چالاکی کوردستان

photo 2019 01 15 18 22 54

 
 
 
لاوان میدیا: شاندێکی ڕێکخراوی ئازادی لاوانی یەکیەتیی نیشتمانی کوردستان، سەردانی نووسینگەی نوێنەرایەتی حیزبی دێموکراتی کوردستانی ئێرانیان لە شاری سلێمانی کرد و، لەگەڵ نوێنەری حیزبی دێموکرات و یەکیەتیی لاوانی دێموکراتی کوردستانی ئێران کۆ بوونەوە. 
 
رۆژی سێ شەممە ڕێکەوتی ۲٥ی بەفرانباری ۲۷۱۸ی کوردی بەرانبەر ۱٥ی ژانویەی ۲۰۱۹ زایینی، شاندێکی ڕێکخراوی ئازادی لاوانی یەکیەتیی نیشتمانی کوردستان بە سەرپەرستی هاوڕێ "هێمن حەمەتاڵ" بەرپرسی سەنتەری ئازادی لاوان لە شاری سلێمانی، سەردانی نووسینگەی نوێنەرایەتی حیزبی دێموکراتی کوردستانی ئێرانیان لە شاری سلێمانی کرد و لەگەڵ نوێنەری حیزبی دێموکرات و نوێنەری یەکیەتیی لاوان کۆبوونەوە.
 
لە دیدارە دا لەلایەن هەیئەتی حیزب و یەکیەتیی لاوانەوە بە سەرپەرستی هاوڕێ "فواد خاکی بێگی" نوێنەری حیزبی دێموکرات و هاوڕێ "سەلام قادری" نوێنەری یەکیەتیی لاوان لە سلێمانی پێشوازیان لێکرا.
 
لەم دانیشتنە دۆستانەیە دا ڕەوەشی رۆژهەڵات و باشووری کوردستان و پرسی کورد لە ناوچەکە تاوتوێ کران و سەبارەت بە کۆمەڵێک کاری هاوبەش ئاڵوگۆڕی بیروڕا کرا.
photo 2019 01 15 18 22 51
 
شاندی میوان بەگرینگی و بایەخەوە ڕوانییانە خەباتی حیزبی دێموکرات و چالاکییەکانی یەکیەتیی لاوانی دێموکراتی کوردستانی ئێران لە خەباتی نوێی ڕۆژهەڵاتی کوردستان لە ژێر ناوی "ڕاسانی رۆژهەڵات" و ئەو خەباتە نوێیەی ڕۆژهەڵاتیان بەرز نرخاند، هەروەها هاودەنگی هەموو لایەکیان لەسەر پرسە نیشتمانیەکان بە پێویستییەکی هەنووکەیی و زەرووری زانی.
 
 
 

 

photo 2018 12 31 21 52 26

 
لاوان میدیا: ناوەندی پەروەردەی یەکیەتیی لاوان دەورەیەکی فێرکاری هوونەری بۆ ئەندامانی بەڕێوە برد.
  
 
لەم دەورەیەدا کە ژمارەیەکی بەرچاو لە ئەندامانی لاوان بەشداریان کرد،
 ئامێری دەف و زەرب بە بەشدار بووان ناسێندرا و چۆنیەتی بەکارهێنانیان بۆ بەشدار بووان شیکرایەوە .
  
photo 2018 12 31 21 52 17
 
ئەم دەورەیە بە سەرپەرشتی بەشی هوونەری ناوەندنی پەروەردە و چەندین مامۆستای بەتوانای هونەری، بەڕێوە چوو کە ماوەی ۳ هەفتەی  خایاند و بە شێوەیەکی سەرکەوتوو کۆتایی پێ هات.
photo 2018 12 31 21 52 21
 
 

photo 2018 12 22 20 04 22

 
لاوان میدیا: یەکیەتیی لاوانی دێموکراتی کوردستانی ئێران لە کەمپی دێگەڵە ڕێوڕەسمێكیان بەبۆنەی یادی لەدایک بوونی د.قاسملوو و شەوی یەڵدا بەڕێوە برد.
 
ڕۆژی هەینی، ٣٠ی سەرماوەز، یەکیەتیی لاوانی دێموکراتی کوردستانی ئێران، ڕێورەسمێکیان بەبۆنەی  "٨٨"ەمین ساڵیادی لە دایکبوونی ڕێبەری نەمری گەلەکەمان د.قاسملوو و شەوی یەڵدا لە کەمپی دێگەڵەدا بەڕێوە برد.
 
سەرەتای ئەم ڕێوڕەسمە بە سروودی نەتەوایەتی "ئەی ڕەقیب" و ڕاگرتنی خولەکێك بێدەنگی بۆ ڕێزگرتن لە گیانی پاکی شەهیدانی کوردستان دەستی پێکرد.
 
دواتر پەیامی دەستەی بەڕێوەبەری یەکیەتی لاوان لەلایەن "واحید ئەحمەدی" ئەندامی بەڕێوبەریی یەکیەتی لاوان بەم بۆنەوە خوێندرایەوە.
 
پاشان "زانیار بەهاری" باسێکی لەسەر کەسایەتی د.قاسملوو و کاریگەرییەکانی لەسەر بزاڤی نەتەوەیی کورد پێشکەش کرد.
 
دواتر مۆمی ٨٨ ساڵەی لە دایک بوونی د.قاسملوو لەلایەن دوو پێشمەرگەی دێرین و سەردەمی کۆماری کوردستان بە ناوەکانی "سۆفی مەحموود ئاقایی و مەلا  عەبدووڵا"ەوە هەڵکرا.
 
لە بڕگەیەکی دیکەی ئەم ڕێوڕەسمەدا دوو سروود  لەلایەن "نیزام سەجادی و محەممەد محەممەدزادە"وە  پێشکەش کرا.
 
بڕگەیەکی تری ئەم ڕێوڕەسمە تەرخان کرابوو بۆ پێدانی لەوحی ڕێزلێنان بە هونەرمەندان "شۆڕش ئاهی، سامان سەیدئەحمەدی و نیزام سەجادی" وەک ڕێزگرتنێک لە ماندووبوونەکانیان.
 
پاشان پەخشانێک لەژێر ناوی "شەوی یەڵدا" لە نووسینی "جەماڵ فەتحی(کۆچەر)" ، لەلایەن "سامڕەند زاگرۆس"ەوە خوێندرایەوە.
 
دواتر "غوڵام فاتحی" سروودێکی بەم‌ بۆنەوە پێشکەش کرد.
 
پاشان "ڕامیار شامورادی" شیعرێکی لە ژێر ناوی "ڕووناکییەک لە نێو شەوەزەنگدا" لە نووسینی "شەریف فەلاح" پێشکەش کرد.
 
بڕگەیەکی دیکەی ئەم ڕێوڕەسمە تەرخان کرابوو بۆ گۆرانی فۆلکلۆر، کە لەلایەن "نیزام سەجادی"ەوە پێشکەش کرا.
 
ئەم ڕێوڕەسمە بە هەڵپەڕکێ، شایی و خۆشی بەشداربووان کۆتایی پێهات.
 
 
بۆ بینینی سەجەم وێنەکان کلیک لێرە بکە
 
 
photo 2018 12 22 20 49 18
 
photo 2018 12 22 20 03 39
 
 
photo 2018 12 22 20 03 55
 
 
photo 2018 12 22 20 03 49
 
 
photo 2018 12 22 20 04 13
 
photo 2018 12 22 20 03 44
 
photo 2018 12 22 20 04 18
 
 
 
 
 

photo 2018 12 22 18 56 45

 
 
لاوان میدیا: کۆمیتەی "کێلەشین"ی یەکیەتیی لاوانی دێموکراتی کوردستانی ئیران، لە شاخەکانی کوردستان لە ڕێوڕەسمێکی تایبەتدا، شەوی لەدایکبوونی ڕێبەری هەمیشە زیندووی گەلەکەمان "د.قاسملوو"یان یاد کردەوە.
 
ڕۆژی هەوینی ۳۰ی سەرماوەز، کۆمیتەی "کێلەشین" ی یەکیەتیی لاوان، لە شاخەکانی کوردستان، بە بەشداری ئەندامانی کۆمیتەی "کێلەشین" و پێشمەرگەکانی حیزبی دێموکرات لە شاخەکانی کوردستان مەراسمەکی بە بۆنەێ شەوی یەلدا ڕۆژی لە دایکبوونی ڕێبەری  هەمیشە زیندووی گەلەکەمان شەهید .د. قاسملوویان یاد کردەوە
 
سەرەتای ڕێوڕەسمەکە بە سروودی نەتەوایەتی "ئەی ڕەقیب" دەستی پێ کرد، پاشان وتارێک لە لایەن بەرێز "دڵنیا لوتفی" ئەندامی دەستەی بەڕێوەبەری یەکیەتیی لاوان و ژیانامەی شەهید. د. قاسملوو خوێندراوە و باسەک لە سەر کەسایەتی شەهید.د. قاسملوو کرد.
 
لە بەشێکی  دیکەی ڕێوڕەسمەکەدا بەرێز "سمین مەحموود تەختی" بەرپرسی کۆمیتە، پەیامیەکی کۆمیتەی "کێلەشین" پێشکەش کرا.
هەر وا بەرێز "ئەوین حەکیم پوور "پەیامەکی سەبارەت بە شەوی یەلدا و شەوی لە دایکبووی ڕێبەری مەزن پێشکەش کرا.
 
لە بەشێکی دیکەی ڕێوڕەسمەکەدا سروودەک لە ژێر ناوی قاسملوو لە لایەن کاری سروودی ڕاسانەوە پێشکەشی ئەندامان و پێشمەرگەکان لە ڕێوڕەسمەکەدا کرد.
 
دوایین بڕگەی ئەم ڕێوڕەسمە شایی و هەڵپەڕکێی بەشداربووان بوو.
 
photo 2018 12 22 18 57 44
 
 
photo 2018 12 22 18 57 14
 
photo 2018 12 22 18 57 19 2
 
photo 2018 12 22 18 57 04
 
 
 
photo 2018 12 22 19 05 25
 

photo 2018 12 21 19 34 52

 
لاوان میدیا: کۆمیتەی ڕاسانی یەکیەتیی لاوانی دێموکراتی کوردستانی ئیران، لە شاری سۆران لە ڕێوڕەسمێکی تایبەتدا، شەوی لەدایکبوونی ڕێبەری هەمیشە زیندووی گەلەکەمان "د.قاسملوو"یان یاد کردەوە.
 
ڕۆژی پێنجشەممە، ٢٩ی سەرماوەز، کۆمیتەی ڕاسانی یەکیەتیی لاوان، لە شاری سۆران، لە ڕێوڕەسمێکدا، میوانداریی بەشێک لە پێشمەرگەکانی شاخ و ئەندامانی کۆمیتەی حیزبی دێموکراتی کوردستانی ئێرانیان کرد.
 
سەرەتای ڕێوڕەسمەکە بە سروودی نەتەوایەتی "ئەی ڕەقیب" دەستی پێ کرد، پاشان وتارێک لە لایەن عەبدولڕەحمان یووسفی، بەرپرسی کۆمیتەی یەکیەتی لاوان لە شاری سۆران لەسەر کەسایەتیی د. قاسملوو پێشکەش کرا. دواتر بەهمەن فەقی زەندەشت، گۆرانییەکی پێشکەش کرد.
 
ڕامین عومەرزادە بەرپرسی کۆمیتەی حیزب لە سۆران، لەسەر شەوی یەڵدا و ڕۆڵی د. قاسملوو، لە بزاڤی نەتەوایەتیدا، وتارێکی پێشکەش کرد.
 
لە بەشێکی  دیکەی ڕێوڕەسمەکەدا گۆرانییەک لە لایەن "بێهزاد قادریـ"ـیەوە پێشکەش کرا.
 
دواتر سەعید زارعی بەرپرسی مەقەری حیزب لە سۆران چەند وتەیەکی لە سەر کەسایەتیی دوکتور قاسملوو باس کرد و هەروها شێعرێک لە ژێر ناوی "یەڵدا" لەلایەن ئەفشین ئەمیریەوە پێشکەش کرا.
 
دوایین بڕگەی ئەم ڕێوڕەسمە شایی و هەڵپەڕکێی بەشداربووان بوو.
 
photo 2018 12 21 19 36 21
 
 
photo 2018 12 21 19 36 34
 
 
photo 2018 12 21 19 36 53