IMG 20190707 221529 239
 
لاوان میدیا: بەشی پەروەردەی یەکیەتیی لاوانی دێموکراتی کوردستانی ئێران، بەبۆنە سیهەمین ساڵوەگەڕی شەهیدکرانی دوکتور قاسملوو و هاوڕێیان، سیمینارێکی بەڕێوە برد.
 
ڕۆژی شەممە ڕێکەوتی ۱٦ی پووشپەڕی ۱۳۹٨ی هەتاوی بەرامبەر بە ۷ی ژوئنی ۲۰۱۹ی زایینی، بەشی پەروەردی یەکیەتیی لاوانی دێموکراتی کوردستانی ئێران سمینارێکی بەبۆنەی سیهەمین ساڵوەگەڕی شەهیدکرانی دوکتور قاسملوو هاوڕێیانی لە بنکەی سەرەکی ئەو ڕێکخراوە لە ژێر ناوی "زیندویەتی لە پەیامدا نەک جەستە" بۆ هاوڕێ "زانیار بەهاری" بەڕێوە برد.
 
لەسەرەتای سمینارەکە بۆ ڕێزگرتن لە گیانی پاکی سەرجەم شەهیدانی کورد وکوردستان چەند ساتێک بە بێدەنگی ڕاوەستان
 
لە دواتردا هاوڕێ "زانیار بەهاری" ئەندامی یەکیەتیی لاوان، باسەکەی خۆی لەسەر ڕەهەندە فکریەکان و هزری دوکتور قاسملوو پێشکەشکرد و، لە قسەکانیدا لە سمینارەکە باسی لەوە کرد کە زیندوویەتی لە پەیمامدا نەک جەستە بەواتای تیشک خستنە سەر تایبەتمەندیی زیندوویەتی و هەرمانی هزری دوکتور قاسملووە و تا ئەمڕۆش لە نێو نەسڵی نوێ و هەروەها چین توێژە جیاوازەکانی کۆمەڵگە زیندووە.
 
هەروەها لە درێژەی باسەکەیدا وتی : پێداگری بەردەوامی دوکتور قاسملوو لەسەر دێموکراسی و دابین کردنی دادپەروەری کۆمەڵایەتی لە کۆمەڵگەدا، بۆ باوەڕی دوکتور قاسملوو بە یەکسانی کەرامەتی ئینسان و مرۆڤتەوەر بوونی هزرەکەی دەگەڕێتەوە هزرێک کە جیاوازی و تایبەتمەندییەکانی تاکەکان بەکەم ناگرێت و بەهێزی کۆمەڵگە لە کۆبوونەوەی بیرڕاو و بۆچوونە جیاوازەکاندا دەبینێتەوە.
 
لەکۆتایی باسەکەیدا ئاماژەی بەوەدا کە دوکتور قاسملوو شوناسێکی نوێی بە حیزبی دێموکرات و خەباتی میللی-دێموکراتیکی کورد بەخشی کە لە ڕاستای بە نێونەتەوەیی کردنی دۆزی کورد و پاراستنی پیرۆزی و هەقانیەتی ئەم دۆزە ڕەوایەیە.
 
لەکۆتایی سمینارەکەدا بەشداربووان ڕاوبۆچوونەکانی خۆیان خستە بەر باس و سمینارەکەیان دەوڵەمەنتر کرد و، سیمینارەکە کۆتایی پێهات.