چالاکی کوردستان

57284425 2436377393040716 7343360865942372352 n

لاوان میدیا: کۆمیتەی یەکیەتیی لاوان و ڕێکخستنی حیزب لە شاری سلێمانی، سێمینارێکیان سەبارەت بە دۆخی ئێستای ئێران و ڕۆژهەڵاتی کوردستان و ئەرکی لاوان و ڕێکخستنەکانی حیزب لە قۆناغی ئێستای خەباتدا، بەڕێوە برد.

 

ئەم سێمینارە کە ڕۆژی هەینی، ٦ی بانەمەڕ بەڕێوەچوو، بە ڕاگرتنی خولەکێک بێدەنگی بۆ گیانی پاکی شەهیدان دەستی پێ کرد

 

پاشان "دارا ناتق"، بەرپرسی ڕێکخستنی ئاشکرای حیزب لە هەرێمی کوردستان، باسێکی پێشکەش کرد، ناوبراو وێڕای ئاماژە بە سیاسەتەکانی ئامریکا دژی ڕێژیمی ئێران کە هەنگاو بە هەنگاو کردەیی دەکرێن باسی لەوە کرد، کە ئاڵقەی گەمارۆکانی ئابووری لەسەر ڕێژیمی ئێران ڕۆژ بە ڕۆژ تەنگتر دەبنەوە و هەناردەی نەوتی ئەو وڵاتە گەیشتووتە ئاستی سفر و سپای پاسداران وەک هێزی فەرمی ئەو وڵاتە بە تێرۆریست دەناسرێت.

 

ناتق هەروەها وتیشی: ئێران لە بەردەم ئاڵوگۆڕێکی گرینگ و مێژووییدایە. ئەستەمە ڕێژیم بتوانێت لە ژێر باری ئەم هەموو قەیرانە پشتڕاست بکاتەوە و توانای ‌چارەسەریی كێشەکانی نەماوە و سەرەتای ڕووخانی نیزام دەستی پێ کردووە. پێویستە بە گوڕ و تینتر لە جاران لە گۆڕەپانی خەباتدا تێ بکۆشین و هەوڵ بدەین ببین بە هێزی شوێندانەر.

 

لە بەشێکی دیکەی سمینارەکەدا هاوڕێ "عومەر فەخرەدین فەر" سکرتێری یەکیەتیی لاوان، ئاوڕێکی کورتی لەسەر دۆخی لاوان لە دوو دەیەی ڕابردوو لە ئێران و ڕۆژهەڵاتی نێوەڕاستدا دایەوە و باسی لەوە کرد، کە تێکنۆلۆژی و ئامێرەکانی گواستنەوەی خێرای زانیاری بوونەتە هۆی بەرزبوونەوەی ئاستی زانیاری گشتیی لاوان بۆ ئەوەی ببنە خاوەن باوەڕمەندی کەسیی بەپێی لێکدانەوەکانی بیری ئازادی و دەرەنجامەکەشی بووە هۆی ڕووخانی زۆربەی دیکتاتۆرەکان بەدەستی هێزی بەهێزی لاو.

 

هەروەها سەبارەت بە خەباتی سێنفی _سیاسی لە نێوخۆی ڕۆژهەڵات لە چوارچێوەی خەباتی شار وەکوو ڕەهەندێک لە قۆناغی نوێی خەبات لە ڕۆژهەڵات کرد و وتی: ئەم شێوازە لە خەبات هاوشان لەگەڵ شێوازەکانی دیکەی خەبات پێویست و گرینگە.

 

لە کۆتاییدا، بەشداربووان بۆچوونی خۆیان سەبارەت بە نێوەرۆکی باسەکانی ئەو سێمینارە هینایە بەرباس و لە لایەن هاوڕێیان "دارا ناتق" و "عومەر فەخرەدین فەر"ەوە، وڵامیان درایەوە.

 

58895095 2436377763040679 6485252706876260352 n

photo 2019 04 03 15 25 38

 
لاوان میدیا: شاندێکی یەکیەتیی لاوانی دێموکراتی کوردستانی ئێران لە ڕێوڕەسمی دابەشکردنی کتێبی بەرهەمەکانی فستیڤاڵی پەلکە زێڕینەی شیعر بەشداری کرد
 
ڕۆژی یەک شەممە ڕێکەوتی ۱۱ی خاکەلێوەی ۲۷۱۹ی کوردی بەرامبەر بە ۱۳۹٨ی هەتاوی شاندێکی یەکیەتیی لاوان بەشداریان لە ڕێوڕەسمی کتێبی بەرهەمەکانی ڤیستیڤاڵی پەلکە زێڕینەی شیعردا کرد
 
سەرەتای ڕێوڕەسمەکە بە ڕاگرتنی چەند ساتێک بێدەنگی بۆ گیانی پاکی شەهیدان دەستی پێکرد، پاشان لە بڕگەیەکی دیکەی ڕێوڕەسمەکە هەر یەکە لە شاعیرانی سەرکەوتوو "هەڵمەت عوسمان" و "ڕەشید دەلاک" شیعرەکانی خۆیان بۆ ئامادەبووان خوێندەوە، لەدواتردا "هاوژین سڵێوە" سەرۆکی بەشی کوردی زانکۆی کۆیە، کورتە باسێکی لەسەر چۆنیەتی بەڕێوەچوونی ڤیستیڤاڵ و هەروەها کتێبەکە پێشکەش کرد.
 
ئەم ڤیستیڤاڵە لە ڕۆژی ۷ی خاکەلێوەی دەستی بەکارەکانی خۆی کردووە.
 
لەکۆتایی ڕێوڕەسمەکە دا کتێبەکە بەسەر بەشداربوواندا دابەشکرا.

 

 

photo 2019 04 01 17 30 17

 

 
 
 
لاوان میدیا : یەکیەتیی لاوان لە دیبەیتێک کە لەژێر ناوی "ڕۆڵی قازی لە بزووتنەوەی کورد دا" بوو بەشداری کرد
 
ڕۆژی شەممە ڕێکەوتی ڕۆژی ۱۰ی خاکەلێوەی ۲۷۱٨ی کوردی بەرامبەر بە ۱۳۹٨ی هەتاوی و ساڵیادی شەهید کردنی پێشەوا قازی محەممەد و هاوڕێیانی، هەروەها ڕۆژی شەهیدانی کوردستان، دیبەیتێک لە شاری کۆیە بەم بۆنەوە بەڕێوە چوو.
لەم دیبەیتەدا ژمارەیەکی بەرچاو لە ئەندامانی حیزبی دێموکرات و کەسایەتی سیاسی و دیاری شاری کۆیە و ئەندامان و لایەنگرانی ڕێکخراوەکانی ژنان و خوێندکاران و لاوان بەشداریان کردبوو
لەسەرەتای دیبەیتەکەدا بە ساتێک بێدەنگی بۆ گیانی پاکی شەیدانی کورد و کوردستان دەستی پێکرد
پاشان هاوڕێ "فواد خاکیبێگی" ئەندامی دەستەی کارگێڕی حیزبی دێموکراتی کوردستانی ئێران بە نوێنەرایەتی حیزبی دێموکرات باسێکی لەسەر ڕۆڵی پێشەوا قازی محەممەد لە کاریگەری لەسەر هەستی نەتەوەیی و لە نێو نەتەوەی کورد دا پێشکەش کرد
هەروەها باسی لەوەش کرد کە قازی محەممەد و کۆماری کوردستان چەندین دەسکەوتی گرینگیان هەبووە لە بوارە جیاجیاکاندا لەوانە : بەفەرمی کردنی زمانی کوردی، ئاڵای کوردستان، سروودی نەتەوایەتی ئەی ڕەقیب و پێکهێنانی هێزێکی نیشتمانی... هتد، ئەم دەستکەوتانە چۆن کاریگەریان هەبووە لەڕەخساندنی یەکگرتووی لەنیوان تاکەکانی نەتەوەی کورد دا بەدرێژای مێژوو
لەکۆتایی دیبەیتەکەدا پرسیار و سەرنج و تێبینیەکانی هاوڕێیانی بەشدار لە دیبەیتەکە وەڵام درانەوە و دیبەیتەکە کۆتایی پێهات.
 
 
بۆ بینینی بابەتی زیاتر سەردانی ئەم لینکە بکەن
 
 
 

photo 2019 04 03 15 15 09

 

لاوان میدیا: بەشی پەروەردەی یەکیەتیی لاوان، دەورەیەکی پەروەردەی بۆ ئەندامانی یەکیەتی لاوان بەڕێوە برد

 

بەشی پەروەردەی یەکیەتیی لاوان بە ئەرکی سەرشانی خۆی زانی کە دەورەیەکی سیاسی و پەروەردەی بۆ ئەندامانی یەکیەتیی لاوان بەڕێوە ببات، تیایدا لاوان ئاشنابکەن بە بوارەکانی سیاسەت و سیاسەتی مۆدێڕن.

 

ئەم دەورە پەروەردەیە چەندین بواری لەخۆ دەگرت لەوانە : "کۆمەڵناسی سیاسی مامۆستای بابەت عیرفان ڕەهنەموون"، "مێژووی سیاسی مامۆستای بابەت بێهزاد خۆشحاڵی"، " فەلسەفەی سیاسی مامۆستای بابەت شوعەیب دانش پەژوە"، " میدیا و سیاسەت مامۆستای بابەت ئاگری ئیسمایل نژاد"، " ئەدەبیات و فەلسەفە مامۆستای بابەت شەهلا دەباغی"، لەم خولەدا توانرا ئەندامانی بەشدار لە خولەکە ئاشنا بکەن بە سیاسەت و بوارەکانی سیاسەت، هەروەها زانینی زیاتر لەبارەی سیاسەتی مۆدێڕن.

 

ئەم خولە لەماوەی مانگێک بۆ ئەندامانی یەکیەتیی لاوان لە کۆمیتەی ئازادی بە سەرکەوتووی بەڕێوە چوو.

 

 

photo 2019 03 23 21 26 25

 
لاوان میدیا: یەکیەتیی لاوانی دێموکرات لە کەمپی جێژنیکان سمینارێکی بەبۆنەی سەری ساڵی نوێ لەژێر ناوی "مێژووی نەورۆزی کوردەواری" بەڕێوە برد
 
 
ڕۆژی سێ شەممە ڕێکەوتی ۲٨ی ڕەشەمەی ۲۷۱٨ی کوردی بەرامبەر بە ۱۳۹۷ی هەتاوی، یەکیەتیی لاوانی دێموکراتی کوردستانی ئێران سمینارێکی لە ژێر ناوی "مێژووی نەورۆز کوردەواری" بۆ هاوڕێ "هادی عەزیزی" شارەزای مێژوو و لێکۆڵەری کوردۆلۆژی بەڕێوە برد.
 
سەرەتای سمینارەکە بە سروودی نەتەوەیی ئەی ڕەقیب و ساتێک بێدەنگی بۆ گیانی پاکی سەرجەم شەهیدانی کورد و کوردستان دەستی پێکرد
 
دواتر "هادی عەزیزی" باسەکەی لە ژێر ناونیشانی "مێژووی نەورۆزی کوردەواری" دەستپێکرد
 
لەباسەکەیدا باسی مێژووی نەورۆز و ئەو قۆناغە مێژوویانەی کە نەتەوەی کورد نەورۆزیان یاد کردوەتەوە کرد و ئاماژەی بەوە دا، کە چۆن نەتەوەکانی ڕۆژهەڵاتی ناوەڕاست بەتایبەتی نەتەوەی فارس دەستکاری مێژوویان کردووەو ڕووداوەکانی مێژوویان لە بەرژەوەندی خۆیان گۆڕیوە
 
لە بەشێکی دیکەی قسەکانیدا باسی لەوە کرد کە مێژووی نەتەوەی کورد کۆنترین مێژووە لە جیهاندا کە مێژووەکەی دەگەڕێتەوە بۆ ۱۱ هەزار و ٦۰۰ ساڵ لەمەوبەر.
هادی عەزیزی جەختی لەوە کردەوە، نەورۆز موڵکی زاگرۆسنشینانە و مێژووەکەی دەگەڕێتەوە بۆ سەردەمی میتراییەکان، کە میتراییەکان یەکەم ڕۆژ بەهاریان بەبۆنەی نوێبوونەوەی سروشت جەژن گرتووە.
 
لە کۆتایی سمینارەکەدا هاوڕێیان پرسیار و تێبینیەکانی خۆیان خستە بەرباس و سمینارەکەیان ڕەنگیتر کرد و لەلایەن هاوڕێیانەوە وەڵامدرانەوە
پاشان سمینارەکە بەسەرکەوتی کۆتایی پێهات.
 
 
photo 2019 03 23 21 26 17
 
photo 2019 03 23 21 25 58