IMG 20190701 142045 728
 
لاوان میدیا: شاندێکی یەکیەتیی لاوانی دێموکراتی کوردستانی ئێران سەردانی سەنتەری گەشەپێدانی چالاکیی لاوانی کوردستانی لەشاری سلێمانی کرد
 
ڕۆژی یەک شەمە ۹ی جۆزەردانی ۱۳۹٨ی هەتاوی بەرامبەر بە۳۰ی ژوئن ی۲۰۱۹ زایینی، شاندێکی یەکیەتیی لاوانی دێموکراتی کوردستانی ئێران، بەسەرپەرستی هاوڕێ "سەلام قادری" سەردانی ئۆفیسی ئەوە ڕێکخراوە لەو شارە کرد و لە لایەن شاندێکی گەشەپێدانی چالاکیی لاوانی کوردستان بە سەرپەرشتی بەڕێز ماموستا " گۆران عەباس" بەرپرسی ئەو ڕێکخراوە لە شاری سلێمانی پێشوازییان لی کرا.
 
لە سەرەتای سەردانەکەدا وێڕای بەخێرهاتن لە لایەن بەڕێز مامۆستا "گۆران عەباس" بەرپرسی شاندی گەشەپیدانی لاوان، خۆشحاڵی خۆیان لەو دیدارە دەربڕی و ئامادەیی خۆیان بۆ کاری هاوبەشی دوو لایەن ڕاگەیاند.
 
پاشان هاوڕێ "سەلام قادری" باسێکی لە سەر چالاکییەکانی یەکیەتیی لاوان لە ناوخۆی ڕۆژهەڵات و ڕۆڵی لاوان لە بەرەوپێش بردنی ڕاسانی خۆرهەڵات و، لاوان ڕۆڵێکی بەرچاویان لە بەرەو پێش بردنی ئەو خەباتەدا هەیە.
 
لە کۆتایی سەردانەکەدا هەردوو لایەن جەختیان لە دیدار و چالاکی هاوبەشی هەردوو ڕێکخراو کردەوە.