چالاکی کوردستان

 IMG 20191010 214600 790

لاوان میدیا : ڕێکەوتی ٢٠١٩/١٠/٩بەشی پەروەردەی یەکیەتیی لاوان لە شاری هەولێر کلاسێکی تەندروستی و فریاکەوتنی خێرای بۆ بەشێک لە  ئەندامانی 33 هەولێر بەڕێوە برد.
 
سەرەتای کلاسەکە بە خولەکێک بێدەنگی بۆ ڕێزگرتن لە گیانی پاکی شەهیدانی کورد و کوردستان دەستی پێکرد.
 
دواتر کلاسەکە لە لایەن سەرپەرەشتی بەشی پەروەردەی لاوان هاورێ شاخەوان حاجی دەستیپێکرد کە تێیدا ئاماژە بە چەندین خالی تەندروستی و شێوازی پێراگەیشتنی خێرا بە نەخۆش تا گەیشتنی تیمی پزشکی باسکرا.
 
 کۆتایی کلاسەکە تایبەت بوو بە وەڵامدانەوەی پرسیاری بەشداربووانی کلاسەکە کە لەلایەن بەڕێوەبەری کلاسەکەوە وەڵامدرانەوە.
 IMG 20190922 124627 288
شاندێکی کومیتەی یەکیەتیی لاوانی دێموکراتی
کوردستانی ئێران لە شاری هەولێر، بەشدارییان  لە کۆنفرانسی "کاریگەریی سوشیال میدیا لە هەرێمی کوردستان" و هەروەها ڕاگەیاندنی "کوردش سۆشیال میدیا" کرد.
 
ڕۆژی چوارشەممە 27ی خەرمانانی 1398ی هەتاوی، بەرامبەر بە 16ی سپتامبر2019ی زاینی. شاندێکی کومیتەی یەکیەتیی لاوانی دێموکراتی کوردستانی ئێران لە شاری هەولێر، بەشدارییان لە  بەڕێوەچوونی کۆنفرانسی "cno" تۆڕی هاوئاهەنگیی ڕێکخراوەکان و "کاریگەریی سوشیال میدیا" لە هەرێمی کوردستان کرد.
 
کۆنفرانسەکە، پێک هاتبوو لە چەند بڕگە و بابەت وەک: "پێشکەش کردنی چەند پارچە ویدیۆیەک  لە سەر بابەتی سۆشیال میدیا ، پێشکەش کردنی شانۆیەک ،بەڕێوەچوونی پانێلێک" .
 
هەروەها لە کۆتایی  کۆنفرانسەکەدا، پڕۆژەی "کووردش سۆشیال میدیا"، لە لایەن "ڕاهێن بالیسانی"، خاوەن بیرۆکەی پڕۆژەکەوە ڕاگەیەندرا.

photo 2019 08 26 12 19 48

 

 
لاوان میدیا: یەکیەتیی لاوانی دێموکراتی کوردستانی ئێران، سێمیناری یەک ساڵەی خۆی بە مەبەستی ئاگاداربوونەوە لە کارو چالاکی ناوەند و کۆمیتەکانی خۆی بەڕێوە برد.
بەشی تەشکیلاتی  یەکیەتیی لاوان، ڕۆژی هەینی، ١ی خەرمانانی ۱۳۹٨ی هـ، سێمیناری یەکساڵەی خۆی بەڕێوە برد. 
سەرەتای سێمینارەکە بە ڕاگرتنی خولەکێک بێدەنگی بۆ گیانی پاکی شەهیدانی کورد و کوردستان دەستی پێکرد.
دواتر "واحید ئەحمەدی"، جێگری سکرتێری یەکیەتیی لاوان و بەرپرسی بەشی تەشکیلات بەرنامەی کاری سێمینارەکەی ڕاگەیاند.
بڕگەی یەکەمی ئەم سێمینارە تەرخان کرابوو بە خوێندنەوەی کارو چالاکی ناوەندەکانی یەکیەتیی لاوان، کە 
"سەلام قادری" ڕاپۆرتی کارو چالاکییەکانی بەشی پێوەندییەکانی یەکیەتیی لاوانی پێشکەش کرد و دواتر"هاوڕێ حەیدەری" ڕاپۆرتی یەک ساڵەی کارو چالاکییەکانی ناوەندی ڕاگەیاندنی پێشکەش کرد.
پاشان "هێمن قادری"، ڕاپۆرتی کارو چالاکی ناوەندی پەروەردەی یەکیەتی لاوانی لە ماوەی یەک ساڵی  
ڕابردوودا خوێندەوە. 
لە کۆتایی ئەو بەڕگەیەشدا، "واحید ئەحمەدی"، ڕاپۆرتی کاروچالاکی ناوەندەکانی "ماڵی، ئەمنییەت و  
تەشکیلاتی ئاشکرا"ی پێشکەش کرد.
لە بڕگەی دووهەمدا، هەر کام لە کۆمیتەکانی سەر بە یەکیەتیی لاوان ڕاپۆرتی کاروچالاکییەکانی خۆیان لە  
ماوەی یەکساڵی ڕابردوودا خوێندەوە و پێشکەش کرد.
لە کۆتاییشدا، "عومەر فەخرەدین فەر" سکرتێری یەکیەتیی لاوان، ڕاپۆرتی کار و چالاکییەکانی خۆی پێشکەش بە ئامادە بووان کرد و سێمینارەکە بە ڕەخنە و پێشنیاری بەشداربووان کۆتایی پێ هات.
photo 2019 08 26 12 20 06
 
 IMG 20190820 221721 256
 
 
لاوان میدیا: یەکیەتیی لاوانی دێموکراتی کوردستانی ئێران دەورەیەکی سیاسیی و پەروەردەی بۆ ئەندامانی ئەو ڕێکخراوە لە ئاستێکی بەرزدا بەڕێوە برد.
 
ڕێکەوتی ۲۹ی پووشپەڕی ۱۳۹٨ی هەتاوی، ناوەندی پەروەردەی یەکیەتیی لاوان دەورەیەکی پەروەردەی بۆ ئەندامانی ئەو ڕێکخراوە بەڕێوە برد کە ئامانج تێیدا بردنە سەری ئاستی زانیاری و پەروەردەی ئەندامانی یەکیەتیی لاوان و هەروەها زیاتر شارەزابوون لە بوارە گرنگەکانی بەڕێوە بردنی ڕێکخراو بوو.
 
لە ماوەی بەڕێوە چوونی ئەم دەورە پەروەردەییەدا، جەخت لە ئاست و تواناکانی ئەندامانی بەشدار لەو دەورەیە کرایەوە و هەروەها توانرا زیاتر سیاسەتەکانی ڕێکخراو بەگشتی و بەتایبەتی بەرامبەر بارودۆخی ئێستای لاوان لە ڕۆژهەڵاتی کوردستان و کارە قێزەونەکانی ڕێژیمی کۆماری ئیسلامی ئێران بەرامبەر ئەو توێژە ئاشنا بکەن، هەروەها خوێندنەوی زیاتری سیاسەت و کردەوە دژبەرەکانی ڕێژیمی ئێران بەرامبەر بە کورد و، ئەو گەمارۆیە توندەی کە خستوویەتیە سەر ڕۆژهەڵاتی کوردستان.
 
ئەم دەورە سیاسی پەروەردەییە لە ڕێکەوتی ۱۰ی گەلاوێژ بە سەرکەوتووانە کۆتایی پێهات.
 
 PicsArt 08 04 02.32.01
 
لاوان میدیا: کۆمیتەی هەرمانی یەکیەتیی لاوانی دێموکراتی کوردستانی ئێران، پێشانگایەکی وێنەکێشانی بۆ مناڵانی نێو ڕیزەکانی خەبات لە ژێر ناوی "شکۆفابوونی تواناکان" کردەوە
 
 
ڕۆژی هەینی ڕێکەوتی ۱۲ی گەلاوێژی ۱۳۹٨ی هەتاوی، کۆمیتەی هەرمانی یەکیەتیی لاوانی دێموکراتی کوردستانی ئێران، پێشانگایەکی هونەری وێنەکێشانی بۆ منداڵانی کەمپی دێگەڵە، لەژێر ناوی "شکۆفابوونی تواناکان کردەوە.
 
 
ئەم پیشانگایە بە ئامانجی دەرخستنی تواناکانی منداڵان و ئەو هونەر و توانایانەی منداڵان لەو قۆناغە تەمەنییە هەیانە بە کێشانی وێنە و وتنی چەندین هۆنراوە و گۆرانی توانیان پیشانی بدەن، لە ڕێگای وێنەکانیانەوە پەیام و ویستکەکانی خۆیان باس بکەن.