چالاکی ده‌ره‌وه‌

IMG 20191120 094055 159

IMG 20191120 094109 321

کۆمیتەی ئاڵمانی یەکیەتیی لاوان سێمینارێکی بەڕێوەبرد.

کۆمیتەی یەکیەتیی لاوانی دێموکراتی کوردستانی ئێران لە وڵاتی ئاڵمان، سێمینارێکی سیاسی پێکهێنا.
لاوان میدیا: ڕێکەوتی ۱٦ نۆڤامبری ۲٠۱۹ ی زایینی، کۆمیتەی ئاڵمانی یەکیەتیی لاوان سێمینارێکی بۆ بەڕێزان "حیسام ئەحمەدی" و "ساسان قەسیمی" بەڕێوەبرد.
سەرەتای سێمینارێکە بە سروودی نەتەوەی "ئەی ڕەقیب" دەستیپێکرد پاشان خاتوو "لەیلا شەمس نژاد" بەرپرسی بەشی پەروەردەی کۆمیتەی ئاڵمان بەخێرهاتنی ئامادەبووانی کرد وسێمینارەکە لە دوو پانێلدا دەستی پێکرد.
لە پانێلی یەکەمدا بەڕێز "حیسام ئەحمەدی" باسێکی لەسەر " تۆڕە کۆمەڵایەتییەکان، ئامرازێک بۆ شەڕی نەرم " پێشکەشکرد.
ناوبراو لە باسەکەیدا بەڕوونی تیشکی خستەسەر شێوەکانی شەڕ پێش جەنگە جیهانییەکان و دواتر باسی لە ئاکامەکانی جەنگی نەرم لەسەر جیهانی ئەمڕۆ کرد.
پانێلی دووەمی سێمینارەکە کە تایبەت بوو بە بەڕێز "ساسان قەسیمی"، تەرخانکرابوو بۆ باسێکی ئاکادێمییانە لەسەر هەردوو چەمکی "فیدڕالیزم" و "سۆسیالیزم" کە تێیدا چۆنیەتی هاتنەکایەی ئەم دووچەمکە و شێوازەکانی دەسەڵاتداری لە سیستمی فێدڕاڵیدا بە وردی باسکرا.
بەشی کۆتایی سێمینارەکە تەرخانکرابوو بۆ پرسیار و تێبینی بەشدارانی سێمینارەکە.

 

 

IMG 20191103 122816 900

IMG 20191103 122824 012

 کۆمیتەی دانمارکی یەکیەتیی لاوانی دێموکراتی کوردستانی ئێران، کۆبوونەوەیەکی بۆ ئەندامانی خۆی لە شاری ئاڵبۆڕگ پێکهێنا.
 لاوان میدیا: ڕۆژی یەکشەممە ۲۷ ئۆکتۆبری ۲٠۱۹ ی زایینی، کۆمیتەی یەکیەتیی لاوانی دێموکراتی کوردستانی ئێران لە وڵاتی دانمارک، کۆبوونەوەیەکی بەرینی بۆ ئەندامانی خۆی لە شاری ئاڵبۆڕگی ئەو وڵاتە پێکهێنا.
 ئەم کۆبوونەوەیە لە چەندین بەش و بڕگەی جیاواز و هەمەڕەنگ پێکهاتبوو کە بریتیبوون لە: ـ گفتوگۆ و باسکردن لەسەر کۆمەڵێک بابەت لەمەڕ چۆنیەتی پەرەپێدان بە کار و تێکۆشانی لاوان و بەرفراوانترکردنی چالاکی لاوان بە تایبەتی لە وڵاتی دانمارک.
 ـ پڕکردنەوەی فۆڕمی ئەندامیەتی یەکیەتیی لاوان بۆ ئەو لاوانەی کە خوازیاری ئەندامیەتی بوون لە یەکیەتیی لاواندا.
 ـ شیکردنەوەی ئامانج و بەرنامەی یەکیەتیی لاوان بۆ بەشدارانی کۆبوونەوەکە بە مەبەستی ڕاکێشانی زیاتری سەرنجی لاوانی کورد بۆ ڕێکخراوەکە.  
لە بەشێکی دیکەی کۆبوونەوەکەدا بەمەبەستی نیشاندانی ڕێز و ئەمەکداری لە بەرامبەر هەوڵ و ماندووبوونەکانیدا خەڵاتی ڕێزلێنان بەخشرایە هاوڕێ " هەژار دەشتی " بەرپرسی پێشووی کۆمیتەی لاوان لە وڵاتی دانمارک و بەمشێوەیە کۆبوونەوەکە کۆتایی بە کارەکانی خۆی هێنا.

IMG 20191019 193832 366IMG 20191019 193838 180

کۆمیتەکانی دەرەوەی وڵاتی یەکیەتیی لاوانی دێموکراتی کوردستانی ئێران، بەشدارییەکی بەرین و بەرچاویان لەو ڕێپێوان و خۆپیشاندانانەدا کرد کە بەمەبەستی پشتیوانی لە ڕۆژئاوا لە وڵاتانی جۆراوجۆری ئەورووپایدا ڕێکخرابوون.

 
 لاوان میدیا: دوابەدوای دەستپێکردنی هێرشی دەوڵەتی داگیرکاری تورکیە و میلیشیا ئیسلامییە گرێدراوەکانی بۆ سەر ڕۆژئاوای کوردستان لە ڕێکەوتی ٩ ئۆکتۆبری ٢٠١٩، ناڕەزاییەتیەکی بەرینی ناوچەیی و جیهانی لەهەمبەر ئەو داگیرکارییە و بەمەبەستی پشتیوانی لە خەڵکی سڤیل و بێ تاوانی کورد و هاوکات لەقاودانی پشتکردنی زلهێزەکان لە جەنگاوەرانی کورد کە بەهێزترین هێزبوون لەکۆتایهێنان بە تیرۆریزمی نێونەتەوەیی داعش پێکهات. 
 
 بۆ ئەم مەبەستەش ڕەوەندی کوردی لە تاراوگە و بە تایبەتی لە وڵاتانی ئورووپایدا ڕێپێوان و خۆپیشاندانی بەرینی بۆ گەیاندنی دەنگی نەتەوە بندەستەکەمان بە گوێی ڕای گشتی جیهانی ڕێکخست کە کۆمیتەکانی یەکیەتیی لاوانی دێموکراتی کوردستانی ئێران لە وڵاتەکانی ئاڵمان،بێلژیک و دانیمارک، وەکو هەمیشە بە هەستکردن بە ئەرکی نەتەوەیی و ئەخلاقی و ئینسانی خۆیان بەشدارییەکی فراوانیان لەم گردبوونەوانەدا کرد.  
 
 photo 2019 08 27 12 37 22
 
لاوان میدیا:کۆنفرانسی لاوان بە مەبەستی ڕاگەیاندنی کومیتەی نوێی ڕێکخراوی یەکیەتیی لاوانی دێموکراتی کوردستانی ئێران لە وڵاتی بلژیک بەڕێوە چوو.
ڕۆژی شەمە ڕێکەوتی 2ی خەرمانانی 1397، کۆنفرانسی لاوان لە شاری برووکسێل، بە مەبەستی ڕاگەیاندنی کۆمیتەی نوێی ئەو ڕێکخراوە لە وڵاتی بلژیک ،بە بەشداریی ئەندامان و لایەنگرانی یەکیەتیی لاوانی دێموکراتی کوردستانی ئیران، بەڕێوو چوو.
سەرەتا کۆنفرانسەکە بە سروودی نەتەوەیی  ئەی ڕەقیب و پاشان ڕاگرتنی خولەکێک بێدەنگی بۆ ڕێزگرتن لە ڕۆحی پاکی شەھیدان، دەستی پێکرد.
پەیامی ڕێکخراو، لە لایەن "دڵنیا پیری"، ئەندامی دەستەی بەڕێوەبەریی یەکیەتیی لاوان لە دەرەوەی وڵات، لەڕێگای سکایپەوە پێشکەش کرا.
لە بڕگەیەکی دیکەی ئەم کۆنفرانسەدا،  "بەها ئیبراهیمی"، بەرپرسی کۆمیتەی حیزب لەوڵاتی بلژیک، باسێکی تایبەتی سەبارەت بە لاوان پێشکەش کرد و ڕۆڵی لاوانی لە بزووتنەوەی میللی-دێموکراتیکی گەلەکەمان بەرز نرخاند.
ناوبراو لە درێژەی باسەکەیدا، پەیوەندی نێوان لاوان و حیزبی دێموکراتی کوردستانی، گەڕاندەوە بۆ سەردەمی کۆماری کوردستان، کە لەوێ لاوان، وەکوو جەمسەرێکی شوێندانەر لە دامودەزگا حکومییەکاندا، ڕۆڵی سەرەکییان ھەبووە.
لە درێژەی کۆنفرانسەکەدا،"هەڵۆحەبیبی"، کورتەیەک لە ئەرک وچالاکیی لاوانی خستەبەرباس و پێشکەشی بەشداربووانی کرد.
لەو کۆنفرانسەدا، بە شێوەی ئینتسابی، لە لایان کومیتەی کشتیی یەکیەتیی لاوان لە دەرەوی وڵات و دەستەی بەڕێوەبەری کۆنفراس، 3 کەس وەکوو بەرپرسی کومیتەی لاوان لە وڵاتی بلژیک دیاری کران کە بریتی بوون لە: "هەڵۆ حەبیبی"، "هەژار مەکاری"، "محەممەد ڕەحیم زادە".
 
 received 2133450850288316
 
لاوان میدیا: شاندێکی یەکیەتیی لاوانی دێموکراتی کوردستانی ئێران بەشداریان لە بە خاک سپاردنی پێشمەرگەیەکی دێرینی دانیشتووی وڵاتی ئەڵمان کرد
 

ڕۆژی هەینی ڕێکەوتی ۲۳ی ئاوگۆستی ۲۰۱۹ی زایینی شاندێکی یەکیەتیی لاوان بەسەرپەرشتی هاورێ داوود حەیدەری و هاوڕێ لەگەڵ حیسام ئەحمەدی، لەگەڵ شاندی کۆمیتەی حیزبی دێموکرات لەوڵاتی ئەڵمان بەشداریان لە بەخاک سپاردنی "شاتر محمەد ئەمین ڕۆستەمی" پێشمەرگەی دێرینی حیزبی دیموکرات کرد و دەستە گوڵی ڕێز و وەفایان لەسەر گڵکۆی ئەو پێشمەرگەیە دانا و پەیامی کۆمیتەی حیزبی دێموکراتیان خوێندەوە، پاشان سەرەخۆشی خۆیان ئاراستەی بنەماڵەی بەڕێزیان کرد.