هەواڵی سیاسی

photo 2018 09 26 19 20 59

 
 
لاوان میدیا : کوردانی کوردستانی ڕۆژهەڵات لەبەردەم بارەگای نەتەوە یەکگرتووەکان و باڵوێزخانەی ئەمریکا بە بەشداری یەکیەتیی لاوان گردبوونەوەیەکیان ئەنجام دا.
 
 
ڕۆژی چوار شەممە ڕێکەوتی ٤ی ڕەزبەر بەرامبەر بە ۲٦ی سێپتامبر کوردانی ڕۆژهەڵات لە بەردەم نوێنەرایەتی نەتەوە یەکگرتووەکان و باڵوێزخانەی ئەمریکا لە شاری هەولێری پایتەختی هەرێمی کوردستان بە بەشداری یەکیەتیی لاوانی دێموکراتی کوردستانی ئێران گردبوونەویەکیان ئەنجام دا.
 
 
سەرەتا گردبوونەوەکە لە بەردەم نوێنەرایەتی نەتەوە یەکگرتووەکان ئەنجام درا، پاشان پەیامێک بەزمانی ئینگلیزی کە باسی لە مووشەکبارانەکەی ۱۷ی خەرمانان و ئەو کارە قێزەونەی ڕێژیمی ئێرانی کرد و داوایان لە نەتەوە یەکگرتووەکان کرد کە ئاسایشی ئەو کەمپانە بپارێزێت کە تیایان دا خەڵکی مەدەنی دەژیت، لە دواتر دا لە لایەن بەڕێوبەرانی گردبوونەوەکە پەیامێک بەزمانی کوردی خوێندرایەوە
 
 
لە کۆتای دا ئامادەبووانی گردبوونەوەکە چوونە بەردەم باڵویزخانەی ئەمریکا لەشاری هەولێر و لەوێش دا بەهەڵگرتنی وێنەی بریندارانی ۱۷ی خەرمانان و شەهیدانی ئەو کارەساتە درێژەیان بە گردبوونەوەکە دا،لە پاشان دا پەیامێک بەزمانی کوردی و ئینگلیزی لە لایەن بەڕێوبەرانی گردبوونەوکە خوێندرایەوە و کۆتای بە گردبوونەوەکە هات.

unpo

لاوان میدیا: لە فەرانسا ٢٨ەمین کۆبوونەوەی سەرۆکایەتی ڕێکخراوی UNPO بەڕێوە چوو
 
 
 
بە پێی ئەو هەواڵەی کە کوردستان میدیا بڵاوی کردووەتەوە
ڕۆژی ۲۲ی خەرمانانی ۱۳۹۷ی هەتاوی لە وڵاتی فەڕانسە
۲٨ەمین کۆبوونەوەی دەستەی سەرۆکایەتی ڕێکخراوی گەلانی بێ نوێنەر UNPO بەڕێوە چوو
 
 
 
لەو کۆبوونەوەیە دا نوێنەری حیزبی دێموکراتی کوردستانی ئێران "عەلی عەبدیلزادە" بەشداری تێدا کردووە
 
 
 
لە بەشی یەکەمی کۆبوونەوەکە دا تاوتوێی پرسە ناوخۆیەکانی ڕێکخراوەکە کراو لەلایەن سکرتاریەتی ڕێکخراوەکە پلان و کاری شەش مانگی داهاتوویان باس کرا، پاشان ڕاپۆرتی ماڵی لەلایەن بەرپرسی بەشی ماڵی UNPO پێشکەش کرا
 
 
 
 
لە بەشی کۆتای کۆبوونەوەکە نوێنەری حیزبی دێموکرات باسی لە تاوانەکانی ڕێژیمی کۆماری ئیسلامی ئێران کردووە کە لەماوەی ڕابردوو دا ئەنجامی داوە لەوانە لە سێدارەدانی سێ چەلاکی سیاسی کورد و موشەکباران کردنی بنکەکانی حیزبی دێموکرات لە شاری کۆیە و بریندار بوونی ژمارەیک ژن و منداڵ و شەهید بوونی پۆلێک تێکۆشەری ئەو حیزبە لەو ڕووداوە تیرۆریستییە
 
 
 
جێی ئاماژەیە دوای مووشەکبارانەکەی ۱۷ی خەرمانان ڕێکخراوی گەلانی بێ نوێنەر UNPO لە بەیاننامەیەکی ڕەسمی دا بەتوندی ئیدانەی هێرشە تیرۆریستییەکەی ڕێژمی کۆماری ئیسلامی ئێرانیان کردووە.

561207 4806e03232611b7251cba9672224e012

 
 
لاوان میدیا: پاش مانگرتنی گشتی ڕۆژهەڵات چەندین هاوەڵاتی کورد لەلایەن ئیدارەی ئیتلاعاتی ئێرانەوە دەسبەسەرکراون.
بە پێی هەواڵی بڵاوکراوە لە ئاژانسی هەوڵدەریی"کوردپا" دوو هاووڵاتی بەناوەکانی "خەبات و ڕەشاد زەندی" کوڕی خالید، بە تۆمەتی پشتیوانی لە مانگرتنی گشتی ڕۆژهەڵات دەستبەسەرکراون.
لەهەمان ڕاستا دا هاووڵاتییەک بەناوی "موسلیم سەعیدپوور" بانگهێشتی ئیدارەی ئیتلاعاتی سنە کراوە و لێپرسینەوەی لێکراوە.
هەروەها ئیدارەی ئیتلاعات لە ڕێگای تەلەفۆنەوە هەڕەشەی لە "ئەیووب جەوانپوور" چالاکی مەدەنی شاری سەقز کردووە.
ئاژانسی کوردپا باسی لەوەش کردووە کە لە شاری ڕەوانسەر دوو هاووڵاتی بە ناوەکانی "عادل و ئیدریس مورادی" بانگهێشتی ئیتلاعات و لێپرسینەوەیان لەگەڵ کراوە.
لەو پێوەندیە دا ئیدارەی ئیتلاعاتی شاری بۆکان دوو کەسی بەناوەکانی "پەرویز فەقیهی و سمکۆ سدقی" بە تۆمەتی "پشتیوانی لە مانگرتنی ڕۆژهەڵات" دەسبەسەر کردووە.
جێی ئاماژەیە پاش مانگرتنە سەرتاسەریەکی ڕۆژهەڵات کە سەرجەم شارەکانی کوردستانی ڕۆژهەڵاتی گرتەوە ڕێژیمی کۆماری ئیسلامی ئێران بۆ سەرکوت کردنی خەڵکی کوردستان دەستی داوەتە دەسبەسەرکردنی چالاکانی 
بە پێی هەواڵی بڵاوکراوە لە ئاژانسی هەوڵدەریی"کوردپا" دوو هاووڵاتی بەناوەکانی "خەبات و ڕەشاد زەندی" کوڕی خالید، بە تۆمەتی پشتیوانی لە مانگرتنی گشتی ڕۆژهەڵات دەستبەسەرکراون.
لەهەمان ڕاستا دا هاووڵاتییەک بەناوی "موسلیم سەعیدپوور" بانگهێشتی ئیدارەی ئیتلاعاتی سنە کراوە و لێپرسینەوەی لێکراوە.
هەروەها ئیدارەی ئیتلاعات لە ڕێگای تەلەفۆنەوە هەڕەشەی لە "ئەیووب جەوانپوور" چالاکی مەدەنی شاری سەقز کردووە.
ئاژانسی کوردپا باسی لەوەش کردووە کە لە شاری ڕەوانسەر دوو هاووڵاتی بە ناوەکانی "عادل و ئیدریس مورادی" بانگهێشتی ئیتلاعات و لێپرسینەوەیان لەگەڵ کراوە.
لەو پێوەندیە دا ئیدارەی ئیتلاعاتی شاری بۆکان دوو کەسی بەناوەکانی "پەرویز فەقیهی و سمکۆ سدقی" بە تۆمەتی "پشتیوانی لە مانگرتنی ڕۆژهەڵات" دەسبەسەر کردووە.
جێی ئاماژەیە پاش مانگرتنە سەرتاسەریەکی ڕۆژهەڵات کە سەرجەم شارەکانی کوردستانی ڕۆژهەڵاتی گرتەوە ڕێژیمی کۆماری ئیسلامی ئێران بۆ سەرکوت کردنی خەڵکی کوردستان دەستی داوەتە دەسبەسەرکردنی چالاکانی  مەدەنی و هاووڵاتییانی کورد لە کوردستانی ڕۆژهەڵات.
 
 
 beginningstreatment can i go to
لاوان میدیا: دوای مانگرتنە گشتیەکەی ڕۆژهەڵاتی کوردستان چەندین کەس لە چالاکانی مەدەنی شارەکانی کوردستان دەستبەسەرکراون.
 
 
پاش بانگەوازی ناوەندی هاوکاری حیزبەکانی کوردستانی ئێران کە داوایان لە خەڵکی کوردستان کرد بۆ مەحکوم کردنی کارە تیرۆریستیەکەی ڕێژیمی جەنایەت کاری ئێران لە ماڵەکانیان نەیەنە دەرەوە، لە ۲۱ی خەرمانان سەرجەم شار و شارۆچکەکانی کوردستان مانیان گرت و بەداخستنی دوکان و بازاڕەکانیان کردەوە جەنایەت کارەکانی ڕێژیمی ئێرانیان مەحکوم کرد.
 
بەو هۆیەوە دەیان چالاکی مەدەنی شارەکانی کوردستان لەلایان هێزەکانی ڕێژیمەوە دەست بەسەرکراون، بە پێی ئامارانەی کە بڵاوکراونەتەوە نزیکەی ۱۹ کەس لە چالاکانی مەدەنی لە شارەکانی کوردستان دەستبەسەر کراون.

IMAGE 2018 09 12 170850

 

لاوان میدیا: کوردانی هەر چوار پارچەی کوردستان لە بەردەم نوێنەرایەتیی نەتەوە یەکگرتووەکان لە شاری هەولێر پایتەختی هەرێمی کوردستان، دژ بە کردەوە تیرۆریستییەکانی کۆماری ئیسلامی ئێران، خۆپیشاندانێکیان بەڕێوە برد.

 

هەواڵنێری ماڵپەڕی "لاوان میدیا" لە شاری هەولێر ڕایگەیاند، ڕۆژی چوارشەممە ۲۱ی خەرمانانی ۲۷۱۸ی کوردی بەرانبەر لەگەڵ ۱۲ی سێپتامبری ۲۰۱۸ی زایینی، کوردەکانی هەر چوار پارچەی کوردستان، بە بەشداری بنەماڵەی شەهیدانی ۱۷ی خەرمانان/۸ی سێپتامبر، بە بەژداری نوێنەری حیزب و لایەنە سیاسییەکان، ڕێکخراوە مەدەنییەکان، کەسایەتییە سیاسییەکان، ڕۆشنبیران، هونەرمەندان و هاووڵاتیانی مەدەنی لە بەردەم نوێنەرایەتی نەتەوە یەکگرتووەکان لە شاری هەولێر پایتەختی هەرێمی کورستان، بەمەبەستی شەرمەزار کردنی کردەووە تیرۆریستییەکانی کۆماری ئیسلامیی ئێران لە ڕۆژی ۱۷ی خەرمانان/۸ی سێپتامبر، لە ناوخۆ و دەرەوەی ڕۆژهەڵات بۆ سەر کوردانی ڕۆژهەڵاتی کوردستان، خۆپیشاندانێکیان بەڕێوە برد.

 

بەشداربووانی خۆپیشاندانەکە بە هەڵگرتنی وێنەی شەهیدانی ڕێبەر و وێنەی شەهیدانی ۱۷ی خەرمانان/۸ی سێپتامبر و وتنەوەی دروشمە شۆڕشگێڕانەکانیان لە سێدارەدانی سێ لاوی کوردی ڕۆژهەڵاتی کوردستان و هاوکات پەلامارە تیرۆریستییەکەی کۆماری ئیسلامیی ئێران بۆ سەر بنکە و بارەگا و کەمپی ژن و منداڵ حیزبی دێموکراتیان مەحکووم کرد.

 

پاشان پەیامی نوێنەری حیزب و ڕێکخراوەکان، کەسایەتییەکان و بنەماڵە شەهیدانی ۱۷ی خەرمانان/۸ی سێپتامبر، خوێندرایەوە و لە پەیامەکانیاندا کردەوە تیرۆریستییەکانی کۆماری ئیسلامییان مەحکووم کرد و لە ئەگەر دووپات بوونەوەی هێرشی هاوشێوە هۆشداریان بە کۆماری ئیسلامی دا .