ئه‌ده‌ب‌وهونه‌ر

59718004 2452507448094377 288443294860443648 n

 

٥٤ ساڵ پێش ئێستا، شاعیری کورد، "محەممەد کابۆلی"، ناسراو بە "مامۆستا قانع" کۆچی دوایی کرد، مامۆستا قانع، شاعیرێژکی بەناوبانگی کورد بوو، کە بەھۆی هۆنراوەکانیەوە بە "شاعیری چەوساوەکانی کوردستان" ناوبانگی دەرچووە.

 

هۆنراوەکانی مامۆستا قانع ھەوێنی بیرێکی پێشکەوتوو خوازانەیە. شاعیر لەو باوەڕەدا بووە کە لە وڵاتێکی فرە نەتەوەدا دەبێت کە ھەموو نەتەوەکانی نێو چوارچێوەی ئەو وڵاتە وەک یەک بژین و لە ڕووی یاسای کۆمەڵایەتییەوە یەکسان بن و وەکوو یەک سەربەستیی سیاسییان پێ بدرێت.

 

ناوبراو، ھەمیشە لە ھەڵویستی سیاسییانەی نەتەوە سەرەکەییەکانی ئەو جۆرە وڵاتانەدا سڵەمیوەتەوە و لە هۆنراوەکانیدا ئەمەی بە گوندنشینەکان گەیاندووە و پەرەی بە بیری نیشتمانپەروەری داوە.

 

مامۆستا قانێع، ساڵی ١٢٧٧ی هەتاوی، لە گوندی "ڕیشێنـ"ـی مەریوان لە دایک بووە و ساڵی ١٣٤٤ی هەتاوی، بەهۆی نەخۆشیی تەنگەنەفەسییەوە لە گوندی "لەنگەدێـ"ـی ناوچەی شلێر کۆچی دوایی کردووە.

 

 

photo 2019 03 12 15 41 35

 

 
لاوان میدیا: کتێبی ژیان و بیرەوەریەکانی " فەیزوڵڵا ڕۆحانی" ناسراو بە مام فەیزە چاپ و بڵاو کرایەوە.
 
 
ئەم کتێبە باسی بیرەوەریەکانی مام فەیزە و ئەو قارەمانی لە خۆبردووی ئەو پێشمەرگانە دەکات، کە لەگەڵ مام فەیزەدا خەباتیان کردووە و شەهید بوون
 
"فەیزوڵڵا ڕۆحانی" ناسراو بە "مام فەیزە کاشتەری" ساڵی ١٣٣٠ی هەتاوی لە گوندی کاشتەر سەر بە ناوچەی بێڵەواری کامیاران لەدایکبووە. مام فەیزه لە ساڵی ١٣٥٨ی هەتاویدا تێكەڵ بە ڕیزی پێشمەرگەکانی حیزبی دێموکراتی کوردستانی ئێران دەبێت و هەتا ئێستاش لە ڕیزەکانی حیزبدا ئەرکی پیرۆزی پێشمەرگایەتی بەڕێوە دەبات.
 

20190213 233255

 
لاوان میدیا: "بەهمەن قووبادی" دەرهێنەری نێوداری کورد و جیهان ڕایگەیاند، بەرهەمێکی دیکە بەناوی "۱۱۱ کچ" بڵاو دەکرێتەوە.
 
"بەهمەن قووبادی" دەرهێنەری بەتوانا و ناسراوی کورد و جیهان لە ماڵپەڕی فەرمی خۆی ڕایگەیاند، کە بەرهەمێکی دیکەی فیلمی لەژێر ناوی "۱۱۱ کچ" بڵاو دەکرێتەوە، ئەم بەرهەمە فیلمیە هەردوو دەرهێنەر " ناهید قوبادی و بیژەن زەمانپیرا" کاریان بۆ کردووە
 
ئەم فیلمە باس لەو پیاو ژنانە دەکات کە کاری کۆڵبەریان هەڵبژاردووە و لە پێناو بەدەستهینانی داهاتی ژیانیان ئەم ڕێگا پڕ کۆسپ و مەترسیدارە دەگرن
 
بەهمەن قوبادی سەبارەت بەم فیلمە ووتی : "فیلمی ١١١ کچ، بە دەرھێنەری ناھید قوبادی و بیژه‌ن زەمانپیرا لە کۆمپانیای مژ فیلم، بە یادی ھەموو کۆڵبەرانی ژن و پیاو کە ئەمڕۆ لە کارەساتبارترین حاڵەتدا بۆ بژیوی ژیانیان بە دوای ناندان".
 
جێی ئاماژەیە کە بەهمەن قوبادی لەساڵی ۲۰۰۰ی زایینی کۆمپانیای "mij films" دامەزراندووە و خۆشی خاوەندی چەندین بەرهەمی بەنێوبانگی وەکوو " کیسەڵەکان دەفڕن" و "ساتێک بۆ مەستی ئەسپەکان " و "گۆرانیەکانی وڵاتی دایکم" چەندین بەرهەمی ناوداری ترە.
 
bahman ghobadi
 
"بەهمەن قووبادی" دەرهێنەری ناسراوی جیهانی
 

 

 

photo 2019 02 01 18 21 49

 
 
 
لاوان میدیا: کەیهان کەلهۆڕ هونەرمەندی ناوداری کورد، ناوی لە ڕیزبەندی بیست هونەرمەندی بەناوبانگی جیهاندا تۆمار کراوە.
 
گۆڤارێکی بەناوبانگی بەریتانی بەناوی "سانگ لاینز" کە تایبەتە بە بواری مۆسیقا، بەبۆنەی بیستەمین ساڵڕۆژی بڵاوبوونەوەی یەکەم ژمارەی ئەو گۆڤارە، لە ڕاپۆرتێکدا ناوی بیست هونەرمەندی بەناوبانگی جیهانی بڵاوی کردووەتەوە کە ناوی کەیهان کەلهۆڕ، هونەرمەندی ناوداری کوردیش لە ڕیزبەندی ڕاپۆرتەکەدا هاتووە.
 
کەیهان کەلهۆڕ، ژەنیاری کەمانچە و ئاهەنگسازی بەناوبانگ و بەتوانای کوردە، لە دایکبووی ۳ی سەرماوەزی ۱۳٤۲ی هەتاوی، خەڵکی شاری شائاباد لە پارێزگای کرماشانی ڕۆژهەڵاتی کوردستان و دانیشتووی وڵاتی کانادایە.
 
ئەو هونەرمەندە ناودارە کوردە، تاوەکوو ئێستا دوو خەڵاتی بەناوبانگی جیهانی بەدەست هێناوە، لە ڕۆژی ۱۰ی خەرمانانی ئەمساڵدا خەڵاتی نێونەتەوەیی "Human spirt-ڕۆحی مرۆڤ"ی مۆسیقا لە کێبڕکێی جیهانیی "ئیزک ئشترن" و لە ساڵی ۱۳۹٥ی هەتاوی، لەگەڵ گروپی "ڕێگای ئاوریشم" بەبۆنەی ئالبۆمی "sing me home"، وەکوو باشترین ژەنیار هەڵبژێردرا و خەڵاتی نێونەتەوەیی "Grammy Awards"ی، بەدەست هێناوە.
 
 

 

 

photo 2019 01 31 22 28 42

 

 
 
لاوان میدیا: "بێهروز بوچانی" پەنابەرێکی کوردی خەڵکی ئیلامی ڕۆژهەڵاتی کوردستانە ماوەی شەش ساڵە وەک پەنابەرێک لە دوورگەی پەنابەرانی مانووس دەژیت خەڵاتی ئەدەبی ڤیکتۆریای پێ بەخشرا.
 
بوچانی ڕۆمانێکی بە ئینگلیزی بە ناوی "جگە لە چیاکان کەس دۆستم نیە" بە مۆبایل نووسیوە و دواتر چاپ کراوە.
ئەم ڕۆمانەی بوچانی دەنگدانەوەی جیهانی لێکەوتووەتەوە.
 
"بێهروز بوچانی"  کە لە دوورگەیەک دا دەژیت هاوشێوەی بەندینخانەیە وەک کوردێکی نیشتیمانپەروەر توانیویەتی بە ڕۆمانەکەی دیسان شانازییەکی تر بۆ نەتەوەی کورد بەدەست بهێنێت.
 
 شایەنی باسە کە "بێهروز بوچانی" بۆ وەرگرتنی خەڵاتەکە ڕێگەیان نەدا لە کەمپەکە بچێتە دەرەوە.