شیلی پێکهاتبوو.
لاوان میدیا:ڕۆژی ۳٠ نۆڤامبری ۲٠۱۹ی زایینی، خۆپیشاندانێکی بەرین لە ئۆسلۆی پایتەختی وڵاتی نۆروێژ بە مەبەستی پشتیوانی لە خەڵکی زوڵملێکراوی کوردستان،کاتالۆنیا و شیلی بەڕێوەچوو کە کۆمیتەی نۆروێژی یەکیەتیی لاوان یەکێک لە لایەنە ڕێکخەرەکانی ئەم گردبوونەوەیە بوو و هاوکات ئەندامانی یەکیەتیی لاوان بەشدارییەکی چالاکانەیان لەم خۆپیشاندانەدا هەبوو.
ئەم گردبوونەوە جەماوەرییە بە هاوبەشی چەندین ڕێکخراوی تایبەت بە لاوان بەڕێوەچوو کە لە وڵاتی نۆروێژ چالاکن کە بریتیبوون لە:
Lawan Norge 
Rødt
Oslo SU
Oslo SV
Oslo Palkom
Solidaritet med Kurdistan
Salam
LAG-Norge
Antifascistisk seksjon
Nei til atomvåpen
Kurdisk kvinnenettverk
Norge for Fred
Lag - Latin-Amerika
Feministisk initiativ
Kurdisk demokratisk samfunnssenter
Landsrådet for eelam tamiler i Norge (NCET)
Kvinnegruppa Ottar
Motmakt
Cabildo Abierto Oslo
Blitz
Skeiv Ungdom
RAMPO