12736208 1051942141533054 1828699982 nئەگەر ئێمە ئاوڕیک لە مێژوی ڕێکخراوەکان لە کوردستان بدەینەوە و بە تایبەت ڕێکخراوەی تایبەت بە توێژی لاو،  ئەو ڕاستیە لە مێژە سەلمێندراوە کە ڕێکخراوەی تایبەت بە لاو دەگەڕێتەوە بۆ ٧٠ ساڵ لەمەوبەر لە سەر دەستی یەکەمین کۆماری کوردی لە مەهاباد لە کوردستانی ئیران، کە بۆ یەکەمین‌جار ڕێکخراوەی ، اتحادیە جوانان کوردستان ، دامەزرا.

ئەم ڕێکخراوەیە بە دڕێژای مێژووی ٧٠ ساڵەی خۆی بە چەندین قۆناغی گرنگدا تێپەڕیوەو دواتر بە گۆرینی ناوی  خۆی بۆ ناوی یەکیەتیی لاوانی دێموکراتی کوردستانی ئێران درێژەی بە خەباتی خۆی دا و هەر لەم ڕێکخراوەیە دا بوو کۆمەڵیک کەس پەروەردە کران بۆ نێو کۆمەڵگای کوردی لە ڕۆژهەڵات.

 دوای  ئەوەی کە جیابوونەوە  لە حیزبی دێموکراتی کوردستانی ئیران لە لایەن هاوڕێیانی پێشوو روویدا،  ئەم جوودا بوونەوە ڕێکخراوەی لاوانیشی گرتەوە و کۆمەڵێک هاوڕێ  دابڕان لە ریزەکانی یەکیەتیی لاوان و خەباتی ڕێکخراوەی خۆیان لە ژێر ناوی یەکیەتی لاوانی دێموکراتی ڕۆژهەڵاتی کوردستان دەست پێ کرد.

پاشان یەکیەتیی لاوانی دێموکراتی کوردستانی ئێران سەرلەنۆێ دەستی کردەوە بە سازماندەی کومیتەکانی خۆی و بە هێزو پۆتانسێلیکی نوێتر بە کارامەیی کۆمەڵێک لاوی وشیارو زانا ،  هەروەها کومیتەکانی دەرەوەی وڵاتی لاوان، لە جاران بەهێزتر و پڕ وزەتر دەستی بە کاری سیاسی و پەروەردەی لە دەرەوەی وڵات کرد و تەنانەت بگرە لە هەندێک لە کومیتەکانی درەوەی وڵات هیچ ئاڵو گۆرێک یان دابڕانی لاوی لە کومیتەکەی خۆیدا نەدێتەوە و لە ئەو ڕێکخراوانەی کە یەکیەتیی لاوانی دێموکراتی کوردستانی ئێرانی تێدا ئەندام بوون وەکوو خۆی مایەوە.

  لە کۆنگرەی جیهانی "ئینترناسیۆناڵ سوسیالیستی لاوان" لە ساڵی ٢٠٠٤ بوو کە وەکوو یەکەمین رێکخراوی کوردی وەک چاودێر لەو ڕێکخروەیەدا  یەکیەتیی لاوانی دێموکراتی کوردستانی ئیران پەسەند کرا و لە کۆنگرەی دواتر بەملاوە بوو بە ئەندامی ئەسڵی IUSY .

هەروەها  چەندین دەسکەوتی دیکەی  لە ئاستی ئوروپایی و جیهانی لە لایەن یەکیەتیی لاوان بۆ کورد بە گشتی و لاوانی ڕۆژهەڵاتی کوردستان بە تایبەتی بە دەست هێناوە.

 

  لە دوایین کۆنگرەی  "یو سی" کە  لە ٢٥ی فێبرییەی ٢٠١٦ی زایینی  کە لە وڵاتی ئەلبانیا گیرا تاکە نۆێنەری لاوان لە ڕۆژهەڵاتی کوردستان تەنها یەکیەتیی لاوانی دێمۆکراتی کوردستانی ئێران بوو کە وەک ئەندامی ئەسڵی  بە مافی دەنگدانەوە بەشداربووە و هەر لە رۆژهەلات  چەند تاکێکی دیکە وەک مێوان توانیویانە لە پەراوێزی ئەو کۆنگرەیە بەشدار بن.

 

 ئەوەی جێگەی سەرنجە لە ماڵپەڕ و تۆڕە کۆمەڵایەتیەکاندا هێندێک ڕێکخراو  کۆمەڵێک پروپاگاندەیان بڵاو کردوەتەوە تەنانەت وایان خۆ دەرخستوە کە دەتوانن   هاوپەیمانێکی ئەمین بن بۆ  یوسی  ولە کۆبوونەوەکانی ئەو کۆنگرەیەدا باسی ڕەوشی کوردستانیان کردوە  تاوتۆێی زۆر پرس کە کاریگەری بەرچاوی هەبووە لە رەوتی کاری کۆنگرەدا.

پرسیارە لێرەدا ئەوەیە ئاخۆ !!!  ئەو تاکانەی وەک مێوان بەشدار دەبن مافی وەکوو نۆێنەری ئەندامانی ئەسڵی  رێکخراوەکانی ئەندام لە "یوسی"هەیە ؟

  لە حاڵێکدا من خۆم لە کۆنگرەی پێشوی "یوسی" بەشدار بووم و میوانەکان تەنیا چاودێر و گۆێگری ناو کۆنگرە بوون.

هندێک لایەن باس لەوە دەکەن کە کاری ئەو بەڕیزانە لە ئاستێکدا بووە بونەتە جێگەی متمانەی کۆنگرەکە و هەر لە کۆنگرەگەدا بووە کە کۆمەڵێک باسی سیاسیان وروژاندوە، بەڵام ئەگەر چاو لە ڕاستیەکان بکەین بەشداری ئەو هاوڕیانە تەنیا لە سەر داوای خۆیان بووە و و وەکوو میوان بەشدار بوون و هیچ مافێکیان لە کۆنگرەکەدا نەبووە و تەنانەت لە ڕێزی میوانەکانی کۆنگرە دانراون و گەشتەکەشیان لە چوارچێوەی خیزانیدا بووە. ئەو بەشدارییەشیان زیاتر وەکوو تەفریحێک بووە تاکوو بەشداری.

ئەمە لە حالێک دایە هیچ رۆڵ و نەقشێکیان نەبووە و تەنانەت مافی دەنگێکیشیان نیە تا ئەو هاوبەیمانییە بەرینە جیهانییە پێک بێنن. 

ئەم چەواشە کاریەی ئەو هاوڕێیانە تەنیا لەوێدا کۆتایی نایەت و بگرە هەر ئەو لایەنە بوون کە لە  ساڵی ڕابردودا  لە پێوەندی بە ساڵرۆژی دامەزرانی ڕێکخراوەی  یەکیەتیی لاوان کە وەک نمادین رۆژی ٣٠ ڕێبەندان چەندین سڵ لەمەو پیش وەک دەستکەوتێکی گرینگی کۆماری کوردستان دیاری کرابوو، لە دانیشتنێکی دوولایەنە دا پێشنیاریان کرد ئەگەر ئامادە نەبن بە هاوبەشی ئەو یادە بکەینەوە ئەوا ئێمە رۆژێکی دیکە دەستنیشان دەکەین و مێژووەکە دەگەڕێنیینەوە پێشتر، سەیر لەوەدایە وایان داناوە کە  تەمەنی ئەو رێکخراوەیە  لە پێش کۆماری کوردستانەوە بووە.  لە حاڵێکدا یەکیەتیی لاوان لە سەر دەستی پێشەوا قازی محەممەد لە کۆماری کوردستان دامەزراوە و ئەو لایەنە مێژووی حیزبەکەشیان چەواشە کردوە.

لە دونیای ئەوڕۆدا کە ئاستی تێگەیشتن و  ڕۆشنبیری و بیری لاوان زۆر پێشکەوتووترە کە چەواشە بکرێ وئامرازەکانی تێکنۆلۆژی  وای کردوە کە هیچ چەواشە کارییەک بێ وڵام نەمێنێتەوە.

ئەو لایەنە  زۆر سەختە کە بتوانن تەنیا بە چەند وێنەێک نۆێنەری لاوی ڕۆژهەڵات  بن و لێرەوە با ئەوە ڕون بێتەوە بۆ لاوانی ڕۆژهەڵات کە ئەو نوسراوانەی سەر ماڵپەڕو تۆڕە کۆمەڵایەتییەکان، دوورن لە ڕاستی و لێرەوەش بەو هاوڕێیانە دەڵێم کە بە کڵاو لەسەر خۆنان زۆر ئەستەمە کە لاوان بەلاڕێدا ببەن. 

 

 ن: مهرداد خوسرەوی  

 

 

ئەم بابەتە روانگەی نووسەر خۆیەتی و ماڵپەر لێی بەرپرسیار نیە