konfransi komiteey almani lawan 4.95لاوان: یەکیەتیی لاوانی دێموکراتی کوردستانی ئێران بە پێی پرنسیپە دێموکراسییەکان ساڵانە کۆنفرانسی نوێکردنەوەی ئەندامانی بەڕیوەبەری کۆمیتەکان بەڕێوەدەبات و لەو پێوەندییەشدا کۆمیتەی یەکیەتیی لاوان لە وڵاتی ئاڵمان کۆنفرانسی ساڵانەی خۆی بەڕێوەبرد.

 له‌ ریکەوتی 16/7/2016 کۆنفرانسی ساڵانەی کۆمیتەی یەکەیەتی لاوان لە وڵاتی ئاڵمان به‌ بەشداری ئەندامانی رێکخراوەکە و هەیئەتێکی بەڕێوەبەری رێکخرا.

کۆنفرانسەکە بە سروودی نەتەوایەتی ئه‌ی ره‌قیب و راگرتنی خوله‌کێک بێده‌نگی بۆ گیانی پاکی شه‌هیدانی کورد و کوردستان دەستی پێکرد، لە کۆنفرانسەکەدا په‌یامی کۆمیته‌ی حیزبی دێموکرات له‌ ئاڵمان له‌ لایان ''کاک شه‌هریار نەقشبەندی'' پێشکه‌ش کرا.

 هەروەها جه‌لال ڕه‌وانگه‌رد سکرتێری گشتی یه‌کیه‌تیی لاوانی دێموکراتی کوردستانی ئێران له‌ ڕێگای سکایپه‌وه‌ به‌شداری کۆنفرانسی کرد و باسێکیان لەسەر رێکخراویی یەکیەتیی لاوان پێشکەش بە ئامادەبووان کرد.

به‌ڕێز رەوانگەرد لە لێدوانی خۆیدا باسی له‌ سه‌ر گرینگی کاری رێکخراوەیی یه‌کیه‌تیی لاوانی دیمۆکراتی کوردستانی ئێران لە دەرەوەی ولات بە تایبەت لە هەمبەر پرسی راسانی رۆژهه‌لات و بەرپرسیارەتی یەکیەتیی لاوان بەرامبەر توێژی لاوی رۆژهەڵاتی کرد.

 پاشان بەرپرسی یه‌کیه‌تی لاوان له‌ ده‌روی وڵات مهرداد خوسروەوی  باسیکی له‌سه‌ر کاری لاوان له‌ ده‌روه‌ی ولات و هه‌روها گه‌ڵاله‌ی کاری ده‌روه‌ی وڵاتی پێشکه‌ش به‌ به‌شداربووان کرد، دواتر  به‌رپرسی یەکیەتیی ژنان لەدەرەوەی وڵات که‌ژال نه‌قشبه‌ندی باسێکی له‌سه‌ر رۆلی ژنان و لاوان له‌ ده‌روه‌ پێشکه‌ش به‌ به‌شداربووان کرد.


راپۆرتی کارو چالاکیەکانی دوو ساڵی کومیتە و راپۆرتی ماڵی دوای هەڵسەنگاندن پەسەندکران.

پاش وەرگرتنی سەرنج و رای ئەندامانی یەکیەتیی لاوان هەڵبژاردن بۆ دەستەی بەڕێوەبەری کۆمیتەکرا و لە هەڵبژردنێکی ئازاد و دێموکراتیکدا کۆمیتەی یەکیەتیی لاوان لە وڵاتی ئاڵمان نوێکرایەوە.