هەواڵی سیاسی

photo 2018 12 26 19 15 16

 
لاوان میدیا: دەوڵەتی ئیسرائیل جارێکی دیکە، بنکە و بارەگاکانی کۆماری ئیسلامی و ڕێکخراوە تیرۆریستیەکانی سەر بە ڕێژمی ئێرانی کردە ئامانج.
 
ڕۆژی سێشەممە ٤ی بەفرامبار ۱۳۹۷ هەتاوی مووشەک و فڕۆکە شەڕکەرەکانی ئیسرائیل، جارێکی تر بنکەکانی سووپای قودس و حیزبووڵای ئێرانیان لە نزیک شاری دیمەشق کردە ئامانج، لەو هێرشانە دا چەندین کۆگای چەک و تەقەمەنی لە ناوچوون و خاپوور کراون.
 
ئەم هێرشانە لە کاتێک دایە کە ناتانیاهۆ سەرۆک وەزیرانی ئیسرائیل چەندین جار گوتوویەتی، ئێمە پێگەکانی کۆماری ئیسلامی ئێران لە سووریا دەکەینە ئامانج و شکستیان پێ دێنین.
 
شایەنی باسە لەماوەی چەند ساڵی ڕابردوو دا چەندین جار هێزەکانی ئیسرائیل بە فڕۆکەی شەڕکەر و مووشەک هێرشیان کردووەتە سەر هێزەکانی ڕێژیم، زیانی زۆریان پێ گەیاندوون.
 
 

Gegenwärtiges Kerngebiet der kur

 
لاوان میدیا: هەڕەشە و هێرشەکانی دوژمنانی کورد بۆ سەر کوردستان، کۆتاییان پێ نایە و، لە نوێترین هێرشەکان دا دەوڵەتی تورکیا دەی هەوێت نەخشەی کوردستانی گەورە بسڕێتەوە.
 
بەپێی ڕاپۆرتێک کە لە میدیاکاندا بڵاو بووەتەوە، لە‌ نوێترین هه‌وڵه‌كانی دەوڵەتی توركیا بۆ دژایه‌تیی كورد و كوردستان، ئانکارا به‌ فەرمی داوای له‌ كۆمپانیای "گووگڵ" كردووە، كه‌ نه‌خشه‌ی "كوردستان" له‌سه‌ر خزمه‌تگوزاریی گه‌ڕانی سه‌ر نه‌خشه‌ به‌ ئۆڵاین بسڕێتەوە.
 
کاربەدەستانی تورکیا دەڵێن: لەو نەخشەیە دا به‌شێک له‌ توركیا خراوەتە سەر نەخشەی کوردستان.
 
"كاهیت تۆران" وه‌زیری گواستنه‌وه‌ و ژێرخانی تورکیا لەو بارەوە وتوویەتی: "ده‌سه‌ڵاتدارانی توركیا لەمێژە ئاگادارن، كه‌ ئه‌و نه‌خشه‌یه‌ له ‌لایه‌ن گووگڵه‌وه‌ خراوه‌ته‌ سه‌ر نەخشەی جیهان و له‌ پرۆگرامی گووگڵ ئێرسدا كار ده‌كات".
 
ناوبراو جەختی کردووەتەوە لەسەر داواکارییەكه‌مان لە گووگڵ،‌ به‌رده‌وام ده‌بین.
 
نەخشەی کوردستانی گەورە، لە گووگڵ بەشێک لە وڵاتانی توركیا، سووریا، ئێران و عێراقی له ‌خۆ گرتووه‌، کە به‌ ناوچه‌یه‌كی جێئۆگرافیی خاوه‌ن یه‌ك كولتوور داده‌نرێت.
 
 
 

photo 2018 12 26 00 21 11

 
 
لاوان میدیا: ڕۆژنامه‌یەکی بەریتانی،لە ڕاپۆرتێکدا بڵاوی کردووەتەوە، سێ وڵاتی تورکیا، ئێران و ڕووسیا، بە تێکڕا ڕێک کەوتوون هەتا کورد لە سووریا لە ناو ببەن.
 
بەپێی ڕاپۆرتی ڕۆژنامەی "تایمز"، له دوای كشانه‌وه‌ی هێزه‌كانی ئامریکا له‌ سووریا و ده‌سبه‌هەڵگرتن له‌ پشتیوانیكردنی لە  هه‌سه‌ده‌، سێ وڵاتی تورکیا، ئێران و ڕووسیا ڕێک کەوتوون، هەتا  به‌ تێکڕا كورد له‌ سووریە لەنێو ببەن.
 
لەو ڕاپۆرتەدا هاتووە، توركیا، ڕووسیا و ئێران ده‌یانه‌وێ به‌ته‌واوەتی كورد له‌ سووریه لە ناو ببەن، بۆ ئه‌م هه‌وڵه‌ش چاوه‌ڕێی چوونەدەرەوی هێزه‌كانی ئامریکا له‌ سووریا   دەکەن.
 
ویلایه‌ته‌ یه‌كگرتووه‌كانی ئەمریکا، ٢ هه‌زار و ١٠٠ سه‌ربازی له‌ سووریا دا هەیە و پشتیوانی سه‌ره‌كیی هێزه‌كانی سووریای دێموكرات "هه‌سه‌ده‌"ن.
 
دوای بڕیاری كشانەوەی هێزەكانی ئەمریکا لە سووریا و ئەفغانستان، قسە و باس لەسەر كشانەوەی هێزەكانی ئەمریکا لە عێراق دەكرێت، بۆ ئەمە شارەزایەكی سەربازیی ئیسرائیلی هۆشداری دەداتە ئەمریکا و دەڵێت: كشانەوەی هێزەكانی ئەمریکا لە عێراق هەڵەیەكی ستراتیژی گەورە دەبێت و زیانێكی زۆر بەر هاوپەیمانانی ئەمریکا وەك كورد، سعوودیە و ئیسرائیل دەكەوێت، بەپێچەوانەوەیش مانەوەی هێزەكە دەبێتە بەربەستێكی گەورە لە بەردەم هەوڵی فراوانخوازیی رێژیمی ئێرانەوە.
 
ئەو شارەزا نیزامییە هاوڕایە لەگەڵ زۆرینەی شارەزایان و چاودێرە سیاسییەكان، كە كشانەوەی ئەرتەشی ئەمریکا لە سووریا، بە دیوەكەی تر سەركەوتنە بۆ ڕووسیا و ئێران و بۆ هاوپەیمانانی ئامریکا وەك كورد، سعوودیە و ئوردن و میسر و ئیمارات و ئیسرائیل دۆڕانە.
 

418324Image1

 
 
لاوان میدیا : ئەمریکا ڕایگەیاند کە سەرجەم هێزەکانیان لە سووریا دا دەکشێننەوە دواوە.
 
ئەمڕۆ چوارشەممە ۲٨ی سەرماوەز، کۆشکی سپی ئەمریکا ڕایگەیاند کە سەرجەم هێزەکانیان لە سووریا دەکشێننەوە دواو، ئەوەشیان ڕاگەیاندووە "کە چی دیکە خەلافەتی ئیسلامی ناسراو بە داعش لە سووریا بوونیان نەماوە، بۆیە پێویست ناکات هێزەکانمان لە سووریا دا بمێنەوە".
 
پاش ئەم بڕیارە لەناکاوەی کۆشکی سپی ئەمریکا، هەر زوو لەلایەن هاوپەیمانەکانی ئەمریکا و سیاسەتوان و کەسایەتییە ئەمریکییەکان هەڵوێستی خۆیان دەربڕی
 
بنیامین ناتانیاهۆ سەرۆکی حکومەتی ئیسرائیل ڕایگەیاند : ئەم بڕیارەی ئەمریکا کاریگەری لەسەر ئاسایشی ئیسرائیل دەبێت.
هەروەها سیاسەتوان و سیناتۆری ئەمریکا لە کۆنگرێسی ئەمریکاش ڕایگەیاند : کشاندنەوەی هێزەکانی ئەمریکا لە سووریا، کورد دەخاتە مەترسییەوە.
 
ئەم بڕیارەی کۆشکی سپی ئەمریکا لەکاتێک دایە کە "دۆناڵد تڕەمپ" چەند ڕۆژ لەمەوبەر لە تویتێکی خۆی دا ڕایگەیاند : "داعش کۆتایی پێهات کات کاتی کشانەوەیە".
 
بەڵام کۆشکی سپی ئەوەشی ڕاگەیاندووە کە دوای کۆتای هاتنی داعش کاری هاوپێمانان تەواو نەبووە.
 

4bkc31f044c049k0a4 800C450

 
لاوان میدیا : ناوی کوردستان لە پەرلەمانی تورکیا لە نێوان پەرلەمانتارانی ئەو وڵاتە بە تایبەت ڕەگەزپەرەستەکان شەڕ و هەرا دەنێتەوە.
 
پارتە ڕەگەز پەرەستەکانی تورکیا وەکوو MHP و هەندێک لە پەرلەمانتارانی AKP لەسەر ناوی "کوردستان" شەڕ و ئاژاوەیان لە پەرلەمانی تورکیا نایەوە
 
پەرلەمانتارانی هەدەپە کە باسیان لەوە کردبوو کوردستان لە مێژوو و سروشت و جوگرافیا دا هەیە و هەڵوێستی ڕەگەزپەرەستەکان دۆخی وڵات بەرەو ئاڵۆزی دەبات، ئەم لێدوانەش دوای ئەو هێرشەی پەرلەمانتارە ڕەگزپەرەستەکان دێت کە کردیانە سەر ناوی کوردستان.
 
بەڵام پەرلەمانتارانی MHP و AKP دەڵێن: ھیچ ناوچەیەک بە ناوی كوردستان لە توركیا دا بوونی نییە و بەكارھێنانی ئەو وشەیە بە واتای پارچەكردنی تورکیایە و، ئەوەشی کە پەرلەمانتارانی ھەدەپە دەیڵێن دوورە لەڕاستی.
 
"ئایھان بیلگەن" لەو بارەیەوە باسی لەوە کردووە: "كوردستان ھەیە و ناوھێنانی مەترسیی نییە".
 
پێشتر لەسەر پێشنیاری پەرلەمانتارانی MHP و AKP، ئەو یاسایە پەسند كراوە ھەر كەسێک ناوی كوردستان بھێنێ بە بڕی ١٠ ھەزار لیرە سزا دەدرێت.
 
هاوکات "فاتما كورتولان"، پەرلەمانتاری ھەدەپە لە كۆبوونەوەی پەرەمانی توركیه گوتوویەتی: "ئێستا دەڵێم كوردستان، ئێوەش جارێكی دیكە نیگەران بن، پارتی ئازادی كوردستان بە یاسا لە توركیا دامەزراوە، ئەو جۆرە سیاسەتەی ئێوە توركیای خستووەتە دووڕیانێكی خراپ و ڕۆژانە ڕۆڵەكانمان دەكوژرێن، ئێرە پەرلەمانە نەک كەمپی دیلەكان، ھەدەپە دیلی ئێوە نییە".
 
ڕۆژی چوارشەممە ڕێکەوتی ٢٢ی سەرماوەزی ١٣٩٦ی هەتاوی، له گرته‌ ڤیدیۆییەکدا کە له‌ په‌یجی فه‌رمیی عوسمان بایدەمیر بڵاو بوویەوە، جێگری سه‌رۆكی پەرلەمانی تورکیا كه‌ له‌ باتی سه‌رۆكی پەرلەمان دانیشتنه‌كه‌ به‌ڕێوه ‌ده‌بات، به‌ توانجه‌وه‌ له‌ بایده‌میر ده‌پرسێت: "كوردستان له‌ كوێیه‌؟.
 
بایدەمیر لە وڵامی جێگیری سەرۆکی پارلەمانی تورکیا له ‌نێو ساڵۆنی پەرلەماندا ده‌ست له ‌سه‌ر دڵی خۆی دانا و به‌ ده‌نگی به‌رز وتی: "كوردستان له‌ نێو دڵم دایه"