duhem kobunewey lijney rojhelat bo konfransi duhem 1

ڕۆژی دووشەممە ٩ی گەلاوێژ، لێژنەی هاوئاهەنگیی ڕێکخراوەکانی لاوانی کوردستانی ڕۆژهەڵات لە بنکەی ڕێکخراوی کۆمەڵەی لاوانی ڕۆژهەڵات کۆبوونەوەیەکیان بەڕێوە برد.

 

ناوەڕۆکی کۆبوونەوەکە بریتی بوو لە ئامادەکاری بۆ بەڕێوەبردنی دووهەمین کۆنفرانسی لاوانی ڕۆژهەڵات کە بڕیارە ڕۆژی شەممە ٢١ی گەلاوێژ بەرانبەر لەگەڵ ١٢ی ئاگۆست، لە شاری هەولێر بەڕێوە بچێت.

 

لێژنەی هاوئاهەنگیی ڕێکخراوەکانی کوردستانی ڕۆژهەڵات، وێڕای دوایین ئامادەکارییەکان بۆ کۆنفرانسی لاوانی ڕۆژهەڵات، پاش کۆبوونەوەکەی خۆیان بە بەشداریی میدیاکان پرێس کۆنفرانسێکیان بەڕێوە برد و بە فەرمی ناوەڕۆک و بابەتەکانی کۆنفرانسیان تێیدا ڕاگەیاند

duhem kobunewey lijney rojhelat bo konfransi duhem 3

شایەنی باسە، ڕوو بە سەرجەم ڕێکخراوەکانی لاوان و ئەو کەسانەی وا بەپێی ڕێسا دیاریکراوەکان دەتوانن لە کۆنفرانسدا بەشداری بکەن ڕایانگەیاند: بۆ بەشداری دەتوانن خۆیان  بە لێژنەی ئامادەکاری کۆنفرانسەکە بناسێنن.

 

لە کۆتاییدا کۆبوونەوەکە بە شێوەیەکی سەرکەوتووانە و لە کەشێکی دۆستانەدا کۆتایی بە کارەکانی خۆی هێنا.

 

 

duhem kobunewey lijney rojhelat bo konfransi duhem 2