Warning: getimagesize(images/11295.jpg): failed to open stream: No such file or directory in /storage/content/40/1004740/lawan.org/public_html/plugins/content/smartresizer/smartresizer.php on line 506

هەواڵی سیاسی

photo 2018 10 01 14 33 54

 
 
لە هەموو کۆمەڵگایەک دا چ پێشکەوتوو چ دواکەوتوو، چینی لاوان بە چینێکی ئەکتیڤ و چالاک و گۆڕانخواز دەناسرێت و هەن و بە چرای دواڕۆژی هەر گەلێک و کۆمەڵگایەک ناو دەبردرێت.
 
 
کۆمەڵگای ئێمەش وەکوو هەر کۆمەڵگایەکی دیکی جیهان لاوان بەشێکی گرینگی پێکهاتەی کۆمەڵگا پێک دێنن و ڕۆژانە بۆ گەیشتن بە ئامانجەکانیان لە ڕێگا و مێتۆدی جیاواز کەڵک وەردەگرن، هەر بۆیە لە کۆمەڵگای ئێران بە گشتی و ڕۆژهەڵاتی کوردستان بە تایبەتی چینی لاوان بە چینێکی چاو کراوە و لە بڕان نەهاتوو دێتە هەژمار.
 
 
سەرەڕای ئەوەی چینی لاو لە کۆمەڵگای ئێران دا بە چینێکی ئەکتیڤ ناسراوە و لە هەوڵەکانیان بەردەوامن بۆ گەیشتن بە ویستەکانیان،بەڵام دەسەڵاتی سیاسی بە سەر کۆمەڵگای ئێران و ڕۆژهەڵاتی کوردستان، دەسەڵاتێکی خۆسەپێن و دژەمرۆڤە و نە تەنیا هیچ کات دانی بە گرینگی و ڕۆڵی لاوان لەو وڵاتەدا نەناوە، بەڵکوو هەموو چین و تووێژێکی ئەم کۆمەڵگایە لە ژێر بەزەیی و پاوانخوازیی کۆماری ئیسلامی ئیراندا وەزاڵە هاتوون و ڕۆژانە بە شێوەی جۆراجۆر دەچەوسێنرێنەوە و لە هەر شێوە مافێکی مرۆڤی و سەرەتایی خۆیان بێ بەشکراون.
 
 
بێ گۆمان لە وەها دۆخێک دا ئەرکی لاو وەکوو چینێکی زیندوو و خاوەن بیرۆکەی نوێ و هەبوونی پۆتانسێلێکی بە هێز لە ئەرکی چین و توێژی دیکەی کۆمەڵگا زیاترە و هەستکردن بە بەرپرسایەتی ئەم توێژە کاریگەرەی نێو کۆمەڵگا ناچار بە هەستانەوەیان دەکات،ئەم هەستانەوەیە بە شێوەی جۆراوجۆر و دوور لە توندوتیژی و لە چوارچێوەی ڕێکخراو و ناوەندی تایبەت بە لاواندا خۆیان دەبینێتەوە، بەڵام لە بەرامبەردا دەسەڵاتی خۆسەپێن بە سەر کۆمەڵگای کوردستان، بۆ بەلاڕێدا بردنی خەبات و چینی لاوان بە شێوەی ڕێکخراو و بە زاناییەوە هەوڵی بێ دەنگی و پەرتەوازە کردنیان دەدات و بە بەخشینی تۆمەتی بێ بنەما و درۆ و دەلەسەی وەکوو تێکدانی ئاسایش و ئارامی کۆمەڵگا و بن پێکردنی مافی تاکەکانی دیکەی کۆمەڵگا و بە هێنانی یاسای ساختە و دوور لە پرەنسیپی دەسەڵاتداری، بە شێوەیەکی دڕندانە هەلسوکەوت لەگەڵ لاواندا دەکات و چالە ڕەشەکانیان بوونەتە شوێنێکی هەمیشەیی بۆ لاوانی ئازادیخوازی وڵات.
 
 
لاوان لە ڕۆژهەڵاتی کوردستان بە پێچەوانەی لاوان لە ناوچەکانی دیکەی ئێران کە جارێک وەکوو لاو و ئازادیخواز دەچەوسێنرێنەوە، بەڵکوو لاوی کورد بە جیاوازییەوە چەندین جار دەچەوسێنرێن و هەموو کات دەسەڵاتی خۆسەپێنی ئێران بە گومانەوە دەڕوانێتە هەڵسوکەوت و داواکارییەکانی لاوی کورد،ئەم جیاوازییانەش بریتین لە: جیاوازی ئایینی و جیاوازی بیرکردنەوە هەروەها ویستە نەتەوەیی و دێموکراتیکەکانی لاوی کورد کە هیچ کات لەگەڵ فەلسەفە و بیرکردنەوەی دەسەڵاتدارانی خۆسەپێنی ئیراندا یەک ناگرێنەوە، هەر بۆیە وەکوو هەڕەشە بە سەر دەسەڵاتی خۆیان دەبینن و بۆ گەوجاندنی خەڵک و دژەسازی لە نێو نەتەوەیی بالادەست دا دەیان پێناسەی پێچەوانە بۆ ئەم ویستە ڕەوایانەی لاوی کورد دەهێننەوە و بەو هۆیەوە لاوانی کورد بە کەمترین داواکاری دەکەونە بەر غەزەبی ئەشکەنجە و گیان لە دەستدان و بە ناڕەوا بەشێک لە بەنرخترین تەمەنی ژیانیان لە چالەڕەشەکانی ئێراندا تێپەر دەکەن و ئێستاشی لەگەڵ بێ سەدان لاوی کورد بەهۆی جیا بیری و جیا ئایینی لەگەڵ کۆماری پەت و سێدارە لە زیندانەکانی ئێراندا قورسترین سزا بە سەریاندا سەپێنراوە و ڕۆژانە شاهیدی لە سێدارەدانی بە ناحەقی لاوانی کوردین لە زیندانەکانی ئێراندا.لاوانی کورد لە زیندانەکانی ئێراندا جیا لە سەپاندنی دەیان سزای قورسی ناڕەوا، تووشی دەیان نەخۆشی و دەردی کوشندە دەبن.
 
 
لاوان چ وەکوو لاو و چ وەکوو مرۆڤ کە لە هەردوو لایەن دا بە پێی کۆنوانسیونەکانی مافی مڕۆڤی نەتەوە یەکگرتوەکان خاوەنی مافی بێ ئەم لا و ئەولای خۆیانن لە وەها دۆخێکدا پێویستە بە چاو کراوەی و چاونەترسانە و بە شێوەی خۆڕێکخستن لە هەموو شێوازەکانی خەبات کەڵک وەرگرن و بۆ گەیشتنی دەنگی ڕەوای خۆیان بە ناوەندە گرینگەکانی تایبەت بە مافی مرۆڤ و تایبەت بە لاوان یەکگرتوانە و بە یەک دەنگی و هەبوونی ڕێکخراوی بەهێز بەرپەرچی هەڵسوکەوتە دژەمرۆڤەکانی کۆماری ئیسلامی ئێران بدەنەوە.
نوسین :ئەفشار گێچەیی

IMG 20180929 203832 472

 
لاوان میدیا : لاوێکی کوردی یارسانی لە ژێر ئەشکەنجەی هێزەکانی ئیدارەی ئیتلاعاتی هەمەدان گیانی لەدەست دا .
 
 
 
ڕۆژی سێشەممەی حەفتەی ڕابردوو ۳ی ڕەزبەر ۲۷۱٨ کوردی بەرامبەر بە ۲٥ی سێپتامبر ۲۰۱٨ لاوێکی کوردی یارسانی خەڵکی پارێزگای هەمەدان لە ژێر ئەشکەنجەی ئیدارەی ئیتلاعاتی ئەو شارە گیانی لەدەست دا.
 
 
 
بە پێی ئەو هەواڵەی ئاژانسەکانی مافی مرۆڤ کە بڵاویان کردووەتەوە ئەو لاوە کوردە یارسانییە بەناوی "ڕامین حوسەینی" ناسراو بە ڕامین موشەعشەعی خەڵکی گوندی "قوڵقەی" سەر بە شاری توێسرکانی پارێزگای هەمەدان لە بنەماڵەیەکی بەناوبانگی ئایینی یارسانە
 
 
 
ناوبراو لە ڕەشەممەی ۲۷۱۷ی کوردی بەرامبەر بە فوریەی ۲۰۱٨ لەلایەن هێزەکانی ئیدارەی ئیتلاعاتی توێسرکان بە تۆمەتی پروپاگەندەی ئایینی دەستبەسەرکراوە پاشان بۆ ئیدارەی ئیتلاعاتی هەمەدان ڕاگوێزراوە 
 
 
 
دوای ٨ مانگ لە دەستبەسەرکرانی سەرئەنجام بە هۆی ئەشکەنجەدانییەوە لە لایەن هێزەکانی ئیدارەی ئیتلاعاتی هەمەدانەوە ڕۆژی سێشەممە گیانی لە دەست دا.
 
 
 
جێی ئاماژەیە ئیدارەی ئیتلاعاتی شاری هەمەدان هەڕەشەیان لە بنەماڵەی ڕامین کردووە بۆ ئەوەی ئەم هەواڵە بە میدیاکان ڕانەگەیەنن.

photo 2018 09 28 18 36 38

 
لاوان میدیا : شەش هاووڵاتیی کوردی خەڵکی شاری بانە لەلایەن هێزی ئیتلاعاتی سپای پاسدارانەوە دەستبەسەرکراون و بۆ شوێنێکی نادیار ڕاگوێزراون.
 
 
 
ڕۆژی دووشەممە ڕێکەوتی ۲ی ڕەزبەر هێزەکانی ئیتلاعاتی سەر بە سپای پاسدارانی ئێران لە شاری بانە شەش هاووڵاتی کوردی ئەو شارەیان دەستبەسەر کردوە و هەتاکو ئێستاش هیچ هەواڵێک لە شوێنی دەستبەسەرکرانیی ئەو هاووڵاتییە کوردانە نییە
 
 
 
بە پێی هەواڵی بڵاوکراوە شوناسی شەش هاووڵاتییە کوردەکە بەناوەکانی "میلاد ڕەسوڵی، موحسین قادر پەنای، ئەرکان ڕەزای،ڕزگار مەحەمەدی، تەیب ئەحمەدی و عەتا ڕشید زادە" ڕاگەیەندراوە، کە لەلایەن هێزەکانی ئیتلاعاتەوە دەستبەسەرکراون و بۆ شوێنێکی نادیار ڕاگوێزراون
 
 
 
تاوەکو بڵاوبوونەوەی ئەم هەواڵە  هیچ زانیاریەک لە بارەی هۆکاری دەستبەسەر کرانی ئەم هاوڵاتییە کوردانە لەبەر دەست دانییە .
 
 
 
 هێزەکانی ڕێژیم هەتا ئێستا زیاتر لە ٥٨ کەسییان  لە کوردستانی بە تۆمەتی چالاکی سیاسی دەستبەسەر کردووە، کە چارەنووسی بەشێک لەو گیراوانە هەتاکوو ئێستاش ناڕوونە.
 

photo 2018 09 28 14 07 39

 
لاوان میدیا: شۆفێری تاکسییەکانی شاری بۆکان لە بەردەم بینای تاکسیڕانی ئەو شارە بە مەبەستی دەربڕینی ناڕەزایەتی خۆیان کۆ بوونەتەوە کە هێزەکانی
شارەوانی بەربوونەتە گیانیان.
 
 
 
بەپێی هەواڵی گەیشتوو بە ماڵپەڕی لاوان میدیا؛ ڕۆژی پێنجشەممە ۵ی ڕەزبەری ۲۷۱۸ی کوردی بەرانبەر لەگەڵ ۲۷ی سێپتامبری ۲۰۱۸ی زایینی، کۆمەڵێکی بەرچاو لە شۆفێری تاکسییەکانی شاری بۆکان بە نیشانەی ناڕەزایەتی لە هەمبەر کەم بوونی نرخی کرێ تاکسی لەو شارە، لە بەردەم بینای تاکسیڕانی ئەو شارە خۆپیشاندانێکیان بەڕێوە برد کە هێزەکانی شارەوانی بەربوونەتە گیان خۆپیشاندەران.
 
 
 
هەواڵنێری ماڵپەڕی "لاوان میدیا" لەم بارەیەوە ڕاگەیاند، پاش چەند خۆلەک تێپەڕ بوونی خۆپیشاندانەکە، هێزەکانی شارەوانی بەربروونە گیان خۆپیشاندەران و بەم هۆیەشەوە لە نێوان شۆفێری تاکسییەکان و هێزەکانی شارەوانی تێکهەڵچوون هاتووەتە ئاراوە.
 
 
 
بە هۆی گەمارۆوەکانی ویلایەتە یەکگرتووەکانی ئەمریکا بۆ سەر ئێران و کشانەوەی کۆمپانیا جیهانییەکان لەو وڵاتە، قەیرانی ئابووری و گرانیێکی یەکجار زۆر لە ئێران و ڕۆژهەڵاتی کوردستان هاتووەتەوە ئاراوە.
 
 
 
ئەم هۆکارەش وای کردووە کە ڕۆژانە چینە جۆراوجۆرەکانی کۆمەڵگای ئێران لە سەرتاسەری ئەو وڵاتە، مانگترن و کۆبوونەوەی ناڕەزایەتی بەڕێوە ببن و ئەمەش بووەتە هۆی گوشارێکی زۆر بۆ سەر ڕێژیم، بەڵام سیاسەتی هەمیشەیی کۆماری ئیسلامی لە هەمبەر ناڕازییان و خۆپیشاندەران بەرانبەر بە داواکانیان بە زەبری چەک و سەرکوت وڵامی داونەتەوە تەنانەت زۆر جاریش ئەم سیاسەتی قیزەونەی ڕژیم قوربانی لێ کەوتووەتەوە.

11295

 
 
لاوان میدیا: دەوڵەتی تورکیا کتێبی کوردستان و کورد کە لەلایەن ڕێبەری کاریزمای کورد دوکتور قاسملووەوە نوسراوە و دوو کتێبی دیکەی قەدەغە کرد.
 
 
 
دەزگای قەزاییەی حکومەتی تورکیا کتێبی" کوردستان و کوردی دوکتور قاسملوو" و دوو کتێبی تر کە سەبارەت بە کوردە ڕێگە بە چاپ و بڵاوکردنەوەیان نادات.
 
 
 
ئەو حوکمەی دەزگای قەزای تورکیا تیایدا کە کتێبەکانی "کوردستان و کورد بەرهەمی دوکتور قاسملوو" و "بزوتنەوەی نەتەوەی کورد بەرهەمی کریس کۆچێرا" و کتێبی "شۆڕشی کوردەکان سەبارەت بە شۆڕشەکانی شێخ عەبدوڵای نەهری نوسراو لەلایەن جەلیل جەلیل" ڕێگە بە چاپ و بڵاوکردنەوایان نادرێت.
 
 
 
ئەو سێ بەرهەمە مێژوویەی کورد کە سەبارەت بە مێژووی کوردە، حکومەتی تورکیا بە تۆمەتی تێکدانی بیروڕای گشتی و دژایەتی لەگەڵ دەوڵەتی تورکیا قەدەغە کردووە
 
 
 
جێی ئاماژەیە ئەم سێ بەرهەمە کە قەدەغە کراون لە لایەن ناوەندی "بلاڤۆکی ئاڤێستاوە" چاپ کراون، لە ماوەی ڕابردوو دا نۆ بەرهەمی کتێبی کە لەلایەن ئەو ناوەندەوە چاپ کراوە دەزگای قەزای تورکیا قەدەغەی بڵاوکردنەوەی کردوون.
 
 
 
دوکتور قاسملوو نوسەری "کورستان و کورد" ئەرکی ئەم کتێبە بە شیکردنەوە و ناساندنی دوو چەمکی "کوردستان" و "کورد" پێناسە دەکات، "کوردستان و کورد" کتێبێکی لێکۆڵینەوەی ئابووری سیاسیە کە نوسەر لەم کتێبە دا ئاماژەی بە مێژوو و جوگرافیای کوردستان کردووە.