Warning: getimagesize(images/12083897_560715300754254_939962948_n.jpg): failed to open stream: No such file or directory in /storage/content/40/1004740/lawan.org/public_html/plugins/content/smartresizer/smartresizer.php on line 468 Warning: getimagesize(images/images-stories-12067376_560715270754257_1230752043_n-173x130.jpg): failed to open stream: No such file or directory in /storage/content/40/1004740/lawan.org/public_html/plugins/content/smartresizer/smartresizer.php on line 468 Warning: getimagesize(images/images-stories-12067822_560715240754260_102445278_n-173x130.jpg): failed to open stream: No such file or directory in /storage/content/40/1004740/lawan.org/public_html/plugins/content/smartresizer/smartresizer.php on line 468

یەکیەتیی لاوانی دێموکراتی کوردستانی ئێران لە وڵاتی نۆڕوێژ، کۆنفرانسی ساڵانەی خۆی لە رۆژانی 2 تاکوو 4ی ئۆکتۆبری ٢٠١٥ی زاینیی، بە بەشداری کۆمەڵێکی بەرچاو لە لاوانی ئەندامی ئەو رێکخراوە و هەروەها بەشداری confransنوێنەرانی


هەر کام لە کۆمیتەی گشتی حیزب لە نۆڕوێژ، نوێنەری بەڕێوەبەری گشتی لاوانی دەروەی وڵات و هەروەها کاک ئازاد عەزیزی بە نوێنەرایەتی رێبەری حیزبەکەمان لە دەرەوەی وڵات بەڕێوەچوو.
بۆ ئەو مەبەستە یەکیەتیی لاوان چەندین سمیناروو چالاکی هاوکات لە گەڵ بەڕێوەبردنی کۆنفرانسی ساڵانەی خۆی و هەڵبژاردنی بەڕێوەبەری نوێ بۆ ئەو رێکخراوەیە، لەو چەند رۆژەدا بەڕێوەبرد.
ئێوارەی رۆژی هەینی واتا رۆژی یەکەم دوای گەیشتن و ئامادە بونی ئەندامانی لاوان لە شوێنی کۆنفرانس، بە دوای پشویەکی کورت لاوان یەکەم کۆبونەوەی خۆیان پێک هێنا. لەو بەشەدا بەڕێوەبەری لاوان کورتەیەک لە سەر کارو بەرنامەی ئەو چەند رۆژەیان بۆ بەرچاورونی بەشداربوان شی کردەوە. هەر لە درێژەی ئەو کۆبونەوەیە دا لاوەکان دوای خۆ ناساندنی خۆیان و هەروەها شوێنی نیشتەجێ بونیان توانیان بە کردنەوەی چەندین باسی ئازاد سەرنجی یەکتر بۆ لای بیروبۆچونەکانی خۆیان لە مەڕ بابەتە جیا جیاکان رابکێشن.
رۆژی دوهەمی کاری کۆنفرانس بەم شێوەیە بەڕێوەچوو، سەرەتا کۆبونەوەکە بە خوێندنەوەی سرودی نەتەوایەتی ئەیرەقیب و پاشان دەقەیەک بێدەنگی بۆ رێز گرتن لە گیانی پاکی شەهیدانی رێگای رزگاری کوردستان دەستی بە کارەکانی خۆی کرد. لەو بەشەدا سمینارێک بە بەشداری بەڕێز کاک ئیبراهیم لاجانی لە سەر رۆڵ و گرینگی لاوان و هەروەها زەرورەتی بونی یەکیەتیی لاوان لە دەرەوەی وڵات بەڕێوەچوو.
بە دوای باسەکەی کاک ئیبراهیم لاجانی ، کاک مێهرداد خوسرەوی بەرپرسی گشتی لاوانی دێموکراتی کوردستانی ئێران لە دەروەی وڵات لەسەر کاروچالاکییەکانی لاوان لە دەرەوەی وڵات بۆ لاوانی بەشدار دوا. لە بەشێکی تری باسەکەی دا بەڕێز خوسرەوەی تیشکی خستە سەر وەزعیەتی هەنوکەیی لاوان لە ناو خۆی وڵات و لەو پێوەندێشدا داواکاری خۆی بۆ لاوانی دەرەوەی ولات بۆ هەرچی زیاتر چالاکی و پشتیوانی لە حەرەکەتی ئازادیخوازی ناوخۆی ولات دوپات کردەوە.
دوانیوەڕۆی رۆژی شەممە کۆنفڕانس دەستی بە کارەکانی کرد. سەرەتا پەیامی بەڕێوەبەری گشتی لاوان لە دەرەوەی وڵات بۆ کۆنفرانس خوێندرایەوە. پاشان پەیامی کۆمیتەی گشتی حیزبی دێموکراتی کوردستانی ئێران لە وڵاتی نۆڕوێژ لە لایان بەڕێز وەفا مستەفاپور پێشکەش کرا. بە دوای ئەودا بەڕێوەبەری پێشوی لاوان راپۆرتی کاروچالاکی خۆیان لە ماوەی رابردودا پێشکەش کرد. لە کۆتایی ئەو بەشەدا بەشدارانی کۆنفرانس بیروبۆچونی خۆیان لەسەر راپۆرتەکان هێنایە بەرباس. پێداچونەوە بە سەر پێڕەو پرۆگرامی لاوان لە وڵاتی نۆڕوێژ بەشێکی تر بوو لە کارەکانی کۆنفرانس. دوبەدوای وەرگرتنی دەنگی ئەندامان بۆ هەر کام لە راپۆرتی کاروچالاکێکان، راپۆرتی ماڵی و هەروەها پێڕەو پرۆگرامی ئەو رێکخراوەیە، نۆرە گەیشتە هەڵبژاردنی بەڕێوەبەری نوێ. لەو هەڵبژاردنەدا 7 کەس وەکوو ئەندامی ئەسلی و 2 کەسیش وەکوو جێگر دیاری کران.
بە دوای پشوی ئێوارە بەڕێوەبەری نوێی یەکیەتیی لاوان لە یەکەم کۆبونەوەی خۆی دا بە بەشداری نوێنەری کۆمیتەی گشتی و هەروەها نوێنەرانی لاوانیدەرەوەیوڵات،بەرپرسی یەکیەتیی لاوانیان دیاری کرد. لەو بەشەدا کاک چالاک قادری وەکوو بەرپرسی یەکیەتیی لاوان لە وڵاتی نۆڕوێژ بە زۆرینەی دەنگی ئەندامانی بەڕێوەبەری هەڵبژێردرا.
رۆژی سێهەم واتا یەکشەممە 04.10.2015 بەشداران بە دوای چەندین یاری و چالاکی جۆراوجۆر کە لە ماوەی ئەو چەند رۆژەدا لە ناو ئاخنی بەرنامەکان بەردەوام بەڕێوە دەچون، لاوەکان لە لایان بەڕێوەبەری نوێوە بەسەر چەندین گرۆپی جیاواز دا دابەش کران. لەو بەشەدا لاوەکان چالاکانە بەشداری باسەکانی ناو گروپەکەیان دەکرد. لە کۆتایی ئەو بەشەدا کەسێک بە نوێنەرایەتی هەر کام لەو گروپانە هەڵدەستاو نەزەرات و پێشنیارەکانیان خۆیان بۆ شێوەی کارکردنی لاوان لە یەک ساڵی داهاتودا بۆ بەشدارانی تر باس دەکرد. لە کۆتایی ئەو بەشەدا نەزەراتی هەموان بە نوسراوە تەحویلی بەڕێوەبەری تازە درا کە ببێ بە بەرچاورونیەک بۆ کاری داهاتویان.
شایانی باسە کە کۆنفرانس سەعاتی 1:30 نیوەڕۆی رۆژی یەکشەممە دوای چەند رۆژ کاری بەردەوام کۆتایی بە کارەکانی خۆی هێنا.

 

12083897 560715300754254 939962948 nimages stories 12067376 560715270754257 1230752043 n 173x130images stories 12067822 560715240754260 102445278 n 173x130