seferi shakh 97 1

 

 

بەمەبەستی بەسەر کردنەوە و دیدار لەگەڵ کومیتەی کێلەشینی یەکیەتیی لاوان، هەیئەتێکی یەکیەتیی لاوان بە سەرپەرەستی "جەلال رەوانگەرد ، بەرپرسی هەیئەتی ئامادەکاری کۆنگرە" لە بانەمەڕی ٢٧١٨ی کوردی ، سەردانی کومیتەی کێلەشینی یەکیەتیی لاوان‌یان کرد و لەگەڵ نوێنەرانی هەڵبژێردراو بۆ کۆنگرەی ٩ی رێکخراو و بەشێک لە پۆلەکانی یەکیەتیی لاوان، کۆبوونەوە .

 

لەو سەردانە چەند رۆژی‌یەدا ،  رۆژی یەکەم  هەیئەتیی یەکیەتیی لاوان بە مەبەستی ئامادەکاری و  رێکخستنی بەرنامەکارییەکانی ئەو سەردانە لەگەڵ دەستەی سەرپەرەشتیاری کومیتەی کێلەشین کۆبوونەوە و ئامادەکارییان بۆ دووهەم سمیناری تایبەت بە نوێنەرانی کۆنگرە و  کۆبوونەوە لەگەڵ  پۆلەکانی یەکیەتیی لاوان ،  دوو لایەنە تاوتوێ کرد و بەرنامەی ئەو سەردانەیان رێکخست.

 

رۆژی دواتر ، دووهەم سمیناری تایبەت بە نوێنەرانی کۆنگرەی ٩ی یەکیەتیی لاوان لە کومیتەی کێلەشین ،  لە چەند بڕگەی جیاواز و باس کردن لەسەر ئامادەکارییەکانی کۆنگرە  و وەرگرتنی سەرنج و بیروڕای نوێنەرانی کۆنگرە، بەڕێوەچوو.

seferi shakh 97 2

لەو سمینارەدا  لە جەلەسەی یەکەم ، بڕیار و راسپاردەکانی کومیتەی بەڕێوەبەری گشتی لاوان و سەرنج و رای ئامادەبوانی سمیناری یەکەمی نوێنەرانی کۆنگرە لە کوردستان و بەرنامەی کاری هەیئەتی ئامادەکاری کۆنگرە خرانە روو ،  جەلەسەی دواتر تەرخان کرا بۆ سەرجەم نوێنەران کە راوبۆچوون و خوێندنەوەکانی خۆیان لەسەر پرسەکانی رێکخراو و ئامادەکارییەکانی کۆنگرە بخەنە روو .  

 

پاشان لە لایەن نوێنەری کومیتەی بەڕێوەبەری گشتی یەکیەتیی لاوان ، وێڕای وڵامدانەوەی سەرنجی ئامادەبووان، رای‌گەیاند کە لە وەرزی هاوینی ئەمساڵ بە بەشداری سەرجەم نوێنەرانی رێکخراو لە کوردستان و دەرەوەی وڵات ،  کۆنگرەی ٩ی یەکیەتیی لاوان کە بە کۆنگرەی  "راسانی لاوان"  بە دروشمی  " یەکخستنەوەی هێز، لە پێناو بەهێزترکردنی راسان‌دا "  ناودێر کراوە ،     بەڕێوە   دەچێت .    

 

پاشان لە رۆژانی دواتری سەردانی هەیئەتی یەکیەتیی لاوان بۆ کومیتەی کێلەشین لە سەر سنورەکانی کوردستانی رۆژهەڵات ، seferi shakh 97 3 "جەلال رەوانگەرد" ئەندامی لیژنەی سەرپەرەشتیاری ئورگانی یەکیەتیی لاوان  ، چەند کۆبوونەوەیەکی  "سیاسی - تەشکیلاتی" لە پێوەندی  بە :  - ئامادەکارییەکانی کۆنگرەی ٩ی لاوانی دێموکرات ، -  پرسی راسانی رۆژهەڵات و ئەرکی لاوان ، - هەلومەرجی ئێستای خەبات و رۆڵ و کاریگەری بەشداری توێژی لاو لە گرێدانی خەباتی شاخ و شار ، - بەشداری توێژی لاوان لە بەرخۆدانی وەرزی رابردوو لە ئێران و کاریگەرییەکانی ، - پرسی زەوی هەژێنی کرماشان و یەکگرتووی خەڵکی رۆژهەڵات ، و چەند پرسێکی تەشکیلاتی ، بۆ ئەندامانی کومیتەی کێلەشینی یەکیەتیی لاوان ، بەڕێوەبرد .