ڕاگه‌یه‌ندراو

IMG 20190901 183943 186


٢١ی خەرمانان ڕۆژی پێکەوە بوون و بەرخۆدانی نەتەوەیی گەلی کورد بە درێژایی مێژووی بوونی خۆی لەلایەن داگیرکەران و ستەمکارانەوە دراوەتە بەر هێرش و هەزاران تراژیدیای خەمناک و دڵتەزێن لە مێژووی دوور و نێزیکیدا ڕووی داوە.

ئێمەی کورد لە خۆرهەڵاتی کوردستان لە مێژوویەکی نە چەندان دووردا و لە ١٧ی خەرمانانی ١٣٩٧ی هەتاوی زامێکی هاوبەشمان هەڵگرت و لە بەرانبەردا خەڵکی خۆڕاگر و مافخوازی ڕۆژهەڵاتی کوردستان، لە ٢١ی خەرمانانی هەمان ساڵدا حەماسەیەکی نەتەوەییان خولقاند و بوون بە هێمای پێکەوەبوون و بەرخۆدانی نەتەوەیی و داخداریی خۆیانیان دەربڕی و تەواو کوردستان، بەپێوە ڕاوەستا.

ناوەندی هاوئاهەنگی رێکخراوە دیموکراتیکەکانی کوردستانی ئێران، لە هەوڵدایە تا ٢١ی خەرمانان وەک ڕۆژی "پێکەوە بوون و بەرخۆدانی نەتەوەیی" پێشنیار بکاتە خەڵکی نیشتمان پەروەری کوردستان بە بێ جیاوازیی بیرکردنەوە.
لەم کەمپەینەدا خەڵکی ڕۆژهەڵاتی کوردستان، لە هەڵمەتێکی نەتەوەییدا بە ئەنجامدانی هێماکانی پێکەوە بوون و ناردنی وێنە و ویدیۆ، بۆ جارێکیتر حەماسە دەخولقێنن و دەیسەلمێنن کە پێکەوە بوون دەبێتە هۆی سەرکەوتن.

هێماکان دەتواندرێ بە شێوەی تاک یان کۆ ئەنجام بدرێت بۆ هێماکان لەو وێنانە کە بڵاو دەکرێتەوە کەڵک وەربگرن ناوی شار و ڕێکەوت بنووسرێت لە سەر دەست کەمپەینەکە بە ماوەی ١٢ ڕۆژ بەڕێوە دەچێت.


ناوەندی هاوئاهەنگی ڕێکخراوە دێموکراتیکەکانی کوردستانی ئێران
 Adobe Post 20190811 194852
لاوانی کوردستان 
 
ڕۆژی ١٢ ئاگۆستی ١٩٩٩ زایینی بۆ یەکەمین جار لەلایەن سازمانی نەتەوە یەکگرتووەکان وەک ڕۆژی جیهانی لاوان دیاری کراوە و ساڵانە لەلایەن لاوان یادی دەکرێتەوە و، هەموو ساڵێک درووشمێک بۆ ئەم ڕۆژە دیاری دەکەن بۆ ئەوەی لە ژێر ئەم درووشمە لاوانی جیهان چالاکی بکەن و ئاڵوگۆڕ پێکبێنن و کێشەکانی لاوان بە گوێی جیهانیان بگەیێنن.
 
درووشمی ئەمساڵ گۆڕینی پەروەردەیە کە یەکێک لە خاڵەکانی پڕۆژەی ٢٠٣٠ سازمانی نەتەوە یەکگرتووەکانە بۆ ئەوەی نەوەی داهاتوو توانای پێشکەوتنێکی خێراتری هەبێت.
 
بنەمای درووشمی ئەمساڵ لەوەوە سەرچاوە دەگرێت لە ئێستادا ۱.٨ میلیارد گەنجی نێوان ١٠ بۆ ٢٤ ساڵ لە جیهاندا هەن و ئەمەش بەرزترین ئاستی ڕێژەی لاوانە لە جیهاندا بەڵام ڕێژەی پێشکەوتن لە ئاستی چاوەڕوانکراودا نییە و بە پێی لێکۆڵینەوەکان سەرچاوەی کێشەکان دەگاتەوە پەروەردە و فێرکردنی منداڵان و مێرمنداڵان لە تەمەنی ٦ بۆ ١٤ ساڵ کە سەرەڕای چوونە قوتابخانە بەڵام خوێندن بە گشتی و بیرکارییان بە تایبەتی زۆر باش نیە و ئەم کێشە جیهانییەش پێشی پێشکەوتنی خێرای گرتووە و پێویستی بە کردەوەیی کردنی درووشمی گۆڕینی پەروەردە چەند قات زیاد دەکات.
 
لە وڵاتانی ئازاد و پێشکەوتوو بۆ ئەوەی نەوەکانی داهاتوو و بە گشتی مرۆڤ لە دواڕۆژدا بە ئاسوودەیی بژی بەردەوام هەوڵ بۆ باشترکردنی ڕەوشی ژیان و بە تایبەتی پەروەردە دەدرێت بەڵام بەداخەوە لە وڵاتی ئێران دەسەڵاتی دواکەوتوو خوازیی زاڵ بە سەر ئەو وڵاتەدا نەتەنیا پلانێکی بۆ نەوەکانی داهاتووی ئەو وڵاتە نییە، بەڵکوو بەردەوام وەکوو کەرەستەیەک بۆ پەرەپێدانی سیاسەتە دژە گەلییەکانی خۆی بە کاریدێنێت و بە پەروەردەیەکی تۆخی مەزهەبی دەیانکاتە مەکینەیەکی تێرۆر و کوشتن.
 
لاوان لە ژێر سایەی ئەم دەسەڵاتە بەردەوام پێش لە بەرەوپێشچوون و گەشەیان گیراوە و دەسەڵاتی ویلایەتی موتڵەقی فەقی بەردەوام هەوڵی داخراوەتر کردنی وڵاتی ئێران و دواکەوتوو هێشتنەوەی لاوانی داوە تاکوو نەبنە مەترسییەک بۆ سەر دەسەڵاتی داگیرکەرانەیان.
 
کۆماری ئیسلامیی ئێران نە تەنیا مەجال و مەیدانی بۆ پەروەردەکردنی باشتری لاوان نەداوە بەڵکوو بنەما سەرەکییەکانی پەروەردەکردنیشی نەپاراستووە، خوێندن و فێربوون بە زمانی دایکی کە هۆکارێکە بۆ ئەوەی منداڵان و لاوان بە شێوەیەکی باشتر و خێراتر پەروەردە بکرێن پێشی پێ گیراوە و ڕێژەیەکی زۆر لە منداڵان و لاوان بە ناچاری دەبێ بە زمانێکی نامۆ و داگیرکەر پەروەردە بکرێن ئەمەش خۆی هۆکارێکە بۆ باش پەروەردە نەبوون و فێر نەبوون. 
 
پەروەردەکردن لە وڵاتی ئێراندا لە ماوەی ٤٠ساڵی ڕابردوو نەیتوانیوە گەشە بکات و دۆخی پەروەردە هەر دێت و خراپتر دەبێت، هۆکارگەلێکی وەکوو دابین نەکردنی بوودجەی پێویست بۆ بەشی پەروەردە، هەژاری، تێستی بەسەندەگیی زمانی داگیرکەر و زۆر بابەتی تر، کە بوونەتە هۆی دەستکێشانەوەی هەزاران منداڵ و لاو لە خوێندن و پەیوەست بوونیان بە دەریای منداڵانی کار لەو وڵاتە و هەزاران لێکەوتەی تر لە نەبوونی پەروەردەیەکی دروست لە کۆمەڵگای لێ دەکەوێتەوە.
 
دەستکەوتی کۆماری ئیسلامی بۆ لاوان و منداڵان و شێوازی پەروەردەکردنی ئەم دەسەڵاتە دەرەنجامەکەی بووەتە هەڵاتنی هەڵکەوتەکان لەو وڵاتە و بێ ئومێدی زاڵ بووە بە سەر لاوانی وڵاتدا و ڕۆژ نییە گوێبیستی هەواڵی خۆکوشتنی لاوان و دەیان حاڵەتی دڵتەزێنی لە خۆکوشتن غەمناکتر نەبین، حکوومەتێکی داگیرکەر بە پەروەردەیەکی سەقەت ئەگەر پێشی پێ نەگیرێ کۆمەڵگایەکی دواکەوتوو بەرهەم دێنێ بۆیە پێویستە لاوان وەکوو ئاڵاهەڵگرانی خەباتی ڕزگاری بۆ لەناوبردنی دەسەڵاتی دواکەوتووخوازی ئێران هەنگاوێکی بە کردەوەیی هەڵبگرن و وەکوو هەمیشە ببنە پێشەنگی مەیدانی خەبات و پێشکەوتن لە سەرجەم بوارەکاندا ئەمە پێویستییەکە و پێشنیازێکە کە تا جێبەجێ نەکرێت ئاڵوگۆڕی پەروەردەیی بە دی نایەت و، نەوە بە دوای نەوەدا دۆخیان خەراپتر دەبێت، لەو کاتەدایە کە شۆڕش دەبێتە پێویستییەک بۆ ڕزگاری و لاوان دەبنە داینامۆی شۆڕش.
 
 
ڕۆژی جیهانیی لاوان لە سەرجەم لاوانی جیهان و بە تایبەتی لاوانی کوردستان پیرۆز بێت
 
بەهیوای سەرکەوتنی لاوان و ئازادیی نیشتمان
 
یەکیەتیی لاوانی دێموکراتی کوردستانی ئێران
 
۲۰ی گەلاوێژی ۱۳۹٨ی هەتاوی
۱۱ی ئاگۆستی ۲۰۱۹ی زایینی
 photo 2019 07 13 12 42 43
کوردستانیانی ئازیز
 ڕێبوارانی ڕێگای ئاشتی و ئازادی
 
سی ساڵ بەسەر تیرۆر کردنی ڕێبەری بلیمەت و مافخوازی گەلەکەماندا تێدەپەرێ، ڕێبەرێک کە هەموو ژیانی خۆی لە کوردستان و هەندەران تەرخان کرد بۆ یەک مەبەست، گەیاندنی نەتەوەکەی بە داخوازییە لەمێژینەکانی واتا ئازادی و یەکسانی.
 
قاسملوو ئەو مامۆستا مەزنە بوو کە قوتابخانەکەی بە هەزاران قووتابی دەروەستی نیشتمان، شوێنکەوتو و پێگەێشتووی  مەکتەبەکەین و تا هەنووکەش بەردەوام فێرخوازی ئەم قوتابخانەیە هەر دێتوو ڕێژەیان زیاتر دەبێ.
 
کە هزری دێموکرات دەبێتە بیری قاسملوو، بیری قاسملوو دەبێتە هزری زۆرینەی نەتەوەیەک لە نیشتمانێکی داگیرکراو، بیر و هزرێک کە قاسملوو  لە پێناویدا بوێرانە خەباتی کردوو بوو بە ڕەمزێک کە  دوای سی ساڵ لە شەهید بوونی دەبینین هەر دێتوو باڵا دەکات و دەبێتە  مەکتەبێک بۆ ئازادیخوازان.
 
قاسملووی ڕێبەر فێری کردین و سەلماندی کە خەبات بۆ ئازادی و یەکسانی قەتیس نابێتەوە لە جۆگرافیایەکی دیاریکراودا و خەبات سنوورەکان دەبەزێنێ. مامۆستامان بۆ گەیاندنی دەنگی مافخوازی نەتەوەکەمان لە کوردستان و هەندەران ساتێک وچانی نەدا و لە هەموو دەرگایەکیدا بۆ ئەوەی جیهان ئاگادار بکاتەوە کە نەتەوەیەکی حەقخواز زووڵمی لێدەکرێ و دەچەوسێتەوە، قاسملوو ببوو بە  خەمخۆری نەتەوەیەکی بێ دەرەتان  لە ناو  کایەی سیاسی زڵهێزانی جیهاندا، ئەو زڵهێزانەی ئامادە بوون  لە پێناو بەرژەوەندی پەردەپۆشی هەموو تاوانێک بکەن.
 
بەڵام ڕێبوارانی ڕێبازی قاسملوو وانەی خەباتی بێ سنوور و بەردەوامیان لە مامۆستا فێر بوون و دیتمان کە  دەرگای ئەو شارانەی مامۆستای خەمخۆرمان  دەیکووتان، قوتابیانی ئێستا شەقامەکانی دەهەژێنن و بانگی دادپەروەری و عەداڵەت بە گوێیاندا دەدەن.
 
ئەو کاتەی تیرۆریستانی کۆماری ئیسلامی لەسەر مێزی وتووێژ جەستەی قاسملوویان شەهیدکرد، پێیان وابوو کە خەبات کۆستی دەکەوێ و دادەمرکێ نەیانزانی کە زیندوویەتی لە پەیامدایە نەک  جەستە.
 
 
لە ئێستاش دا دەبینن دوای تێپەڕبوونی سێ دەیە لە لەدەستدانی ڕێبەرمان خەبات بۆ گەیشتن بە ئامانج هەر دێتوو بەربڵاوترو گەرم تر دەبێ، و کۆمەڵگای ئەمرۆی کوردستان و تاکەکانی بەرەو ئەو ئامادەبوونە هەنگاو دەنێن کە فەرهەنگی خەباتکردن ببێتە بە بەشێک لە ژیانی ڕۆژانەیان.
 
خەبات و لەخۆبردوویی قاسملووی ڕێبەر و سەرجەم شەهیدان، ئەو وانەیان فێری نەسلەکانی دوای خۆیان کرد کە سەربەخۆیی بێ فیداکاری ئەبەد سەرناگرێ، ئەوەیە کە ئەمڕۆ شاهیدی پەیوەست بوونی پۆل پۆل  کچان و کوڕانی هەڵوەدای ئازدین بە ڕیزەکانی خەبات، ئەمەش سەلمێنەری ئەو ڕاستییە کە قاسملوو لە ڕێبازیدا زیندووە.
 
بە هێوای  ڕۆژێک کە بکەرانی ئەم کردەوە ناجوامێرانەیە بە سزای کردەوەکەیان بگەن و نەتەوەکەمان بە ئامانجی پڕ سەروەری شەهیدانمان  بگات.
 
ڕێباز و بیری قاسملوو بەردەوام
سەرکەوێ خەباتی نەتەوەیی دێموکراتی کوردستانی ئێران
پووشپەری١٣٩٨
IMG 20190710 132451 217
 
بەناوی فریشتە باڵ سوورەکانی ڕێگای ئازادی
ڕێبوارانی ڕێبازی قاسملوو
چاوەڕێیانی دادپەروەری و عەداڵەت
 
دووبارە کۆبووینەتەوە بۆ بیر هێنانەوەی ڕۆژێکی ڕەش و غەمهێنەر لە مێژووی کوردستان کە دوای تێپەڕبوونی ٣٠ ساڵ لە بەرکەوتنی ئەو زامە لە جەستەی نیشتمان هێشتا ئەم برینە بەهۆی نادادپەروەری ساڕێژ نەکراوە و هەر دێت و قووڵتر و قووڵتر دەبێ و نەتەوەیەکی پێ داخ لەدڵ و چاو بە فرمێسکە.
 
ڕۆژێک کە تیرۆریستان و داگیرکەرانی ڕۆژهەڵاتی نیشتمان بەرگێکی دیکەیان، لە مێژووی ڕەشی خۆیان زیاد کرد و ڕێبەری گەلێکی خولیای ئاشتی و ئازادیان بە شێوەیەکی نامرۆڤانە لە سەر مێزی وتووێژ تیرۆرکرد و پێغەمبەری ئاشتیان لە خاج دا.
 
ڕێژیمی کۆنەپەرەستی کۆماری ئیسلامی ئێران کە نەیتوانی بیری ڕووناکیدەری قاسملوو و پێناسە نوێیەکەی بۆ مرۆڤایەتی قەبوول بکا، لە دەروازەی ئاشتەوایی بە نییەتی تیرۆرکردن هاتنە ژوور و جەلادەکان تاکە بژاردەی نێو مێشکیان کە تیرۆرکردنە هەڵبژارد بەرامبەر بە نوێنەرانی نەتەوەیەکی ئاشتیخواز.
 
ئەو کردەوە نامرۆڤانەیەی کە لە تیرۆریزم پەروەرانی کۆماری ئیسلامی، چاوەڕوان دەکرا بەقەد ئەو نادادپەروەری و ناعەداڵەتییەی کە لە کانگای دێموکراسی و ئازادی بەرامبەر بە مامۆستای مەزن و هاوڕێیەکەی کرا برین ناکولێنێتەوە کە تاوانباران بەبێ هیچ لێپرسینەوە و سزادانێک ئازاد کران و بە
کردەوە یاسا لە پێناو بەرژەوەندی ژێر پێ خرا و دۆسیەی ئەم تاوانە لەلایەن بەرژەوەندیخوازانی وڵاتی ئۆتریش مۆرێکی بێدەنگیی لێدرا.
 
بەڵام ئێستا دوای تێپەڕ بوونی ٣٠ ساڵ بە سەر ئەم کارەساتە و شەهید بوونی خۆرەتاو بەردەوام لاوانی کۆڵنەدەر و ڕێبوارانی ڕێبازی قاسملوو بۆ سەرکەوتنی حەق بە سەرناحەقدا هاتوونەتە مەیدان و داوای لێپرسینەوە و زیندووکردنەوەی
دۆسیەی تیرۆری شەهیدی ڕێبەر دوکتور قاسملوو، عەبدوڵا قادر ئازەر و فازڵ ڕەسوڵ دەکەن و تاکوو دەنگی حەق و ڕاستی بە گوێی هەموو مرۆڤەکانی حەقخواز بگەیەندرێت.
 
لاوانی دێموکرات بنیادنەرانی ڕێکخراوەکەیان هەرگیز لە بیر ناکەن و تاوەکوو بەدیهاتنی ئامانجەکانیان و سەرکەوتنی حەق و ڕاستی ئەگەر دەیان ساڵی تریش بخایەنێ هێشتا ئاوا شەقام دەهەژێنن و شاخ دەکەن بە سەنگەری ئازادی و دەنگی مافخوازی هەڵدەبڕن. 
 
ئێمە لاوانی ڕۆژهەڵاتی داگیرکراو لە سەر پەیمان و بەڵێنمان بە شەهیدانی ڕێگای ئازادی سوور و کۆڵنەدەرانە بەردەوامین و هەر بەشێکمان ئەرکی خۆی بۆ گەیشتن بە حەق و ئازادی ڕادەپەڕێنێ لاوانی شار بە پشتیوانی لاوانی شاخ بۆ ستاندنی حەقی نەتەوەکەیان خەبات دەکەن و ئێمەش وەکوو لاوانی تاراوگە شان بەشانی هاوڕێیانمان لە شاخ و لە شار ئەرکی خۆمان بە جێ دەگەیێنین بۆ ئەوەی ڕاسان لە هەموو ڕەهەند و بەشەکانیدا سەربکەوێ و ئاوات و ئامانجی شەهیدانی بەدیی بێت.
 
سڵاو لە ڕۆحی شەهیدانی گەل
 
مەرگ و نەمان بۆ تیرۆریستان و یارمەتیدەرانی تیرۆر
 
سەرکەوێ خەباتی نەتەوەیی دێموکراتیکی کوردستان
پووشپەری ١٣٩٨
ژوئینی ۲۰۱۹

IMG 20190604 132435 041

 

یەکیەتیی لاوانی دێموکراتی کوردستانی ئێران لە پەراوێزی سمیناری زانستی بە مەبەستی لێکۆڵینەوەی زیاتر و دەرکەوتنی ڕاستییەکانی شۆڕشی سمایل ئاغای شکاک"سمکۆ" بە نیازە ژمارەیەکی تایبەت لە وتار و بابەتی زانستی لێکۆڵەرانی مێژووی کورد سەبارەت بە شۆرشی سمکۆ بڵاوبکاتەوە.

لەم پێناوەدا داواکارین لە سەرجەم شارەزایانی مێژوو هاوکارمان بن و وتارە زانستیەکانیان بۆ ئەو ئادرێسانە بنێرن .

دواین وادە بۆ ناردنی بابەتەکانتان
٢٧ی جۆزەردانی ١٣٩٨

لەم ڕێگایانەی خوارەوە بابەت و نووسراوەکانتان بە دەستمان بگەیێنن.

telegram : @mangnamei_lawan
email : ئەم ئیمەیڵە پارێزراوە لە سپام, پێویستە جاڤا سکریپت چالاک بکەیت بۆ بینینی.