12648103 1036157736444828 504502321 n

12650538 1036157683111500 1841205348 n

 

ڕۆژی ٣.٢.٢٠١٦ کاتژمێر ١٩.٠٠ لە هۆڵی ڕۆشنبیری گەورەترین کتێبخانەی دانمارک لە لایەن زانکۆی گەورەی ئەو شارە سیمینارێک لە ژێر نێوی تێرۆری خەلافەتی ئیسلامی بۆ ڕۆژنامە نوس و نۆسەری کتێب(تێرۆری خەلافەتی ئیسلامی)  دێنیز بەرخۆدان ساز کرد. بەشداربوان پێک هاتبوون لە کەسایەتی ڕۆژنامەنووس و سیاسی و مامۆستاو قوتابی زانکۆ کە بەدواداچون بۆ ئەو بەشانە دەکەن. و لە سەربانگێشتی فەرمی نوسەری کتێب دێنز بەرخودان بەرپرسی کومیتەی دەرەوەی وڵات مهرداد خوسرەوی و هاوڕێ لەگەڵ  هەڵاڵە خوسرەوی بەشدار بوون.

سەرەتا لە لایەن بەڕیوە بەرانی سیمینار بەخێرهاتنی میوانان کرا و کۆمەڵک باسی گرنگ لە سەر تێرۆر و ڕۆڵی ئەوروپا کرا، دواتر نوسەر دەستی کرد بە ناوەڕۆکی کتێبەکە و گرنگی ئەو کتێبە بۆ لاوی ئەوڕۆ لە وڵآتی دانمارک، دواتر باسەکانی دابەش کرد بۆ چەند بەشێک کە بریتیبوون لەم بەشانە:

تێرۆر و تاریخی تێرۆر ، ئیسلامی سیاسی لە ئەوڕۆدا ، جیاوازی نیوان تالیبان و گرۆپە تیروریستیەکانی تر و داعش، خاڵە سەرکەوتوەکانی داعش چین کە گروپەکانی تر نیانە، ئەو ڕێگایانە چین کە لاوێکی زۆری لە وڵاتان کۆ کردوەتەوە، هۆکاری پەیوەست بوونی لاوان لە دەرەوەی وڵات و ئەوروپا بە ڕێزەکانی داعش، چەند نمونەی لاوی هێنایەوە کە لە دانمارکەوە گەڕاونەتەوە بۆ نیو داعش، کە لە حاڵیکدا کەسانی ڕۆشن فکر و ئازادی خواز بوونە.
باسێکی دیکە لە سەر دارایی و ڕێگاکانی دابین کردنی دارایی داعش بوو کە بریتی بون لە باج و سەرانە فرۆشتنی نەوت و بازرگانی بە مرۆڤەوە کە نمونەی کچانی کوردی ئیزەدی بوو.
 بەشیکی تری باسەکە لەسەر ڕۆڵی میدیای و زمانەوانی داعش کرد کە تێیدا سەرکەوتوە.
لە بەشێکی تری باسەکانی ڕۆڵ و گەورەی پێشمەرگەی باس کرد کە گرنگترین ڕۆڵی هەبووە لەو بەرنگار بونەوەیە و باسی لە ستراتیژی و ڕۆڵی کوردستان کرد لەو ناوچەیە، دواتر باسێکی گشتی لەسەر کێشەکانی لەمێژینەی  نیوان شیعە و سوننی لە سەردەمی سەدام و خومەینی و جیاوازی کێشەی کرد، جودا لە دین
.

بەشێکی تری باسەکان تەرخان کرا بۆ ڕۆڵی وڵاتی دانمارک لەم بەرنگار بوونەوی تێرۆرە و ئەو کارانە یاخود ئەو شۆێنانە چین کە دانمارک دایناوە بۆ ئەوانەی لە شەڕ دەگەڕێنەوە.

لە بەشێکیتری باسەکاندا سیمینار تەرخان کرا بوو بۆ سەرنج و پرسیارو وڵامی بەشدار بوان.

لە کۆتایدا لە لایەن کەناڵیکی ناوخۆی دانمارکی چەند کەس لە بەشداربوان بانگێشت کرا کە لە نێوانیاندا مهرداد خوسرەوی چەند پرسیارێکی لە لایەن کەناڵە ناوخۆکەوە ئاراستە کرا و وڵامی دایەوە بۆ ماوای چەند خولەکێک دواتر لەلایەن نوسەر و ڕۆژنامە نووس دێنیز کتێبێک بە دیار پێشکەش کرا بە بەرپرسی لاوان لە دەرەوەی وڵات .
12695872 1035991163128152 200889283 n

 سیمینار دوای سێ سەعات کار کردن کۆتای پێ هات.

 

 

 

 

 

 

 

 

 

 

 

 

 

 

 

 

 

 

 

 

 

12650708 1035991136461488 741275138 n