کۆمه‌ڵایه‌تی

IMG 20181112 223023 234

 
لاوان میدیا: پۆلێک لە لاوانی خوێندکاری زانکۆی پەیام نووری شاری مەریوان، هەڵمەتێکی بەڕوو چاندنیان بەڕێوە برد.
ڕۆژی دووشەممە ۲۱ی خەزەڵوەری ۱۳۹۷ی هەتاوی بەرانبەر بە ۱۲ی نۆڤامبری ۲۰۱۸ی زایینی، لاوانی خوێندکاری بنکەی "ژینگە" سەر بە پەیام نووری شاری مەریوان، لە هەڵمەتێکی ژینگەدۆستانە و ژینگەپارێزانەدا لە چەندین شاخی دەوروبەری مەریوان بەڕوویان چاند.
جێگای خۆشحاڵییە کە لاوانی خوێندکاری پەیام نووری شاری مەریوان بەڕێژەیەکی بەرچاو لەم هەڵمەتەدا بەشدارییان کردووە، جێگای ئاماژەیە جیا لە بنکەی "ژینکە"، پۆلەکانی فێرکاریی زمانی کوردی لەم هەڵمەتە ژینگەدۆستانەیەدا بەشدارییان و ئەم هەڵمەتەیان پێشکەش کردووە بە ڕۆحی پاکی ئەو شەهیدانەی کە لە پێناو ئاشتی و ئاوەدانی وڵاتەکەماندا گیانیان بەخت کرد.
بنکەی "ژینگە"، لە ساڵی ١٣٩٤ی هەتاوی بەرانبەر بە ۲۰۱۵ی زایینی، بە شێوەیەکی خۆڕسک دامەزراوە و بەردەوام سەرقاڵی چالاکیی ژینگەیی و فەرهەنگی بووە، یەکێک لە چالاکییەکانی ئەم بنکەیە هەڵمەتی بەروو چاندن بووە کە ئەمڕۆش وەکوو ساڵانی ڕابردوو لە زانکۆ پەیام نووری مەریوان بەڕێوە چوو.

shutterstock 107145812 1

 
لاوان میدیا : بە پێی ئاماری ناوەندەکانی مافی مرۆڤ کە بڵاوکراوە زیاتر ۱۰۰ هاووڵاتی کورد لە کوردستانی ڕۆژهەڵات بە هۆکاری جۆراوجۆر کۆتاییان بەژیانی خۆیان هێناوە.
 
 
بەپێی ئاماری بڵاوکراوە لە ماوەی شەش مانگی ڕابردوو دا لە کوردستانی ڕۆژهەڵات زیاتر لە ۱۰۰ هاووڵاتی کورد کۆتاییان بەژیانی خۆیان هێناوە کە ٥۰ لەو هاوڵاتییانە پیاون و ٥٦ ژنانن، هەمان هەواڵ باسی لەوەش کردووە کە لە پارێزگاکانی ئیلام و ئورومیە ڕێژەی خۆکوشتنی ژنان زیاتر بووە و هەروەها لە پارێزگاکانی سنە و کرمانشان ڕێژەی خۆ کوشتنی پیاوان زۆرتر بووە.
 
 
سەرجەم خۆکووشتنەکان بە ڕێژەی یەکەم بەهۆی هەژاری و بێکاریەوە بووە و بەڕێژەی دووەمیش بەهۆی کێشەی خێزانییەوە بووە
 
 
 هەروەها زۆربەی خۆکوشتنەکان بە پلەی یەکەم بەهۆی خۆهەڵواسینەوە بووە و حەب خواردن و خۆسووتاندنیش لە پلەی دووەم و سێیەم دێت.

photo 2018 10 01 12 32 55

 
 
لاوان میدیا : لاوێکی کوردی خەڵکی شاری جوانڕۆ لە لایەن دەزگای هەڵسەنگاندنی ئێرانەوە لە خوێندن بێ بەشکرا.
 
 
لاوێکی کورد بەناوی " مەسعود کەریمی" خەڵکی شاری جوانڕۆی سەر بە شاری کرماشان، دەزگای هەڵسەنگاندی ڕێژیمی کۆماری ئیسلامی ئێران بە بەهانەی تەواو نەبوونی کەیسی خوێندنی لە خوێندن بێ بەشکرا.
 
 
بە پێی هەواڵی ئاژانسی هەواڵدەریی کوردپا، ئەو خوێندکارە کوردە یەکێک بووە لە خوێندکارە ئەستێرەیەکانی بەشی زانستی سیاسی، پاش تەواو کردنی تاقیکردنەوەی کنکور بەسەرکەوتووی، دەزگای هەڵسەنگاندی ڕێژیمی ئێران بە بەهانەی تەواو نەکردنی کەیسی ئەو خوێندکارە کوردە لە خوێندن بێ بەشی کردووە.
 
 
هەروەها ئاژانسەکە ئەوەشی ڕاگەیاندووە کە ئەو خوێندکارە لە لایەن ئیدارەی ئیتلاعات شاری کرماشان بانگهێشت و لێپرسینەوەی لێکراوە و تۆمەتی ئەنجام دانی چالاکی سیاسی خراوەتە پاڵی و لە بەردەوام بوون لە خوێندن بێ بەریکراوە.
 

photo 2018 09 28 19 18 37

 
لاوان میدیا: ئەندامێكی یەکیەتی لاوانی دێموکراتی کوردستانی ئێران لەلایەن حکومەتی هەرێمی کوردستانەوە ڕێزلێنانێکی پێ بەخشرا
 
 
 
بەپێی هەواڵی گەیشتوو بە ماڵپەڕی لاوان میدیا، ئەندامێكی یەکیەتی لاوانی دێموکراتی کوردستانی ئێران بەناوی "ساسان یەعقوبی" بەهۆی دەرچوونی بەپلەی یەکەم لە بەشی تەندروستی کۆمەڵ، لە کۆلێژی تەکنیکی تەندروستی زانکۆی پۆلەتەکنیکی سلێمانی لەلایەن جێگری حکومەتی هەرێمی کوردستان ڕێزلێنانێکی پێ بەخشرا.

IMG 20180924 211707 449

 
 
لاوان میدیا: بە پێی ئەو هەواڵەی کە ئاژانسە هەواڵدێریەکان بڵاویان کردووەتەوە مێرمنداڵێکی کورد کۆتای بەژیانی خۆی هێنا.
 
 
ڕۆژی شەممە ۳۱ی خەرمانان مێرمنداڵێکی تەمەن ۱۲ ساڵان بەناوی "ڕامین ئەبکپوور" بەهۆی کێشەی ئابووری و نەبوونی پێداویستی قوتابخانە کۆتای بەژیانی خۆی هێناوە
 
 
ئەو مێرمنداڵە کوردە خەڵکی پەریابی شاری مەلەکشای سەر بە پارێزگای ئیلامە
 
 
لەو پێوەندیە دا بە پێی ئامارەکانی ئاژانسە هەواڵدێریەکانی مافی مرۆڤ کە بڵاویان کردووەتەوە، ۱۳ منداڵ کە تەمەنیان لە خوار ۱٥ ساڵەوەیە لە شەش مانگی ڕابردوو دا کۆتاییان بە ژیانی خۆیان هێناوە.
 
 
ئەم خۆ کوشتنانە لە کاتێک دایە کە لەماوەی شەش مانگی ڕابردوو دا لە کوردستانی ڕۆژهەڵات بەهۆی کێشەی ئابووری و کۆمەڵایەتییەوە، چەندین کەس هەوڵی خۆ کوشتنییان داوە.