ڕاگه‌یه‌ندراو

RTGNYIR

 

ئەندامانی یەکیەتیی لاوانی دێموکراتی کورستانی ئێران، هەروەک ئاگادارن، کۆماری تیرۆریستپەروەی ئیسلامیی ئێران لە درێژەی دەست درێژی و هێرشەکانی بۆ سەر کوردستان بەتایبەت پەلامارە تیرۆریستییەکانی بۆ سەر حیزبەکانی ڕۆژهەڵاتی کوردستان، ڕۆژی شەممە ۱۷ی خەرمانانی ۲۷۱۸ی کوردی بەرانبەر لەگەڵ ۸ی سێپتامبری ۲۰۱۸ی زایینی، هەموو هێڵە سەروەرییەکانی هەرێمی کوردستان ــ باشوور، دەبەزێنێت و بە شێوەیەکی نامرۆڤانە لە قووڵایی خاکی باشووری کوردستان، کەمپەکانی ژن و منداڵانی حیزبی دێموکراتی کردە ئامانجی مووشەکەکانی خۆی و لاپەڕەیەکی‌تر ڕەشی لە مێژووی دەستکردی خۆیدا تۆمار کرد.

 

لە ئاکامی ئەو هێرشە نامرۆڤانەی ڕێژیمی کۆماری ئیسلامیدا بەداخەوە پۆلێک هاوڕێ تێکۆشەر و دڵسۆزمان تێکەڵ بە کاروانی سوورخەڵاتی شەهیدان بوون و ڕێژەیەکی زۆریش لە هاوڕێیانمان بریندار بوون، هاوکات لە بەربەیانی هەمان ڕۆژدا سێ لاوی بێ تاوانی کورد لە بەندیخانەی ڕەجایی شاری کەرەج، بە ناوەکانی ڕامین حوسەین‌پەناهی، زانیار و لوقمان مورادی کە تەنیا تاوانیان کوردبوون بوو لە سێدارە دەدات.

 

بە مەبەستی ئیدانە کردن و دەربڕینی ناڕەزایەتی لە هەمبەر سەرجەم کردەوە تیرۆریستییەکانی ڕێژیم بەتایبەتی کردەوە تیرۆریستییەکانی ڕۆژی ۱۷ی خەرمانان/۸ی سێپتامبر، لەلایەن ناوەندی ڕێکخستنی گشتی یەکیەتیی لاوانی دێموکراتی کوردستانی ئێرانەوە بە سەرجەم ئەندامانی ڕێکخراوەکەمان لە باشووری کوردستان و دەرەوەی وڵات ڕادەگەیەنین، چالاکانە پەیوەست بن بەو خۆپشاندان و کۆبوونەوە ناڕەزایەتییانەوە کە ناوەندی هاوکاریی حیزبەکانی کوردستانی ئێران بە هاوکاری حیزبەکانی دیکەی ڕۆژهەڵاتی کوردستان پێکیان هێناون.

 


ناوەندی ڕێکخستنی گشتی یەکیەتیی لاوانی دێموکراتی کوردستانی ئێران

۱۹ی خەرمانانی ۲۷۱۸ی کوردی
۱۰ی سێپتامبری ۲۰۱۸ی زایینی

ROB95XI

 

هاونیشتمانیانی ئازیز
کۆڕ و کۆمەڵە مرۆڤدۆستەکان
هەروەک ئاگادارن، سەر لە بەیانیی ڕۆژی شەممە ١٧ی خەرمانانی ١٣٩٧ی هەتاوی بەرانبەر بە ٨ی سێپتامبری ٢٠١٨ی زایینی، دەسەڵاتی کوردکوژ و داگیرکەری ئێران، جارێکی دیکە ڕقی پەنگخواردووی هەزاران ساڵەی خۆی بە سەر نەتەوەی مافخوازی کورد و ڕۆڵە تێکۆشەرەکانی ئەم گەلەدا هەڵڕشت و بە هۆڤانییەت و دڕندایەتییەک کە هەر لە خۆیان دەوەشێتەوە، جارێکی دیکە خاکی پیرۆزی کوردستانیان بە خوێنی شەریفترین و ئازاترین ڕۆڵەکانی نەتەوەکەمان سوور کرد.
ڕێژیمی مرۆڤکوژی تاران کە ئێستا زیاتر لە هەمیشە، سیمای نگریس و ناخی قیزەونی وەکوو تاقمێکی کاولکەر و دژە شارستانیەت و بەڵایەک بۆ گیانی مرۆڤایەتی و گەلانی ڕۆژهەڵاتی ناوەراست ناسراوە، لە لایەکەوە لە زیندانی ڕەجایی شەهری کەرەج، سێ چالاکی سیاسیی کوردی بە شێوەی دڕندانەی باوی خۆی لە سێدارە دا و لە لایەکی دیکەوە، لە هێرشێکی مووشەکی و ئاسمانیی ترسنۆکانەدا کەمپی بنەماڵەکان و بنکە و بارەگاکانی حیزبی دێموکرات و تێکۆشەرانی ڕێگای ئازادیی کوردستانی کردە ئامانج و لە سەرەمەرگ و بەرەبەری ڕووخانیی یەکجاریی خۆیدا، بۆ جارێکی دیکە سەلماندی کە ترس و دڵەراوکێی لە نەتەوەی کورد و ڕۆڵە تێکۆشەرەکانی لە سەرەوەی هەموو نیگەرانی و دڵەراوکێکانی داناوە و بە هەموو هۆڤانییەت و توانای کاولکاری و خوێنڕشتنیەوە دەیهەوێ لە ئێستاوە تۆڵەی ڕووخان و دواڕۆژی ڕەشی خۆی لە نەتەوەی کورد بکاتەوە.
لە هێرشەکەی دوێنێی کوردکوژانی تاراندا، دەیان ڕۆڵەی تێکۆشەر و ئازا و پێگەیشتووی نەتەوەکەمان و لە نێویاندا چەندین ژن و منداڵ شەهید و بریندار بوون کە لە ڕیزی ئەواندا دەتوانین ئاماژە بە ناوی هاوڕێی پێشمەرگە و ئەندامی بەوەجی یەکیەتیی خوێندکارانی دێموکراتی کوردستانی ئێران، شەهید فارووق حەسەن خەیات بکەین کە وەکوو ئەندامێکی کارا و دڵسۆز، وێڕای بەشداریی چالاکانە لە ئەرکە حیزبییەکانیدا وەکوو مامۆستای فێرگەی دێموکرات، شانی دابووە بەر ڕاپەڕاندنی ئەرکی ڕێکخراوەیی لە یەکیەتیی خوێندکاراندا و ماندوویی نەناسانە لەو بوارەشدا تێدەکۆشا.
شەهیدبوونی ئەو پۆلە تێکۆشەرە کە سەر بە چەند حیزب و ڕێکخراوی جیاجیای کوردستانی ڕۆژهەڵات بوون، پێمان دەڵێ کە ئێمەی کورد چەندەش پەرتەوازە بین و بە هەموو کەلێن و ناکۆکییەکانی نێوانمانەوە، لە ڕوانگەی دوژمنانەوە هەر یەک تاوانمان هەیە کە کوردبوون و پێداگری لە سەر کوردستانی بوونمانە و یەک سزاشمان بۆ دیاری کراوە کە ئەویش ژینۆساید و کوشتن و ماڵوێرانییە.
لە بەرانبەر ئەو هەموو لێبڕاوییەی داگیرکەراندا بۆ دژایەتیکردن و ژینۆسایدی نەتەوەی کورد، ئێمەش دەبێ لێبڕاوانە و زیاتر لە هەمیشە، بەو قەناعەتە بگەین کە یەکخستنی ڕیزەکان و وە سەر یەکخستنی تواناکانمان، باشترین شێوازی ڕێزگرتن و پاراستنی حورمەتی ئەو خوێنە بە ناهەق ڕژاوانە و باشترین میکانیزمی تۆقاندن و ئامادەکاری بۆ ڕاماڵێنی داگیرکەر تا ئەو پەڕی سنوورەکانی کوردستانێکی ئازاد و بەختەوەرە کە لەوێدا چیدی گیان و ماڵ و کەرامەت و ژینگە و سەروەریی خاک و تاکی کورد پێشێل نەکرێت.
ئێمە لە ڕێکخراوەکانی ژنان، لاوان و خوێندکارانی دێمۆکراتی کوردستانی ئێراندا، پێمان وایە کە پێویستە فەرهەنگی تۆڵە لە ناخ و ویژدانی هەموو تاکەکانی کۆمەڵگاکەماندا جێگیر بکرێت و ئەم فەرهەنگە تا دابینکردنی هەموو مافەکانمان و ڕاماڵینی یەکجاریی داگیرکەر لە خاکە پیرۆزەکەمان، ڕێنوێنی تێکۆشانی سیاسی و کۆمەڵایەتی و فەرهەنگیی تاک بە تاکی نەتەوەکەمان بێت.
هەروەها باوەڕمان وایە کە کۆمەڵگەی نێودەوڵەتی ئەگەر تۆزقاڵێک پابەندی دروشم و ڕێسا مۆدێرن و مرۆڤتەوەرانەکانی خۆی بێت و تەنانەت ئەگەر ئازادی و بەختەوەریی مرۆڤ لە وڵاتەکانی خۆیانیشدا بۆیان گرینگە، نابێ چیدی لە بەرانبەر پەلهاوێشتنی دڕندایەتیی و دەستدرێژییەکانی ڕێژیمی مرۆڤکوژی ئێران و خولقاندنی تاوان و ژینۆساید دەرهەق بە نەتەوەی مافخوازی کورد بێ هەڵوێست بێت.
لە کۆتاییدا وێڕای دەربڕینی پەیمانی وەفا و ئەمەگناسی بۆ دوایین شەهیدانی سوورخەڵاتی ڕێگای ڕزگاریی نەتەوەکەمان، هیوا دەخوازین بریندارانی ئەو هێرشە دڕندانەیەش هەرچی زووتر برینەکانیان سارێژ بێتەوە و بە تەندروستی بگەڕێنەوە سەر کار و ژیانی ئاسایی خۆیان.
هەزاران سڵاو لە گیانی پاکی شەهیدانی ڕێگای ڕزگاریی کوردستان
شەرم و ڕیسوایی بۆ خۆفرۆشان و داردەستەکانی داگیرکەر
بڕووخێ ڕێژیمی کوردکوژی کۆماری ئیسلامیی ئێران

یەکیەتیی ژنانی دێموکراتی کوردستانی ئێران

یەکیەتیی لاوانی دێموکراتی کوردستانی ئێران

یەکیەتیی خوێندکارانی دێموکراتی کوردستانی ئێران

١٨ی خەرمانانی ١٣٩٧ی هەتاوی

٩ی سێپتامبری ٢٠١٨ی زایینی

IMAGE 2018 08 27 102313

مردم مبارز کوردستان.

جوانان، زنان و دانشجویان کوردستان.

همانگونه که مستحضرید، روز شنبه سوم شهریور ماه ۱۳۹۵ شمسی، به علت آتش سوزی جنگل‌های مریوان، چهار تن از مبارزین شهر و فعال محیط زیستی این شهر به نام‌های امید کهنه پوشی، رحمت حکیمی نیا(حسین زاده) و محمد پژوهی، در راه محافظت از محیط زیست کوردستان جان خود را فدا کردند و چند فعال دیگر نیز زخمی شدند.

بنابر گزارشات منتشر شده، چهار تن از مبارزین شهر و فعال محیط زیستی مریوان در هنگام تلاشی دلسوزانه و میهن‌دوستانه برای اطفاء حریق جنگل‌های شهرستان مریوان، متٲسفانه به علت انفجار مین‌‌های کاشته شده توسط رژیم، جان خود را از دست می‌دهند و همزمان نیز چند فعال محیط زیستی دیگر نیز زخمی می‌شوند.

آشکار است که ملت کورد از همان روزهای نخست روی کار آمدن رژیم اسلامی ایران تاکنون، بویژه طی چند سال اخیر که شرق کوردستان مبارزه تازه‌ای تحت عنوان راسان در پیش گرفته است، به صورت مستمر آماج سیاست‌های ضدبشری رژیم افاشیستی-مذهبی ایران بوده و جمهوری اسلامی از هر شیوه ممکن و ضدبشری برای از بین بردن محیط زیست، منابع و جنگل‌های کوردستان بهره برده و اکثر مواقع نیز به بهانه حضور نیروهای پیشمرگه، باغ و مزارع مردم کوردستان را به آتش کشیده است.

ما، اتحادیه جوانان، زنان و دانشجویان دمکرات کوردستان ایران، آتش سوزی جنگل های شهرستان مریوان را توطئه شوم رژیم اسلامی می‌دانیم و حکومت جمهوری اسلامی ایران در برابر جان باختن و زخمی شدن این فعالین محیط زیست، مسئول است.

ما اتحادیه‌های جوانان، زنان و دانشجویان دمکرات کوردستان ایران، جان باختن این چهار مبارز شهر و فعال محیط زیست را به خانواده‌ی این عزیزان، انجمن سبز چیا،مردم مریوان و سراسر کوردستان، تسلیت می‌گوئیم و امیدواریم مصدومین این واقعه تلخ هر چه زودتر شفا یابند.

اتحادیه‌های جوانان، زنان و دانشجویان دمکرات کوردستان ایران.

۳ شهریور ۱۳۹۵ شمسی.
۲۵ آگوست ۲۰۱۸ میلادی.

IMAGE 2018 08 26 104042


خەڵکی به شەرەفی کوردستان.

لاوان، ژنان و خوێندکارانی کوردستان.

هەر وەکوو هەموومان ئاگادارین ڕۆژی شەممە ڕێکەوتی ۳ی خەرمانانی ۲۷۱۸ی کوردی بەرانبەر لەگەڵ ۲۵ی ئاگۆستی ۲۰۱۸ی زایینی، بە هۆی ئاگرکەوتنەوەی دارستانی ناوچەکانی دەوربەری شاری مەریوان، چوار چالاکی خەباتی شار و ژینگەپارێزی ئەو شارە بە ناوەکانی شەریف باجوەر، ئومید کۆنەپۆشی(حوسەین زادە)، ڕەحمەت حەکیمی نیا و محەمەد پەژۆهشی، لە پێناو پاراستنی ژینگە و سروشتی کوردستان گیانیان بەخشی و ژمارەیەک کەسیش بریندار بوون.

بەپێی هەواڵە بڵاو کراوەکان، چوار خەباتکاری شار و ژینگەپارێزی خۆبەخشی ئەو شارە، کاتێک کە لە هەوڵێکی دڵسۆزانە و نیشتمانپەروەرانەدا هەوڵی کوژاندنەوە ئاگری دارستانەکانی شاری مەریوان دەدەن، بەداخەوە بە هۆی تەقینەوەی مینە چێنراوەکانی ڕێژیمەوە شەهید دەبن و پۆلێکیشیان بریندار دەبن.

ئاشکرا و ڕوونە کە ڕێژیمی کۆماری ئیسلامیی ئێران لە پاش هاتنە سەرکاری تا هەنووکە، بەتایبەت لە چەند ساڵی ڕابردوودا کە خەباتی نوێی ڕۆژهەڵاتی کوردستان، واتە خەباتی شار و شاخ دەستی پێکردووە، لە هیچ هێرشێکی نامرۆڤانە بۆ سەر کوردستان خۆی نەبوێراوە و بە هەموو شێوەیەکی ناڕەوا و نابەرانبەر هەوڵی لە نێو بردنی ژینگە و سروشت و دارستانەکانی کوردستانی داوە و زۆر جاریش بە بیانووی هەبوونی هێزی پێشمەرگە باغ و مەزرای خەڵکی بێ تاوانی کوردستانی سووتاندووە.

ئێمە وەکوو یەکیەتییەکانی لاوان، ژنان و خوێندکارانی دێموکراتی کوردستانی ئێران، ئاگرکەوتنەوەی دارستانەکانی شاری مەریوان بە پیلانی خۆدی ڕێژیم دەزانین و حکوومەتی کۆماری ئیسلامیی ئێران بەرانبەر بە گیان لە دەستدان و بریندار بوونی ئەو پۆلە خەباتکارەی شار و ژینگەپارێزەی کوردستان بە بەرپرسیار دەزانین.

یەکیەتییەکانی لاوان، ژنان و خوێندکارانی دێموکراتی کوردستانی ئێران، بەبۆنەی شەهید بوونی ئەو چوار خەباتکارەی شار و ژینگەپاریزە دڵسۆزە، کە گیانی خۆیان بەختی پاراستنی ژینگە و سروشت و دارستانەکانی کوردستان کرد، سەرەخۆشی خۆمان ئاراستەی بنەماڵە سەربەرزکانیان، چالاکانی ژینگەپارێزی کوردستان، ئەنجۆمەنی چیای سەوزی مەریوان و خەڵکی مەریوان و ڕۆژهەڵاتی کوردستان دەکەین و خۆمان بە شەریکی خەم و پەژارەیان دەزانین. هەروەها هیوای چاکبوونەوە و گەڕانەوەی تەندروستی بۆ بریندارەکان دەخوازین.

یەکیەتییەکانی لاوان، ژنان و خوێندکارانی دێموکراتی کوردستانی ئێران.

۳ی خەرمانانی ۲۷۱۸ی کوردی
۲۵ی ئاگۆستی ۲۰۱۸ی زایینی.

IMAGE 2018 08 13 213311

 

 

 

 

 

 

 

 

 

 

 

 

 

 

 

خەڵکی بە شەرەفی کوردستان

لاوانی خۆڕاگری کوردستان

پێشمەرگە قارەمانەکانی شاخ و شار

ئەندامانی یەکیەتی لاوان

شەوی 20ـی گەلاوێژی 2718ـی کوردی بەرانبەر لەگەڵ 11ـی ئاگۆستی 2018ـی زایینی، فەرماندەهی هێزی پێشمەرگەی کوردستان سەر بە حیزبی دێموکراتی کوردستانی ئێران، لە ڕاگەیەندراوێکدا شەڕ و تێکهەڵچوون لە نێوان پێشمەرگەکانی کوردستان و داگیرکەران و هێزە دژی گەلییەکانی سپای ترۆریستی پاسداران، لە شاخەکانی کێلەشینی شنۆ ڕاگەیاند، پێشمەرگە چاونەترسەکانی کوردستان جارێکی دیکە حەماسەیەکی قارمانانە و بێوێنە وەکوو حەماسەکانی قەرەسەقل و کۆساڵانیان خۆلقاند و کۆمەڵێکی بەرچاو لە بەکرێگراو و چڵکاوخۆرانی ڕێژیمی کۆماری ئیسلامییان ڕەوانەی دۆزەخ کرد.

بەداخ و کەسەرێکی زۆرەوە پۆلێک لە پێشمەرگەکانی حیزبی دێموکرات و لاوانی پێشەنگی گۆڕەپانی ڕاسان و ئەندامانی یەکیەتی لاوان، لەو شەڕ و تێکهەڵچوونە نابەرانبەرەدا تێکەڵ بە کاروانی هەرگیز نەمری شەهیدان بوون و درێژەی ڕێگای تێکۆشانیان بە هاوسەنگەرانیان سپارد. یەکیەتی لاوانی دێموکراتی کوردستانی ئێران، سەرەخۆشی لە بنەماڵە و کەسوکاری سەربەرزی شەهیدان، پێشمەرگەکانی حیزبی دێموکرات و ئەندامانی یەکیەتی لاوان و هەموو خەڵکی کوردستان دەکات و خۆمان بە شەریکی خەم و پەژارەیان دەزانین.

لاوانی خۆڕاگری ڕیزەکانی حیزبی دێموکراتی کوردستانی ئێران و ئەندامانی یەکیەنی لاوان

هەر وەکوو ڕێبەری مەزنی گەلەکەمان، د.قاسملووی نەمر فەرمووی؛ "ئێمە لە مێژە بڕیارمان داوە لە ڕۆژی شەهید بوونی شەهیدان و لە یاد و بیرەوەری شەهیدانمان ناگرین، تەنیا و تەنیا کارێک کە دەتووانی بیکەین لە بەر یاد و بیرەوەری شەهیدان بێت، ئەوەیە کە درێژەدەری رێگای ئەوان بین، باشترین پاداش بۆ شەهیدان درێژە پێدانی ڕێگایانە"، بۆیە ئێمە وەکوو لاوانی جەرگەی شۆڕش، باشترین کار بۆ ئەوەی کە سەرجەم شەهیدانی کوردستان، بەتایبەت شەهیدانی تازەی گەلەکەمان بە ئاسوودە بنوون، ئەوەیە کە لە سەنگەرەکانی ئەوان درێژەدەری ڕێگای خەباتیان بین

لاوانی ئازادیخوازی ڕۆژهەڵاتی کوردستان

ئێمە وەکوو لاوانی نەتەوەی کورد لە ڕۆژهەڵاتی کوردستان، بە تاوانی ئەوەی کە کوردین و داوای مافە ڕەواکانی خۆمان دەکەین کە لە لایەن حکوومەتی جەهل و نەزانی ویلایەتی فەیهەوە پێشێل کراوە، ڕۆژانە بە هۆکاری جۆراوجۆر دەکرینە ئامانجی گوللەی چەکەکانی داگیرکەرانی کوردستان یان لە بەندیخانەکانی ڕێژیمی کۆماری ئیسلامیی ئێران بە ئازار و ئەشکەنجەی مۆرەکانی ڕێژیم و لە سەر داری سێدارەکانی کۆماری پەت و سێدارە، دەکرینە قوربانی.
بۆ ئەوەی کە کۆتایی بەو زۆڵمانە و کوشتن و شەهید بوونی لاوانی نەتەوەکەمان بهێنین، دەتوانی هەموومان لە سەنگەری "ڕاسان"ـدا دژ بە زۆڵم و ستەمی کۆماری دیکتاتۆری ئیسلامیی ئێران ڕابوەستین

لاوان هێز و وزەی هەر کۆمەڵگا و نەتەوەیەکن، ئێمەی چینی لاو لە کۆمەڵگای ڕۆژهەڵاتی کوردستاندا دەتووانین لە سەنگەرەکانی زانکۆ، قوتابخانە، شەقامەکانی شار و کۆڵانی گوندەکان و لە سەنگەرەکانی پێشمەرگایەتی‌دا بەشداری لە خەباتی نوێی ڕۆژهەڵاتی کوردستان لە ژێر ناوی "ڕاسان"ـدا بکەین بە دژی پێشێل کردنی مافە نەتەوەییەکانمان

جارێکی تر سڵاو دەنێرین بۆ گیانی پاکی سەرجەم شەهیدانی کوردستان و شەهیدانی تازەی گەلەکەمان
بەلێنی وەفاداری لەگەڵ ڕێبازی پیرۆزیان نوێ دەکەینەوە کە تا وەدی هاتنی ئامانج و ئاواتی نەتەوەکەمان دەست لە خەبات و تێکۆشان هەڵنەگرین

یەکیەتی لاوانی دێموکراتی کوردستانی ئێران.

٢٢ـی گەلاوێژی ٢٧١٨ـی کوردی.
٢٢ـی مۆردادی ١٣٩٧ـی هەتاوی.
١٣ـی ئاگۆستی ٢٠١٨ـی زایینی.