١٢٣٤٥٦

 
 
 
لاوان میدیا: شاندێکی یەکیەتیی لاوانی دێموکراتی کوردستانی ئێران سەردانی لاوانی دێموکراتی کوردستان ناوەندی باڵای سۆران هەر لەو شارە دا کرد.
 
سەر لە بەیانی ڕۆژی یەکشەممە ۱۱ی سەرماوەزی ۱۳۹۷ی هەتاوی بەرانبەر بە ۲ی دێسامبری ۲۰۱۸ی زایینی، شاندێکی یەکیەتیی لاوانی دێموکراتی کوردستانی ئێران، بە بەشداری لێژنەیەکی کۆمیتەی "ڕاسان" ی شاری سۆران، سەردانی یەکیەتیی لاوانی دێموکراتی کوردستان ناوەندی باڵای سۆران لەو شارە کرد، لەلایەن شاندێکی یەکیەتیی لاوانی دێموکراتی کوردستان ناوەندی باڵای سۆران بە سەرپەرەشتی بەرێز
"زارا چەتۆ" بەرپرسی ئەو ناوەندە، پێشوازییان لێکرا.
 
لە سەرەتای سەردانەکەدا وێڕای بەخێرهاتن لە لایەن بەرێز "زارا چەتۆ" بەرپرسی یەکیەتیی لاوانی دێموکراتی کوردستان ناوەندی باڵای سۆران کرا و خۆشحالی خۆیان لەو دیدارە دەربری.
 
پاشان هاوڕێ "دڵنیا لوتفی" ئەندامی دەستەی بەڕێوەبەری یەکیەتی لاوانی دێموکراتی کوردستانی ئێران چەند وتەیێکی پێشکەش کرد و شیکاری لە سەر مێژووی ڕێکخراو کرد و هەر وا باس لە توانای لاوان بۆ وەگەڕ خستنی زیاتری شۆڕش و بەشداری چالاکانە لە بوارە سیاسییەکاندا کرد و تەرکیزی لە سەر هاوکاری زیاتر و قووڵتر کردەوە بۆ چالاکی بەربڵاو تر
 
دواتر هاوڕێ "عەبدولرەحمان یووسفی" بەرپرسی کۆمیتەی "ڕاسان" ی شاری سۆران، هاوکاری و پشتگیری خۆی دەربری و هەروەها جەختی لە سەر هاوکاری زیاتر لە مەراسم و کۆڕ و کۆبوونەوەکان لە داهاتوو کرد.
 
لە کۆتایی سەردانەکەدا هەر دوو لایەن ئامادەی خۆیان بۆ هاوکاری دەربڕی.