photo 2019 02 11 19 21 22

 
لاوان میدیا: شاندێکی ڕێکخراوی لاوانی پێشڕەوکۆمەڵەی زەحمتکیشانی کوردستان، سەردانی نووسینگەی نوێنەرایەتی لاوانی دێموکراتی کوردستانی ئێرانیان لە شاری سلێمانی کرد
 
رۆژی یەک شەممە رێکەوتی ۲۱ی ڕێبەندانی ۱۳۹۷ی هەتاوی بەرانبەر ۱۰ی فێوریەی ۲۰۱۹ی زایینی، شاندێکی رێکخراوی لاوانی پێشرەو بە سەرپەرستی بەڕێز "فوئاد شێربیگی" بەرپرسی لاوانی پێشڕەو ، سەردانی نووسینگەی نوێنەرایەتی یەکیەتیی لاوانی دێموکراتی کوردستانی ئێرانیان لە شاری سلێمانی کرد و لەگەڵ یەکیەتیی لاوان کۆبوونەوە.
 
لەو دیدارە دا لەلایەن هەیئەتی یەکیەتیی لاوانەوە بە سەرپەرستی هاوڕێ "عومەرفەخردین فەر"سکرتیری یەکیەتیی لاوانی دێموکراتی کوردستانی ئێران لە سلێمانی پێشوازیان لێکرا.
 
لەم دانیشتنە دۆستانەیە دا ڕەوەشی لاوانی ڕۆژهەڵاتی کوردستان و پرسی کورد لە ئەم بەشی کوردستان و سەبارەت بە کۆمەڵێک کاری هاوبەش ئاڵوگۆڕی بیروڕا کرا.
 
شاندی میوان بەگرینگی و بایەخەوە ڕوانییانە خەباتی حیزبی دێموکرات و چالاکییەکانی یەکیەتیی لاوانی دێموکراتی کوردستانی ئێران لە خەباتی نوێی ڕۆژهەڵاتی کوردستان لە ژێر ناوی "ڕاسانی خۆرهەڵات" و ئەو خەباتە نوێیەی خۆرهەڵاتیان بەرز نرخاند، هەروەها هاودەنگی هەموو لایەکیان لەسەر پرسە نیشتمانیەکان بە پێویستییەکی هەنووکەیی زانی.
 
 photo 2019 02 11 19 21 15