چالاکی کوردستان

IMG 20200102 084725 142

IMG 20200102 084729 400

کۆمیتەکانی شاخ کۆنفڕانسی ساڵانەی خۆیان بەڕێوەبرد.

کۆمیتەکانی شاخی یەکیەتیی لاوانی دێموکراتی کوردستانی ئێران، کۆنفڕانسی ساڵانەی خۆیان بەڕێوەبرد.
لاوان میدیا: ڕۆژانی چوارشەممە و پێنجشەممە ڕێکەوتی ٤ و ٥ ی بەفرانباری ۱۳۹۸ی هەتاوی، لە میانەی سەردانی شاندێکی یەکیەتیی لاوان بۆ کۆمیتەکانی شاخی یەکیەتیی لاوان لە هێزەکانی ۱۱٥ و ۱۲۲ ی پێشمەرگەی کوردستان کۆنفڕانسی ساڵانەی ئەم کۆمیتانە بەڕێوەچوو.
شاندی یەکیەتیی لاوان بەسەرپەرەستی بەڕێز "واحید ئەحمەدی" جێگری سکرتێری یەکیەتیی لاوان و بەرپرسی بەشی تەشکیلات بەمەبەستی پێکهێنانی کۆنفڕانسی ساڵانە و بەڕێوەبردنی کۆبوونەوەیەکی تایبەت لەگەڵ ئەندامانی یەکیەتیی لاوان ئەم سەردانەیان پێکهێنابوو.
لە بەشی کۆبوونەوەدا کە تایبەت بوو بە باسکردن لەسەر کەسایەتی "دوکتۆر قاسملوو" و " شیکردنەوەی بەرنامە و پێڕەوەی نێوخۆی یەکیەتیی لاوان" 
سەرەتا " زانیار بەهاری" باسێکی لەسەر تایبەتمەندی کەسایەتی و هزری ڕێبەری کاریزماتیکی نەتەوەکەمان " دوکتۆر قاسملوو" پێشکەشکرد.
پاشان بەڕێز " سۆران باریکە" کادری سیاسی و ئەندامی پێشووی ڕێبەری یەکیەتیی لاوان بەرنامە و پێڕەوی یەکیەتیی لاوانی بۆ ئەندامانی لاوان شیکردەوە.
بەشی کۆتایی کۆبوونەوەکان وەکو ڕەواڵی باو بریتییبوو لە بەڕێوەبردنی هەڵبژاردن بۆ دیاریکردنی ئەندامانی نوێی بەڕێوەبەری کۆمیتەکانی لاوان لە هێزەکانی ۱۱٥ و ۱۲۲ ، کە دوابەدوای ڕوونکردنەوەی بنەما تەشکیلاتییەکان لەلایەن بەڕێز " واحید ئەحمەدی" لەکەشێکی ئازاد و دێموکراتیکدا هەڵبژاردن پێکهات و ئەندامانی نوێی بەڕێوەبەری کۆمیتەکان هەڵبژێردران.

IMG 20191228 085800 443

وەفدێکی یەکیەتیی لاوان سەردانی تۆڕی هەماهەنگی ڕێکخراوەکان (CNO)ی کرد.

وەفدێکی یەکیەتیی لاوانی دێموکراتی کوردستانی ئێران، سەردانی تۆڕی هەماهەنگی ڕێکخراوەکان(CNO)ی کرد.
لاوان میدیا: ڕۆژی دووشەمە ۲ی بەفرانباری ۱۳۹۸ی هەتاوی، وەفدێکی یەکیەتیی لاوان بەسەرەپەرەستی بەڕێز "عومەر فەخرەدینفەڕ" سکرتێری گشتی یەکیەتیی لاوانی دێموکراتی کوردستانی ئێران، سەردانی تۆڕی هەماهەنگی ڕێکخراوەکان (CNO) ی کرد کە لەلایەن بەڕێز 
" سیروان گەردی" سەرپەرشتیارەی تۆڕی هەماهەنگی پێشوازیان لێکرا.
لەم دیدارەدا هەردوو لایەن پێداگریان لەسەر پێکهێنانی هەماهەنگی نێوانیان و دروستکردنی پەیوەندییەکی پتەو کردەوە.

IMG 20191228 085049 124

شاندێکی یەکیەتیی لاوان سەردانی ڕێکخراوی ئاڤیاری کرد.

شاندێکی یەکیەتیی لاوانی دێموکراتی کوردستانی ئێران سەردانی ڕێکخراوی " ئاڤیار" بۆ هۆشیاری ژینگەیی کرد.
لاوان میدیا: ڕۆژی ۲ی بەفرانباری ۱۳۹۸ی هەتاوی، شاندێکی یەکیەتیی لاوانی دێموکراتی کوردستانی ئێران بە سەرپەرەستی بەڕێز "عومەر فەخرەدینفەڕ" سکرتێری گشتی یەکیەتیی لاوان سەردانی ڕێکخراوی "ئاڤیار"ی بۆ هۆشیاری ژینگەیی کرد کە لەلایەن سەرپەرشتیاری ڕێکخراوی ناوبراو بەڕێز " ئاسۆ ئیسماعیل شکاک" پێشوازییان لێکرا.
هەر دوولایەن لە میانەی دیدارەکەیاندا کۆمەڵێک بابەت جۆراوجۆریان تاوتوێکرد و پێداگریان لەسەر پتەوکردنی پەیوەندییەکانیان و هاوئاهەنگی نێوانیان کردەوە.

IMG 20191222 115411 227

یەکیەتیی لاوان یادی لەدایکبوونی دوکتۆر قاسملووی بەرزڕاگرت.

یەکیەتیی لاوانی دێموکراتی کوردستانی ئێران، یادی لەدایکبوونی ڕێبەری گەورەی نەتەوەکەمان "دوکتۆر قاسملووی"ی بەرزڕاگرت.
لاوان میدیا: ئێوارەی ڕۆژی هەینی ٢٩ سەرماوەزی ١٣٩٨ی هەتاوی، یەکیەتیی لاوان بۆ بەرزڕاگرتنی یادی لەدایکبوونی "دوکتۆر قاسملوو" واتە "شەوی یەلدا" مەراسمێکی پێکهێنا.
سەرەتای ڕێوڕەسمەکە بە سرودی نەتەوەیی "ئەی ڕەقیب" دەستیپێکرد، پاشان خولەکێک بێدەنگی بۆ ڕێزگرتن لە شەهیدانی کورد و کوردستان ڕاگەیەندرا.
دواتر پەیامی یەکیەتیی لاوان بە بۆنەی "شەوی یەلدا"، لەلایەن "سامان سەیدئەحمەدی" ڕاوێژکاری دەستەی بەڕێوبەری یەکیەتیی لاوانەوە خوێندرایەوە.
لە بڕگەی دواییدا، مۆمی ٨٩ ساڵەی لەدایکبوونی دوکتوری زانا، لەلایەن "بێریڤان حەیدەری" و "چالاک ئیسماعیلی"، یادگارەکانی شەهیدان "شەهاب حەیدەری" و "جەماڵ ئیسماعلیلیـ"ـیەوە داگیرسێندرا.
پاشان بەڕێز "میرۆ عەلیار" ئەندامی ناوەندی سیاسی حیزبی دێموکراتی کوردستانی ئێران، چەند وتەیەکی سەبارەت بە کەسایەتی و تایبەتمەندییەکانی "دوکتۆر قاسملوو" پێشکەشکرد.
لە بڕگەیەکی دیکەی ڕێوڕەسمەکەدا " بێریڤان عەزیمی " گۆرانییەکی پێشکەشکرد، دواتر خەڵاتی ڕێزلێنانی یەکیەتیی لاوان لە لایەن بەڕێز " عومەر فەخرەدینفەڕ" سکرتێری گشتی یەکیەتیی لاوانەوە بەسەر بەشێک لەو کەسانەدا دابەشکرا کە لە بوارە جیاوازەکانی ئەمنییەت،ڕێکخستن،هونەرییەوە یارمەتیدەری یەکیەتیی لاوان بوون.
دواتر چەند تابلۆیەکی ڕەنگین لە هەڵپەڕکێی کوردی لەلایەن گروپی هەڵپەڕکێی "لاوانی خۆرهەڵات" پێشکەش بە ئامادەبووان کرا و پاشان پەخشانێک لەلایەن " شەماڵ تەرغیبی" بەبۆنەی "شەوی یەلدا"وە خوێندرایەوە دواتر گۆرانییەک لەلایەن "مێهران قۆیتاسی" پێشکەشکرا.     
لەبڕگەیەکی دیکەدا لەوحی ڕێزلێنانی یەکیەتیی لاوان بەسەر بەشێک لەو کەسانەدا دابەشکرا کە لە بوارەکانی هاتووچۆ، ڕاگەیاندن و کاری دیزاین یارمەتیدەری یەکیەتیی لاوان بوون کە لەوحەکان لەلایەن بەڕێز "واحید ئەحمەدی" جێگری سکرتێری یەکیەتیی لاوانەوە دابەشکرا.
پاشان "یەسنا عەسکەری" گۆرانییەکی پێشکەشکرد و ڕێوڕەسمەکە کۆتایی پێهات.