هەواڵی وەرزشی

IMG 20190609 211200 644

 
لاوان میدیا: زۆر جار کاتێک باس لە هێز و شوێندانەری و کاریگەریی لاوان، لە بوارەکانی سەلماندنی بوونی نەتەوەدا دەکەین، بە ئەرکێکی گران و مەحاڵ دێتە نێو زەینی تاکەوە، کە هەست دەکات توانایەکی بۆ گڕدانی شۆڕش و دەرخستنی تواناکانی نییە.
 
بە سەرنجدان بەم حاڵەتانە، دەبینین ڕۆژانە لاوانی نیشتمان پەروەری کورد، بە شکاندنی کۆمەڵێک لە تاپۆوەکان، دەبن بە خولقێنەری ماناگەلێکی تایبەت لە هەبوون و بەرابەری دەکەن، لەگەل مەفهوومە بەرزە ئەخلاقییەکان و جمانێک، لە ناخی کۆمەلگادا وەڕێ دەخەن و دەبنە مایەی شانازی بۆ نەتەوەیەک.
ئەو تاکانە یاسای بێدەسەڵاتی دەشکێنن و دەبنە خاڵی سەرنجیک بۆ جیهان، بە نوێنەرایەتی نەتەوە و میلەتێک، ئاڵایەک کە نکۆڵی لە بوونی دەکرێت بەرز دەکەنەوە و نیشان دەدەن کە میلەتێک بوونی هەیە.
 
لە نموونەی ئەو لاوانە، دەتوانین سەرنج بخەینە سەر سەرباشقەیەکی ئاڵاهەڵگر، کە سەرکەوتنەکانی، بە هیوای ه ئاڵای نەتەوەیەک و بەرز کردنەوە و دەنگی کپ کراوی میلەتێکی ژێر چەپۆک، بە دنیا دەگەیەنن.
ماکوان، کوڕێک لە زاگرۆسەوە و لە ڕەچەڵەکی ڕۆڵەکانی خۆرەتاو، باڵێکی بەهێز لە شکست پێهێنانی رکابەرەکانی و لاوێک، کە خۆشییە گەورەکانی ژیانی، بە کوردستان پێشکەش دەکات و دەبێتە نوێنەری نەتەوەیەک، دەبێتە سەلمێنەری هێز و توانای لەگیران نەهاتووی کۆمەڵە مرۆڤێک، کە ساڵەهایە بۆ مافێکی بن پێ خراو دەشەڕێن.
 
"ماکوان ئەمیرخانی"، لاوێکی تەمەن ٣٠ ساڵ و خەڵکی کرماشانی ڕۆژهەلاتی کوردستان کە لە وڵاتی فینلانددا دەژیت لە سەرتۆپەکانی ئەو لاوە سەرکەوتووانەیە.
 
ماکوان وەک لاوێکی بەهەستی کورد، عاشقی نیشتمان و زێدەکەیەتی و پاش بەدەستهێنانی سەرکەوتن لە هەر کێبڕکێیەکدا، ئاڵای کوردستان بەرز دەکاتەوە و ئاوایە کە ئەو، وەفاداریی خۆی بەرانبەر بە خاک و گەلەکەی دەسەلمێنێت، ئەو بە هیوای هەڵکردنی ئاڵای کوردستان دەجەنگێت و لە سەر دەستەکانی خۆی توانای خەڵکی کورد بە دنیا دەناسێنێ.
 
ئەمە واتا ئەو هێز و توانا پەنگ خواردووە، کە وەک بۆمبێک دەتوقێتەوە و هیچ هێزێک پێی کۆیلە ناکریت و لە هیز و توانای لاوەکانی کۆمەلگادا کە وەک کاریگەرترین توێژی هەر کۆمەڵگایەک بە هەژمار دێن خۆی نیشان دەدات.
 
ماکوان و ماکوانەکان دەتوان نموونەیەک بن بۆ دەرخستنی هیز و ئیرادەی پێشڕەوی لاوان.
 
 

photo 2018 11 26 19 14 25

 
لاوان میدیا: لە درێژەی سەرکەوتنی لاوانی کورد و بەدەست هێنانی خەڵاتە نێونەتەوەییەکان لە بوارە جۆراوجۆرەکاندا، وەرزشوانێکی کورد خەڵاتێکی نێونەتەوەیی بەدەست هێنا.
 
بەپێی ڕاپۆرتی ماڵپەڕی کوردستان میدیا، وەرزشوانێکی مێرمنداڵی کورد، بە نێوی "محەمەد موبین عەزیمی" و دانیشتووی شاری سەقزی ڕۆژهەڵاتی کوردستان، لە بیست‌ویەکەمین دەورەی کێبڕکێی نێونەتەوەیی زۆرانبازیی مێرمنداڵان کە لە ژێر ناوی "جامی هێز" لە شاری تاران بەڕێوە چوو، لە کێشی ۸۵ کیلۆگرامدا پلەی یەکەمی بەدەست هێنا و مێدالیای زێڕی ئەو کێبڕکێیانەی وەرگرت.
 
کێبڕکێی زۆرانبازیی "جامی هێز"، لە دوو بەشی زۆرانبازیی فەرهەنگی و ئازاد، بە بەشەداری چەندین وڵات بەبۆنەی ڕۆژی جیهانی منداڵ لە کێشی ۳۸ کیلۆگرام تاکوو کێشی ۸۵ کیلۆگرام بەڕێوە چوو، محەمەد موبین عەزیمی وەکوو تاکە زۆرانبازی پارێزگای سنە لەو کێبڕکێیانە بەشداری کرد کە لە کۆتاییدا توانی سەرکەوتن بە دەست بهێنێت.
 
سێ تیپی جیاواز بە نوێنەرایەتی وڵاتی ئێران لە ژێر نێوەکانی "ئێران ئەلف"، "ئێران ب" و "ئێران ج" کە لە وەرزشوانانی زۆرانبازیی مێرمێنداڵانی سەرانسەری ئێران پێک هاتبوون لەو کێبڕکێیانە بەشدارییان کرد، ئەو وەرزشوانە کوردە کە لە تیپی "ئێران ج"دا بەشداربوو، بە سەرکەوتن بە سەر هەموو ڕەقیبەکانی خۆی و تیپەکەیدا توانی پلەی یەکەم بەدەست بهێنێت و مێداڵیای زێڕی ئەو کێبڕکێیانە بە نێوی خۆیەوە تۆمار بکات.
 
بیست‌ویەکەمین دەورەی کێبڕکێی نێونەتەوەیی زۆرانبازیی مێرمنداڵان، ڕۆژی چوارشەممه ۳۰ی خەزەڵوەر ۱۳۹۷ی هەتاوی، بە بەشداری وڵاتانی ئەرمەنستان، گۆرجستان، ئازربایجان و ئێران، لە شاری تاران پایتەختی ئێران دەستی پێکرد و ڕۆژی پێنجشەممە ۱ی سەرماوەز، کۆتایی پێهات.
 
شایانی باسە کە محەمەد موبین عەزیمی، چەندین ساڵە بەردەوام لە کێبڕکێیە نێوخۆییەکانی ئێران، ئاسیایی و نێونەتەوەییەکان بەشداری دەکات و سەرکەوتنی زۆربەی ئەو کێبڕکێیانە بە دەست دەهێنێت، جیا لە خەڵاتە نێوخۆییەکانی ئێران تاکوو ئێستا چەندین مێدالیلی ئاسایی و نێونەتەوەیشی بەدەست هێناوە.

67779 0 1

 
لاوان میدیا: دوو وەرزشوانی کورد لە ورزشی تیر هاویشتن دا توایان سەرکەون بەدەست بهێنن
 
 
وەرزشوانێکی کورد بەناوی "شیلان تەخت فیروزە" خەڵکی شاری سنە توانی لە یاری تیر هاویشتنی گەورە ساڵاندا پلەی یەکەم بەدەست بهێنێت، هەروەها لاوێکی دیکەی کورد بەناوی "تریسا دبقیان" توانی پلەی دوومی مێرمنداڵان بەدەست بهێنێت و مدالیای زیو بۆ خۆی بباتەوە.
 
 
 
ئەم کێبڕکێیانە ڕۆژی هەینی ۲۳ی خارمانان بەرامبەر ۱٤ی سێپتامبر بە بەشداری سەرجەم وەرزشوانانی پارێزگاکانی ئێران و دوو پارێزگای کوردستان سنە
و ورمێ بەڕێوە چوو
 
 
 
 
جێی ئاماژەیە کە "شیلان تەخت فیروزە" کە پلەی یەکەمی لە یاری تیر هاویشتن دا بەدەست هێناوە وەکو سەرپەرست و ڕاهێنەری تیمی تیرهاویشتنی ئێران دەست نیشان کرا.

IMAGE 2018 09 02 002805

 

لاوان میدیا: سەرەڕای ئەوەی کە لاوان و وەرزشوانانی ڕۆژهەڵاتی کوردستان کەرەستەی پێویستی وەرزشییان بۆ دابین ناکرێت و گرینگییان پێ نادرێت، وەرزشوانانی کورد لە سەرکەوتن و بەدەست هێنانی پلە نێونەتەوەییەکان بەردەوامن.

لە دڕێژەی سەرکەوتنی وەرزشوانانی ڕۆژهەڵاتی کوردستان، "هادی شەرەف‌بەیانی"، خەڵکی شارۆچکەی سرێش ئاوا، سەر شاری قوروە لە پارێزگای "سنە"ـی ڕۆژهەڵاتی کوردستان، لە کێبڕکێیە نێونەتەوەییەکانی زۆرانبازیی ئازاد، لە کێشی ۷۱ کیلۆ گرەمدا پلەی یەکەمی بەدەست هێنا و خەڵاتی زێڕی ئەۆ کێبڕکێیانەی بە نێوی خۆیەوە تۆمار کرد.

کێبڕکێی نێونەتەوەیی زۆرانبازیی ئازاد، ڕۆژەکانی پێنجشمە ۸ی خەرمانان بەرانبەر لەگەڵ ۳۰ی ئاگۆست و هەینی ۹ی خەرمانانی ۲۷۱۸ی کوردی بەرانبەر لەگەڵ ۳۱ی ئاگۆستی ۲۰۱۸ی زایینی، لە پارێزگای "ئەراک"ـی وڵاتی ئێران بە بەشداری وڵاتانی ڕووسیە، ئازەربایجان، ئەرمەنستان، گۆرجستان و عێراق بەڕێوە چوو.

هادی شەرەف‌بەیانی، کە بە ناوی تیمی ئێرانەوە لەو کێبڕکێیانە بەشدار بوو، توانی بە بەدەستهێنانی ۶ خاڵ لە بەرانبەر ٤ خاڵدا بە سەر ڕەقیبە ڕووسییەکەی سەرکەوێت و ببێت بە براوەی ئەو کێبڕکێیانە.

IMAGE 2018 08 30 112835

 

لاوان میدیا: کیانووش ڕۆستەمی وەرزشوانی کوردی ڕۆژهەڵاتی کوردستان کە ئەندامی تیپی ئاسن هەڵگریی ئێرانە، لە لایەن ناوەندی فیدراسیۆنی ئاسن هەڵگریی ئێرانەوە لە تیپی ئێران دوور خرایەوە و بۆ کێبڕکێیە جیهانییەکان بانگهێشت ناکرێت.

 

عەلی مورادی، بەرپرسی ناوەندی فیدراسۆنی ئاسن هەڵگریی ئێران، بە بیانووی ئەوەی کە کیانووش ڕۆستەمی بە دوور لە چاوەدێری ڕاهێنەران و کادرەکانی تیمی ئاسن هەڵگریی ئێران ڕاهێنانی کردووە، بۆ کێبڕکێیە جیهانییەکان لە تیپی ئاسن هەڵگریی ئێران دووری دەخاتەوە.

 

شایانی باسە کە ئەو وەرزشوانە کوردە لە کێشی ۸۵ کیلۆ گرەمی ئاسن هەڵگرییدا چەندین سەرکەوتنی جیهانی و ئاسیایی بەدست هێناوە و ۳ میداڵی زێڕ و ۵ میداڵی زیوی ئاسیا و جیهانی بەنێوی خۆیەوە تۆمار کردووە.

 

بەپێی ڕاپۆرتێک کە لە ماڵپەڕی "ویکی پیدیا" بڵاو کراوەتەوە، ناوبراو ساڵی ڕابردووی زایینی لە کێبڕکێیە نێونەتەوەییەکانی ئاسن هەڵگریی کە لە وڵاتی قەزاقستان بەڕێوە چوو، پلەی یەکەمی بەدەست هێناوە و میداڵی زێڕی ئەو کێبڕکێیانە بە نێوی خۆیەوە تۆمار دەکات، پاشان بەمەبەستی یارمەتی دان بە بوومەلەرزە لێدراوانی پارێزگای کرماشان، میداڵە زێڕەکەی دەفرۆشێت.

 

کیانووش ڕۆستەمی ڕێکەوتی ۱ی پووشپەڕی ۲۶۹۱ی کوردی بەرانبەر لەگەڵ ۲۳ی ژووئەنی ۱۹۹۱ی زایینی، لە شاری شائاباد سەر پارێزگای کرماشان له ڕۆژهەڵاتی کوردستان لە دایک بووە و هەر لە منداڵییەوە خولیای یاریی ئاسن هەڵگریی دەبێت و لە ساڵی ۲۰۱۱ی زایینی بۆ یەکەم سەرکەوتنی کێبڕکێیەکانی ئاسیا بەدەست دەهێنێت.