13023730 1245115782173165 377293092 nرۆژی پێنچ شەممە ڕێكەوتی 14.04.2016 لە لایەن كومیتەی سویسی یەكیەتی لاوانی دیموكراتی كوردستانی ئێران كۆبوونەویەك بۆ بەرپرسانی پارتی سوسیالیستی سویس لە ناوچەی بازڵ ڕێكخرا.

سەرەتا لە لایەن "شاھۆ تەیمووری" بەرپرسی پێوەندیەكانی دەروەی یەكیەتی لاوانی دێموكراتی كوردستانی ئێران لە وڵاتی سویس بەخێرھاتنی بەشداربوان كرا و پاشان ئامانجی كۆبوونەوەكە بۆ میوانەكان خرایە ڕوو. "شاھۆ تەیمووری"  دواتر باسێكی لە سەر دۆخی لاوان و گرفتەكانی بەردەم ئەو توێژە لە كۆمەڵگا وەك كێشەی كارو خوێندن و کێشە کۆمەڵایەتییەکان و ھتد... لە ئێراندا كرد و لەو پێوەندییە دا پرۆژەیەكیان خستە بەردەم بەپرسانی پارتی سوسیالیست.

ھەر وەھا لە تەوەرێكی دیكه‌ی باسەكاندا "ڕامیار خادەمی" بەرپرسی كومیتەی سویسی یەكیەتی لاوانی دیموكراتی كوردستانی ئێران باسێكی وردی لە سەر پەنابەران و كێشە و گرفتەكانی بەردەم لاوانی پەناخۆاز كرد و ھەروەھا تیشكی خستە سەر ئەو گرفت و كۆسپانەی كە ڕووبه‌ڕووی ئەو لاوانه‌ دەبنەوە كە ڕوو لە وڵاتی سویس دەكەن. لە درێژەی كۆبوونەوەكەدا بەرپرسانی ناوچەی بازڵی پارتی سوسیالیست زۆر بە وردی و بە بایەخەوە لە پێشنیار و پروژە و ناوەرۆكی كۆبوونەوەكەیان ڕوانی و بەڵێنیان دا كە بە پێ توانایی ھاوكاری لاوانی كورد بدەن.

شایای باسە کە وەڤدی یەکیەتی لاوان لەم كۆبوونەوەیەدا بریتی بوون لە بەڕێزان ڕامیار خادەمی، شاھۆ تەیمووری و ھیوا پەری.

 

13020238 632940176865099 1321700463 n