konfransi lawan le swis 1394.8.1 4رۆژی شەممە ٢ی خەزەڵوەری ١٣٩٤ی هەتاوی بەرامبەر ٢٤ی ئۆکتۆبری ٢٠١٥ی زاینیی، له‌ شاری "بیل"ی وڵاتی سوئیس، کۆنفرانسی ساڵانه‌ی «یه‌کیه‌تیی لاوانی دیمۆکراتی کوردستانی ئێران» به به‌شداری ئه‌ندامانی لاوانی دیمۆکرات، به‌ڕێوه‌چوو.

کۆنفرانس به‌ سروودی نەتەوەیی ئه‌ی ڕه‌قیب و ڕاگرتنی خوله‌کێک بێده‌نگی بۆ گیانی پاکی شه‌هیدانی کورد و کوردستان دەستی پێکرد.

سه‌ره‌تا له‌ لایه‌ن بەڕێز ڕامیار خاده‌می نوێنەری بەڕێوەبەری یه‌کیه‌تیی لاوانی دیمۆکراتی کوردستانی ئێران لە وڵاتی سوئیس، به‌خێرهاتنی میوانان و ئه‌ندامانی  کرا، و بەرنامەی کاری کۆنفرانس راگەیەندرا.

کۆنفرانس دوو بەشی لە خۆ گرتبوو:

بەشی یەکەم بەڕێوەچوونی سـمینارێک لە دوو تەوەردا: یەکەم، گرینگی کاری رێکخراوه‌یی یەکیەتیی لاوان و ئەرک و بەرپرسیارەتییان بەرامبەر توێژی لاو و تەوەری دووهەمی سمینارەکە لەسەر گرینگی بواری پەروەردەیی لاوان لە دەرەوەی ولات.

بەشی دووهەمی کۆنفڕانسیش تەرخانکرابوو بۆ هه‌ڵبژاردنی دەستەی بەڕێوەبەری کومیتەی یه‌کیه‌تیی لاوانی دێموکراتی کوردستانی ئێران له‌ وڵاتی سوئیس.

له‌ به‌شی یه‌که‌می سێمیناره‌که‌دا به‌ڕێز جه‌لال ڕه‌وانگه‌رد سکرتێری گشتی یه‌کیه‌تیی لاوانی دێموکراتی کوردستانی ئێران له‌ ڕێگای سکایپه‌وه‌ به‌شداری کۆنفرانسی کرد و باسێکیان لەسەر رێکخراوەیی یەکیەتیی لاوان پێشکەش بە ئامادەبووان کرد.

 به‌ڕێز رەوانگەرد لە لێدوانی خۆیدا باسی له‌ سه‌ر گرینگی و ئەرکی ڕێکخراوه‌ به‌ گشتی و ڕێکخراوی یه‌کیه‌تیی لاوانی دیمۆکراتی کوردستانی ئێران به‌ تایبه‌تی کرد و وێڕای دەربڕینی خۆشحاڵی خۆی لە دامەزرانی کومیتەی لاوانی دێموکراتی کوردستانی ئێران لە وڵاتی سویس، باسی بەشێک لە پلان و پرۆژەکارییەکانی دواڕۆژی یەکیەتیی لاوان کرد.

konfransi lawan le swis 1394.8.1 3دواتر به‌ڕێز هه‌ڵمه‌ت مه‌عرووفی وێڕای شی کردنەوەی دۆخی هەنووکەیی ناوچەی خۆرهەڵاتی ناوەڕاست، باسێکی له‌ سه‌ر گرنگی چالاکییەکانی ڕێکخراوه‌ی لاوانی دیمۆکرات و ئه‌رک و  بەرپرسیارەتی رێکخراوەیی لاوانی دیمۆکراتی له‌ ده‌ره‌وه‌ی وڵات و‌ به‌ تایبه‌ت وڵاتی سوئیس  پێشکەش کرد. هه‌روه‌ها به‌ڕێزیان تیشکی خسته‌ سه‌ر گرنگی پێدانی ئه‌رک بە ئەندامان و کەڵک وەرگرتن لە دەرفەتەکان لە دەرەوەی وڵات.

به‌شی دووه‌می به‌رنامه‌که‌ تەرخانکرابوو بۆ یه‌که‌مین کۆنفرانسی یه‌‌کیه‌‌تیی لاوانی دێموکراتی کوردستانی ئێران له‌ وڵاتی سوئیس.

دواتر خاتوو ڕۆژین ئه‌شره‌فی به‌رپرسی ته‌شکیلاتی گشتی یه‌کیه‌تیی لاوانی دێموکراتی کوردستانی ئێران له‌ ده‌ره‌وه‌ی وڵات باسێکی له‌ سه‌ر ئه‌رکه‌کانی لاوانی دیمۆکرات له‌ ده‌ره‌وه‌ی وڵات کرد و تیشکی خسته‌ سه‌ر گرنگی چالاک بوونی هه‌رچی زیاتری به‌شی په‌یوه‌ندییه‌کان له‌ ده‌ره‌وه‌ی وڵات و به‌ تایبه‌ت لە وڵاتی سویس به‌ بۆنه‌ی هه‌بوونی زۆری ڕێکخراوه‌ نێوده‌وله‌تیه‌کان و "ئێن جی ئۆ"  جۆراوجۆرەکان له‌و وڵاته‌دا، پاشان به‌ ووردی ئه‌رکی به‌شه‌کانی ئه‌ندامانی کومیته‌ی لاوانی شیکرده‌وه‌.

لە بڕگەیەکی دیکەی کۆنفرانسدا په‌یامی کومیته‌ی حیزبی دیمۆکراتی کوردستانی ئێران و کومیتەی یه‌کیه‌تیی ژنان له‌ وڵاتی سوئیس ‌خوێندرایەوە.

دواتر ڕاپۆرتی کار و چالاکی کومیته‌ی کاتی یه‌کیه‌تیی لاوانی دیمۆکراتی کوردستانی ئێران له‌ لایه‌ن به‌ڕێز ڕامیار خاده‌می خوێندرایه‌وه‌.

دوا به‌ دوای خوێندنه‌وه‌ی په‌یامه‌کان، پێشنیار و تێبینیه‌کان له‌ لایه‌ن ئه‌ندامانی لاوان و کومیته‌ی حیزب خرانه‌ به‌ر باس و ئاخافتنەوە.

له‌ به‌شی کۆتایی به‌رنامه‌که‌دا که‌ ته‌رخان کرا بوو بۆ‌ هه‌ڵبژاردنی کومیته‌ی نوێی «لاوانی دێموکراتی کوردستانی ئێران – سویس»  کاندیده‌کان خۆیان به‌ به‌شداران ناساند و له‌ دوای هه‌ڵبژاردن، پێنج که‌س وه‌کوو ئه‌ندامانی سەرەکی و دوو که‌سیش وه‌کوو جێگری ئه‌ندامان بۆ کومیتەی سویسی یەکیەتیی لاوانی دێموکراتی کوردستانی ئێران، هه‌ڵبژێردران.