roji yekemi kongrey iusy 2016 2   

رۆژی  پێنج شەممە ٢٥ی فێبرییەی ٢٠١٦ی زاینی کۆنگرەی جیهانی ئینترناسیۆناڵ سوسیالیستی لاوان، بە بەشداری نوێنەری یەکیەتیی لاوانی دێموکراتی کوردستانی ئێران، دەستی بە کارەکانی کرد.   

  بەرنامەی رۆژی یەکەم  بە ئامادەبوونی نوێنەرانی رێکخراوەکان لە نزیک بە ٧٠ وڵات لە ئاستی جیهاندا لە وڵاتی ئاڵبانی کۆبوونەوە و دوانیوەڕۆی هەمان رۆژ تەرخان کرابوو بۆ یەکترناسین و کۆبوونەوەی کومیتە ناوچەکان کە پێک دێ لە حەوت کومیتە لە ئاستی جیهاندا.

 

یەکیەتیی لاوان کە ئەندامی فەرمی کومیتەی مەدیتەرانەی IUSY بە بەشداری ئەندامانی ئەو کومیتەیە و مێوانانی ئامادەبوو لەو ناوچەیە لەسەر بەرنامەی کاری ئەو بەشە کۆبوونەوە و هەرکام لە لایەنەکان باسی ناوچە و وڵاتی خۆیان پێشکەش کرد.

 

لە پەراوێزی کاری رۆژی یەکەمی کۆنگرەی IUSY نوێنەری یەکیەتیی لاوان لەگەڵ "رێکخراوی لاوانی بزووتنەوەی سوسیالیستی ئاڵبانی" و "نوێنەری رێکخراوی ئۆڵۆف پاڵمە" و "رێکخراوی لاوانی سوسیالیستی ئارژانتین" دیداری کرد.kongrey IUSY 2016

 

لەو یەکترناسین و هاودیتنانە، نوێنەری لاوان تیشكی دەخستە سەر پرسی کورد و بارودۆخی لاوانی کوردستان  به‌ تایبه‌ت لاوانی ڕۆژهه‌ڵات و ناساندنی رێکخراوی یەکیەتیی لاوان.


 

جێگەی ئاماژەیە ئەو کۆنگرەیە نزیک بە ٢١٠ نوێنەر لە کۆی ١٣٦ رێکخراو لە ئاستی جیهانی لە ٧٤ وڵاتەوە، بەشدارن.


"یەکیەتیی لاوانی دێموکراتی کوردستانی ئێران" تەنیا رێکخراوی ئەندامی رەسمی لە کوردستانی رۆژهەڵاتە و لەو کۆنگرەیەدا نوێنەرایەتی لاوانی رۆژهەڵات دەکات.

 

 هەروەها چەند رێکخراوەیەکی دیکەی کوردی وەک مێوان لەو  کۆنگرەیە بەشدارن.

 

و لە هەر دوو پارچەی کوردستانی باشوور "رێکخراوی ئازادی لاوانی کوردستان" و لە کوردستانی باکوور "لاوانی هەدەپە" ئەندامی رەسمی ئەو رێکخراوە جیهانییەن .

 

LAWANI susyalisti albani nweneri lawan w skrteri iusyNWENERI OLF PALMElawani arjantin