Warning: getimagesize(images/خودسوزی.jpg): failed to open stream: No such file or directory in /storage/content/40/1004740/lawan.org/public_html/plugins/content/smartresizer/smartresizer.php on line 468

کۆمه‌ڵایه‌تی

PicsArt 09 20 08.14.45

 
 
لاوان میدیا: سێ هاووڵاتیی کورد لە کوردستانی ئێران کۆتاییان بەژیانی خۆیان هێناوە.
 
 
ڕۆژی سێشەممە ۲۷ی خەرمانان هاوڵاتییەکی کورد خەڵکی شاری شنۆ بەناوی " نەجمەدین شادفەڕ" تەمەن ۳۲ ساڵ بەهۆی کێشەی خێزانییەوە کۆتای بە ژیانی خۆی هێناوە
 
 
لە هەمان کات دا سەربازێکی کورد خەڵکی شاری کرمان لە پاتگانی شاری سنە کۆتای بەژیانی خۆی هێناوە
 
 
هەروەها هاووڵاتیەکی کوردی خەڵکی گوندی ناوتەنگی خان مەنسووری سەر بە شاری شائاباد بەناوی"موژدە عەزیمی" تەمەن ۳۰ ساڵ، ڕێکەوتی ۲٨ی خەرمانان کۆتای بەژیانی خۆی هێناوە.
 
 
ئەمە لە کاتێک دایە کە لە ماوەی ڕابردوو دا چەندین کەس بەهۆی بێ کار وکێشەی کۆمەڵاییەتی و چەندین کێشە و گرفتی دیکە کۆتاییان بەژیانی خۆیان هێناوە.

photo 2018 09 17 11 52 00

 
 
 
لاوان میدیا: ژنێکی لاو لە شاری پیرانشار کۆتای بەژیانی خۆی هێنا.
 
 
بەپێی ئەو هەواڵانەی کە ئاژانسە هەوڵدێریەکانی مافی مرۆڤ بڵاویان کردووەتەوە ژنێکی لاوی تەمەن ۱٥ ساڵان بەهۆی کێشەی خێزانییەوە کۆتای بەژیانی خۆی هێناوە
 
 
بە پێی هەواڵەکە ڕۆژی یەکشەممە ۲٥ی خەرمانان ژنێکی لاو تەمەن١٥ سالان لە گوندی گردکسپیانی سەر بە شاری پیرانشار بەناوی "عایشە گوڵمحەمەدی" بەهۆی کێشەی خێزانییەوە کۆتای بەژیانی خۆی هێناوە
 
 
 
 
جێی سەرنجە کە لەماوەی ڕابردوو دا چەندین کچی ژێر ۱٨ ساڵ، ژیانی هاوبەشیان پێکهێناوە توشی چەندین گیروگرفت هاتوون و زۆربەشیان پەنایان بردووەتە بەر خۆ کوشتن.

خودسوزی

 
 
 
لاوان میدیا: دوو کچ لە شارەکانی ئیلام و سنە کۆتاییان بەژیانی خۆیان هێنا
بە پێی ئەو هەواڵانەی کە ئاژانسەکانی مافی مرۆڤ بڵاویان کردووەتەوە دوو کچی کورد لە شارەکانی ئیلام و سنە خۆیان کوشتووە
ڕۆژی دووشەممە حەفتەی ڕابردوو کچێک خەڵکی شاری ئیلام خۆی سوتاندووە و کۆتای بەژیانی خۆی هێناوە
بە پێی هەواڵی ئاژانسەکانی مافی مرۆڤ ئەو کچە تەمەن ۲٤ ساڵانە بەهۆی کێشەی خێزانییەوە دەستی داوەتە ئەو کارە
لە لایەکی ترەوە کچێک بە ناوی" سومەیە" تەمەن ۱٥ ساڵ خەڵکی شاری سنە کە ڕۆژی هەینی ڕابردوو بەهۆی لەچکەوە خۆی هەڵواسیووە و کۆتای بە ژیانی خۆی هێناوە
ئەمە لە کاتێک دایە کە لە چەند ساڵی ڕابردوو دا ڕێژەی خۆکوشتن لە ئێران دا بەتایبەتی لە کوردستانی ڕۆژهەڵات ڕۆژبەڕۆژ لە زیادبوون دایە.

IMG_20180911_125751_328.jpg

کۆڵبەرێکی لاو خەڵکی شاری ڕەبەت بە هۆی کەوتنەوە خوارەوە لە بەرزایی بە سەختی بریندار دەبێت

 


لاوان میدیا: لاوانی ڕۆژهەڵاتی کوردستان بە هۆی نەبوونی پیشە و کارەوە ناچارن ڕوو بکەنە پیشەی پڕمەترسی کۆڵبەرەی، سەرەڕای ئەوەش ڕۆژانە بە هۆکاری جۆراوجۆر دەبنە قوربانی، بەتایبەت بە هۆی تەقەی هێزەکانی کۆماری ئیسلامیی ئێرانەوە.

 

بەپێی ڕاپۆرتی ڕێکخراوی مافی مرۆڤی هەنگاو، ڕۆژی سێشەممە ۲۰ی خەرمانانی ۲۷۱۸ی کوردی بەرانبەر لەگەڵ ۱۱ی سێپتامبری ۲۰۱۸ی زایینی، کۆڵبەرێکی لاو خەڵکی شاری ڕەبەت، بە نێوی "حوسێن ئەحمەدی"، کوڕی سەید ئەحمەد، تەمەن ۲۳ ساڵ، بە هۆی کەوتنە خوارەوە لە بەرزایی بە سەختی بریندار بووە و لە ناوەندی دەرمانییەکانی شاری سەردەشت لە ژێر چاوەدێری پزشکیدایە.

 

پیشەی کۆڵبەری لە نێو لاوانی ڕۆژهەڵاتی کوردستان بووەتە سەرچاوەی بژیوی ژانیان، سەڕای ئەوەی کە زۆربەی لاوانی کورد لە ڕۆژهەڵاتی کوردستان قوناغەکانی خوێندن بە سەرکەوتوویی دەبڕن، بە هۆی ئەو فەرق و جیاوازییانەوە کە ڕێژیم لە نێوان نەتەوەی حاکم و نەتەوەکانی دیکە هێناویەتە ئاراوە، لاوانی نەتەوە ژێردەستەکان بەتایبەتی لاوانی کورد و بەلووچ لەو بووارەی کە خوێندنیان تەواو کردووە، لە شوێنە حکوومەتییەکاندا دانامەزرێن و پاش خوێندن بێکار دەبن.

 

ئەم هۆکارەش وایە کردووە کە لاوانی ڕۆژهەڵاتی کوردستان بۆ بژیوی ژیانیان لە ناچاریدا ڕوو بکەنە پیشەی مەترسیداری کۆڵبەری، سەرەڕای ئەوەش هێزە حکوومەتییەکان دەبنە کۆسپ لە سەر ڕێگایان و رۆژانە بە تەقەی ڕاستەوخۆی چەکدارەکان ڕێژیم دەبنە قوربانی.

IMAGE 2018 09 10 193933

لاوێکی‌تری ڕۆژهەڵاتی کوردستان لە لایەن تاریک پەرستانی کۆماری ئیسلامییەوە لە سێدارە درا

لاوان میدیا: ڕێژیمی تاریک پەرەستی کۆماری ئیسلامیی ئێران، ڕۆژانە بە بیانووی جۆراوجۆرەوە لاوانی ڕۆژهەڵاتی کوردستان دەکاتە قوربانی سیاسەتە کۆنەپەرستەکانی خۆی.

بەپێی هەواڵی سەرچاوە هەواڵدەرییەکانی مافی مرۆڤی ڕۆژهەڵاتی کوردستان، سەرلەبەیانی ڕۆژی دووشەممە ۱۹ی خەرمانانی ۲۷۱۸ی کوردی بەرانبەر لەگەڵ ۱۰ی سێپتامبری ۲۰۱۸ی زایینی، لاوێکی کورد بە نێوی"کەماڵ ئەحمەدنژاد" کوڕی ڕەحیم، خەڵکی گوندی "گامێشگولی" سەر بە شاری میاندواو، بەتۆمەتی ئەندام بوونی یەکێک لە حیزبەکانی ڕۆژهەڵاتی کوردستان و کوشتنی ئەندامێکی سوپای تیرۆریستی پاسداران، لە بەندیخانەی شاری میاندواو لە سێدارە دراوە.

ڕێکخراوی مافی مرۆڤی "هەنگاو"، لە ڕاپۆرتێکدا بڵاوی کردووەتەوە، "کەماڵ ئەحمەدنژاد"، بەندکراوی سیاسی کورد، لە پاییزی ۲۷۱٤ی کوردی لەگەڵ پێنج کەسی دیکە بە ناوەکانی "میلاد عەبدی، سەعید سیاهیی، سلێمان کری، مستەفا تاهیرزادە و هەڵمەت عەبدوڵاهی" بە تۆمەتی کوشتنی ئەندامێکی سپای تیرۆریستی پاسداران بە نێوی "هاشم زەینالی" دەستبەسەر کراون.

لە هاوینی ساڵی ۲۷۱۵ی کوردی دەزگای دادوەریی کۆماری ئیسلامیی ئێران، حوکمی سێدارە بە سەر "کەماڵ ئەحمەدنژاد"دا دەسەپێنێت و پێنج کەسەکەی دیکە هەرکام بە ۱۵ ساڵ بەند کردن حوکم دەدرێن.

هەروەها ڕێکخراوی مافی مرۆڤی کوردستان، لە ڕاپۆرتێکدا بڵاوی کردووەتەوە، لە کاتێکدا ناوبراو لە سێدارە دراوە کە دۆسیەکەی هێشتا تەواو نەبووە و بەڵگەی پێویست بۆ سەلماندنی تۆمەتەکەی کە لەلایەن سوپای تیرۆریستی پاسدارانەوە دراوەتە پاڵی، لە بەردەستدا نەبووە و تەنانەت هێندێک لەو کەسانەی کە ناویان لێبراوە لەو ڕۆژەدا لە شوێنی کارەساتەکە نەبوون.