هەواڵی سیاسی

photo 2018 09 28 14 07 39

 
لاوان میدیا: شۆفێری تاکسییەکانی شاری بۆکان لە بەردەم بینای تاکسیڕانی ئەو شارە بە مەبەستی دەربڕینی ناڕەزایەتی خۆیان کۆ بوونەتەوە کە هێزەکانی
شارەوانی بەربوونەتە گیانیان.
 
 
 
بەپێی هەواڵی گەیشتوو بە ماڵپەڕی لاوان میدیا؛ ڕۆژی پێنجشەممە ۵ی ڕەزبەری ۲۷۱۸ی کوردی بەرانبەر لەگەڵ ۲۷ی سێپتامبری ۲۰۱۸ی زایینی، کۆمەڵێکی بەرچاو لە شۆفێری تاکسییەکانی شاری بۆکان بە نیشانەی ناڕەزایەتی لە هەمبەر کەم بوونی نرخی کرێ تاکسی لەو شارە، لە بەردەم بینای تاکسیڕانی ئەو شارە خۆپیشاندانێکیان بەڕێوە برد کە هێزەکانی شارەوانی بەربوونەتە گیان خۆپیشاندەران.
 
 
 
هەواڵنێری ماڵپەڕی "لاوان میدیا" لەم بارەیەوە ڕاگەیاند، پاش چەند خۆلەک تێپەڕ بوونی خۆپیشاندانەکە، هێزەکانی شارەوانی بەربروونە گیان خۆپیشاندەران و بەم هۆیەشەوە لە نێوان شۆفێری تاکسییەکان و هێزەکانی شارەوانی تێکهەڵچوون هاتووەتە ئاراوە.
 
 
 
بە هۆی گەمارۆوەکانی ویلایەتە یەکگرتووەکانی ئەمریکا بۆ سەر ئێران و کشانەوەی کۆمپانیا جیهانییەکان لەو وڵاتە، قەیرانی ئابووری و گرانیێکی یەکجار زۆر لە ئێران و ڕۆژهەڵاتی کوردستان هاتووەتەوە ئاراوە.
 
 
 
ئەم هۆکارەش وای کردووە کە ڕۆژانە چینە جۆراوجۆرەکانی کۆمەڵگای ئێران لە سەرتاسەری ئەو وڵاتە، مانگترن و کۆبوونەوەی ناڕەزایەتی بەڕێوە ببن و ئەمەش بووەتە هۆی گوشارێکی زۆر بۆ سەر ڕێژیم، بەڵام سیاسەتی هەمیشەیی کۆماری ئیسلامی لە هەمبەر ناڕازییان و خۆپیشاندەران بەرانبەر بە داواکانیان بە زەبری چەک و سەرکوت وڵامی داونەتەوە تەنانەت زۆر جاریش ئەم سیاسەتی قیزەونەی ڕژیم قوربانی لێ کەوتووەتەوە.

11295

 
 
لاوان میدیا: دەوڵەتی تورکیا کتێبی کوردستان و کورد کە لەلایەن ڕێبەری کاریزمای کورد دوکتور قاسملووەوە نوسراوە و دوو کتێبی دیکەی قەدەغە کرد.
 
 
 
دەزگای قەزاییەی حکومەتی تورکیا کتێبی" کوردستان و کوردی دوکتور قاسملوو" و دوو کتێبی تر کە سەبارەت بە کوردە ڕێگە بە چاپ و بڵاوکردنەوەیان نادات.
 
 
 
ئەو حوکمەی دەزگای قەزای تورکیا تیایدا کە کتێبەکانی "کوردستان و کورد بەرهەمی دوکتور قاسملوو" و "بزوتنەوەی نەتەوەی کورد بەرهەمی کریس کۆچێرا" و کتێبی "شۆڕشی کوردەکان سەبارەت بە شۆڕشەکانی شێخ عەبدوڵای نەهری نوسراو لەلایەن جەلیل جەلیل" ڕێگە بە چاپ و بڵاوکردنەوایان نادرێت.
 
 
 
ئەو سێ بەرهەمە مێژوویەی کورد کە سەبارەت بە مێژووی کوردە، حکومەتی تورکیا بە تۆمەتی تێکدانی بیروڕای گشتی و دژایەتی لەگەڵ دەوڵەتی تورکیا قەدەغە کردووە
 
 
 
جێی ئاماژەیە ئەم سێ بەرهەمە کە قەدەغە کراون لە لایەن ناوەندی "بلاڤۆکی ئاڤێستاوە" چاپ کراون، لە ماوەی ڕابردوو دا نۆ بەرهەمی کتێبی کە لەلایەن ئەو ناوەندەوە چاپ کراوە دەزگای قەزای تورکیا قەدەغەی بڵاوکردنەوەی کردوون.
 
 
 
دوکتور قاسملوو نوسەری "کورستان و کورد" ئەرکی ئەم کتێبە بە شیکردنەوە و ناساندنی دوو چەمکی "کوردستان" و "کورد" پێناسە دەکات، "کوردستان و کورد" کتێبێکی لێکۆڵینەوەی ئابووری سیاسیە کە نوسەر لەم کتێبە دا ئاماژەی بە مێژوو و جوگرافیای کوردستان کردووە.

photo 2018 09 26 19 20 59

 
 
لاوان میدیا : کوردانی کوردستانی ڕۆژهەڵات لەبەردەم بارەگای نەتەوە یەکگرتووەکان و باڵوێزخانەی ئەمریکا بە بەشداری یەکیەتیی لاوان گردبوونەوەیەکیان ئەنجام دا.
 
 
ڕۆژی چوار شەممە ڕێکەوتی ٤ی ڕەزبەر بەرامبەر بە ۲٦ی سێپتامبر کوردانی ڕۆژهەڵات لە بەردەم نوێنەرایەتی نەتەوە یەکگرتووەکان و باڵوێزخانەی ئەمریکا لە شاری هەولێری پایتەختی هەرێمی کوردستان بە بەشداری یەکیەتیی لاوانی دێموکراتی کوردستانی ئێران گردبوونەویەکیان ئەنجام دا.
 
 
سەرەتا گردبوونەوەکە لە بەردەم نوێنەرایەتی نەتەوە یەکگرتووەکان ئەنجام درا، پاشان پەیامێک بەزمانی ئینگلیزی کە باسی لە مووشەکبارانەکەی ۱۷ی خەرمانان و ئەو کارە قێزەونەی ڕێژیمی ئێرانی کرد و داوایان لە نەتەوە یەکگرتووەکان کرد کە ئاسایشی ئەو کەمپانە بپارێزێت کە تیایان دا خەڵکی مەدەنی دەژیت، لە دواتر دا لە لایەن بەڕێوبەرانی گردبوونەوەکە پەیامێک بەزمانی کوردی خوێندرایەوە
 
 
لە کۆتای دا ئامادەبووانی گردبوونەوەکە چوونە بەردەم باڵویزخانەی ئەمریکا لەشاری هەولێر و لەوێش دا بەهەڵگرتنی وێنەی بریندارانی ۱۷ی خەرمانان و شەهیدانی ئەو کارەساتە درێژەیان بە گردبوونەوەکە دا،لە پاشان دا پەیامێک بەزمانی کوردی و ئینگلیزی لە لایەن بەڕێوبەرانی گردبوونەوکە خوێندرایەوە و کۆتای بە گردبوونەوەکە هات.

unpo

لاوان میدیا: لە فەرانسا ٢٨ەمین کۆبوونەوەی سەرۆکایەتی ڕێکخراوی UNPO بەڕێوە چوو
 
 
 
بە پێی ئەو هەواڵەی کە کوردستان میدیا بڵاوی کردووەتەوە
ڕۆژی ۲۲ی خەرمانانی ۱۳۹۷ی هەتاوی لە وڵاتی فەڕانسە
۲٨ەمین کۆبوونەوەی دەستەی سەرۆکایەتی ڕێکخراوی گەلانی بێ نوێنەر UNPO بەڕێوە چوو
 
 
 
لەو کۆبوونەوەیە دا نوێنەری حیزبی دێموکراتی کوردستانی ئێران "عەلی عەبدیلزادە" بەشداری تێدا کردووە
 
 
 
لە بەشی یەکەمی کۆبوونەوەکە دا تاوتوێی پرسە ناوخۆیەکانی ڕێکخراوەکە کراو لەلایەن سکرتاریەتی ڕێکخراوەکە پلان و کاری شەش مانگی داهاتوویان باس کرا، پاشان ڕاپۆرتی ماڵی لەلایەن بەرپرسی بەشی ماڵی UNPO پێشکەش کرا
 
 
 
 
لە بەشی کۆتای کۆبوونەوەکە نوێنەری حیزبی دێموکرات باسی لە تاوانەکانی ڕێژیمی کۆماری ئیسلامی ئێران کردووە کە لەماوەی ڕابردوو دا ئەنجامی داوە لەوانە لە سێدارەدانی سێ چەلاکی سیاسی کورد و موشەکباران کردنی بنکەکانی حیزبی دێموکرات لە شاری کۆیە و بریندار بوونی ژمارەیک ژن و منداڵ و شەهید بوونی پۆلێک تێکۆشەری ئەو حیزبە لەو ڕووداوە تیرۆریستییە
 
 
 
جێی ئاماژەیە دوای مووشەکبارانەکەی ۱۷ی خەرمانان ڕێکخراوی گەلانی بێ نوێنەر UNPO لە بەیاننامەیەکی ڕەسمی دا بەتوندی ئیدانەی هێرشە تیرۆریستییەکەی ڕێژمی کۆماری ئیسلامی ئێرانیان کردووە.

561207 4806e03232611b7251cba9672224e012

 
 
لاوان میدیا: پاش مانگرتنی گشتی ڕۆژهەڵات چەندین هاوەڵاتی کورد لەلایەن ئیدارەی ئیتلاعاتی ئێرانەوە دەسبەسەرکراون.
بە پێی هەواڵی بڵاوکراوە لە ئاژانسی هەوڵدەریی"کوردپا" دوو هاووڵاتی بەناوەکانی "خەبات و ڕەشاد زەندی" کوڕی خالید، بە تۆمەتی پشتیوانی لە مانگرتنی گشتی ڕۆژهەڵات دەستبەسەرکراون.
لەهەمان ڕاستا دا هاووڵاتییەک بەناوی "موسلیم سەعیدپوور" بانگهێشتی ئیدارەی ئیتلاعاتی سنە کراوە و لێپرسینەوەی لێکراوە.
هەروەها ئیدارەی ئیتلاعات لە ڕێگای تەلەفۆنەوە هەڕەشەی لە "ئەیووب جەوانپوور" چالاکی مەدەنی شاری سەقز کردووە.
ئاژانسی کوردپا باسی لەوەش کردووە کە لە شاری ڕەوانسەر دوو هاووڵاتی بە ناوەکانی "عادل و ئیدریس مورادی" بانگهێشتی ئیتلاعات و لێپرسینەوەیان لەگەڵ کراوە.
لەو پێوەندیە دا ئیدارەی ئیتلاعاتی شاری بۆکان دوو کەسی بەناوەکانی "پەرویز فەقیهی و سمکۆ سدقی" بە تۆمەتی "پشتیوانی لە مانگرتنی ڕۆژهەڵات" دەسبەسەر کردووە.
جێی ئاماژەیە پاش مانگرتنە سەرتاسەریەکی ڕۆژهەڵات کە سەرجەم شارەکانی کوردستانی ڕۆژهەڵاتی گرتەوە ڕێژیمی کۆماری ئیسلامی ئێران بۆ سەرکوت کردنی خەڵکی کوردستان دەستی داوەتە دەسبەسەرکردنی چالاکانی 
بە پێی هەواڵی بڵاوکراوە لە ئاژانسی هەوڵدەریی"کوردپا" دوو هاووڵاتی بەناوەکانی "خەبات و ڕەشاد زەندی" کوڕی خالید، بە تۆمەتی پشتیوانی لە مانگرتنی گشتی ڕۆژهەڵات دەستبەسەرکراون.
لەهەمان ڕاستا دا هاووڵاتییەک بەناوی "موسلیم سەعیدپوور" بانگهێشتی ئیدارەی ئیتلاعاتی سنە کراوە و لێپرسینەوەی لێکراوە.
هەروەها ئیدارەی ئیتلاعات لە ڕێگای تەلەفۆنەوە هەڕەشەی لە "ئەیووب جەوانپوور" چالاکی مەدەنی شاری سەقز کردووە.
ئاژانسی کوردپا باسی لەوەش کردووە کە لە شاری ڕەوانسەر دوو هاووڵاتی بە ناوەکانی "عادل و ئیدریس مورادی" بانگهێشتی ئیتلاعات و لێپرسینەوەیان لەگەڵ کراوە.
لەو پێوەندیە دا ئیدارەی ئیتلاعاتی شاری بۆکان دوو کەسی بەناوەکانی "پەرویز فەقیهی و سمکۆ سدقی" بە تۆمەتی "پشتیوانی لە مانگرتنی ڕۆژهەڵات" دەسبەسەر کردووە.
جێی ئاماژەیە پاش مانگرتنە سەرتاسەریەکی ڕۆژهەڵات کە سەرجەم شارەکانی کوردستانی ڕۆژهەڵاتی گرتەوە ڕێژیمی کۆماری ئیسلامی ئێران بۆ سەرکوت کردنی خەڵکی کوردستان دەستی داوەتە دەسبەسەرکردنی چالاکانی  مەدەنی و هاووڵاتییانی کورد لە کوردستانی ڕۆژهەڵات.