13524135 1124335430960391 410551882 oشەممە ٢٥ی ژووئیەی ٢٠١٦ مەراسیمێکی پرسە بۆ شەش شەهیدی پێشمەرگە کە لە ڕۆژی ١٥ ی ژووئەینی ٢٠١٦ لە شەڕێکی سەخت و نابەرابەر لە نێوان ژمارەیەک پێشمەرگەی حیزبی دێمۆکراتی کوردستانی ئێران و سەدان کەس لە هێزە سەرکوتکەرەکانی کۆماری ئیسلامی لە ئاوایی قەرەسەقلی سەربە شاری شنۆ گیانیان بە گەل و نیشتیمان بەخشیبوو، لە شاری هۆرسێنسی یوولەندی ناوەڕاستی دانمارک بەڕێوەچوو.

لەو مەراسیمە دا وێڕای بەشێک لە بنەماڵەی شەهیدی سەربەرز ، خوێندکار و پێشمەرگەی هونەرمەند شەهید سەڵاح نادری کە یەکێک لە شەهیدانی داستانی حەماسەی قەرەسەقەڵ ، ژمارەیەکی زۆر لە کوردانی دانیشتووی وڵاتی دانمارک و نوێنەری حیزب و لایەنە سیاسییەکانی کوردستان بەشدار بوو.

دوای سروودی نەتەوایەتیی ئەی ڕەقیب و ڕاگرتنی خولەکێک بێ دەنگی بۆ ڕێزگرتن لە گیانی شەهیدانی کورد و کوردستان بە گشتی و ئەو پۆلە شەهیدەی تازەمان بەتایبەتی ، 13521615 1124335424293725 1256028256 nبەڕێوە ەبری مەراسیم فایەق ئەلیاسی پارچە هەڵبەستێکی بەسۆزی پێشکەش کرد .

دواتر پەیامی کۆمیتەی حیزب لە وڵاتی دانمارک لە لایەن سلێمان کەلەشی بەرپرسی کۆمیتەی گشتی پێشکەش کراو هاوکات سپاسی لە بەشداریی ئەو ژمارەیە لە کوردانی دانیشتووی دفانامرک و حیزب و لایەنە سیاسییە کوردەکانی کرد. هەر وەها جیدیەت و پێداگریی حیزب لە سەر درێژەدانی ڕاسانی نوێێ خەبات ناوەڕۆکی پەیامەکەبوو.

لە درێژەی مەراسیمەکە دا ‌هەڵبەستێک کە لە نووسین و خوێندنەوەی ئەحمەد شێربەگی بێژەری ناوداری ڕادیۆی دەنگی کوردستانی ئێران بوو لە ڕێگای پرۆژۆکتۆرەوە پێشکەش کرا و هەستی هەموو بەشدارانی بزواند و فرمێکس بە چاوی بەبشداران دا هاتنە خوار.

هەر وەها ئەم پەیامانەش پێشکەش کران کە لە هەرهەموویان دا وێڕای هاودەردی لەگەل حیزب و بنەماڵەی شەهیدان ، ئامادەیی هاوکاری هاوخەباتیی خۆیان لەگەل حیزبی دێمۆکرات ڕاگەیاند:

کۆمەڵەی شۆڕشگێری زەحمەتکێشانی کوردستانی ئێران / کۆمیتەی دانمارک

پارتی دێمۆکراتی پێشڤەرۆی کورد لە سووریا / تەنزیمی دانمارک

13524212 1124335434293724 909369693 oپارتی دێمۆکراتی کوردستان/ لێژنەی ناوچەی ئارهووس

پارتی دێمۆکرای کوردستان.سووریا/ تەنزیمی دانمارک

پارتی سەربەستی کوردستان/ نووێنەرایەتیی دانمارک

یەکیەتییەکانی ژنان و لاوانی دێمۆکراتی کوردستانی ئێران / دانمارک

نوێنەرایەتیی یەکیەتیی لاوانی دێمۆکراتی کوردستانی ئێران / دەرەوەی وڵات/ مێهرداد خوسرەوی

بنەماڵەی شەهید سەڵاح نادری/ ئۆمێد نادری

هەروەها ئەم دوو برووسکەیەش بە مەراسیم گەیشتبوون:

یەکیەتیی نیشتیمانیی کوردستان /کەرتی ڕێکخستنی ئارهووس

13523912 1124335427627058 1393681698 oپارتی دێمۆکراتی کوردستان/باکوور

لە درێژەی مەراسیم دا لە لایەن هەرکام لە عەلی عەزیزی فەرماندەری ناسراوی نێو ڕیزەکانی حیزب چەند وتەیەک لە سەر ئەو شەهیدانە، دڵنیا پیری کچی پێشمەرگەی شەهید جەمشید پیری ، ڕیبوار ئەبووبەکری و ئافاق ڕۆژهەڵاتی پارچە هەڵبەست و پەخشان بەبۆنەی شەهیدبوونی ئەو پۆلە تێکۆشەرەی دێمۆکرات پێشکەش کران.

لە کۆتایی مەراسم دا  هەواڵی تازەترین شەهیدی سەنگەری ڕاسانی دێمۆکرات شۆڕش منبەری کادری لێهاتووی حیزب کە لە جەریانی تێکهەڵچوونێک لەگەل هێزەکانی سوپای تێرۆریستی پاسداران لە ناوچەی مەریوان شەهید ببوو، گەیشت و لەلایەن ئەلبورز ڕۆئینتەن لە وتەیەکی کورت دا بە بەشداران ڕاگەیاندرا و ئەوجار بەشداران سەرەخۆشیان لە کۆمیتەی حیزب و بنەماڵەی شەهید سەڵاح کرد و کۆتایی بە مەراسیم هات.