Warning: getimagesize(images/12036422_844248499025889_6698703718983005875_n.jpg): failed to open stream: No such file or directory in /storage/content/40/1004740/lawan.org/public_html/plugins/content/smartresizer/smartresizer.php on line 468 Warning: getimagesize(images/untitled2.jpg): failed to open stream: No such file or directory in /storage/content/40/1004740/lawan.org/public_html/plugins/content/smartresizer/smartresizer.php on line 468

swed6.1394 gرێکەوتی ١٨ی سێپتامبری ٢٠١٥ی زاینیی لە لایەن کومیتەی یەکیەتیی لاوانی دێموکراتی کوردستانی ئێران لە وڵاتی سوئێد گەشتێکی سێ رۆژە بۆ بەشێک لە ئەندامانی کومیتە ناوچەکانی لە وڵاتی سوئێد بەڕێوە برد.

ئەو چالاکییە بە بەشداری نوێنەری یەکیەتیی لاوان لە دەرەوەی وڵات بەڕێوەچوو و بەرنامەی گەشتەکە چەند بڕگەیەکی چالاکیی جۆراوجۆری "وەرزشی و فکریی- سێمینار- گفتوگوی نێوان ئەندامان- شادی و هەڵپەرکێ و... هتد"، لەخۆ گرتبوو.

کاتژمێر ٤ی پاشنیوەڕۆی رۆژی هەینی، دەستپێکی بەرنامەکە راگرتنی خولەکێک بێدەنگی بۆ رێزگرتن لە رۆحی شەهیدانی کوردستان بە تایبەت شەهیدانی یەکیەتیی لاوان، بوو.
سەرەتا جەلال رەوانگەرد، سکرتێری گشتیی یەکیەتیی لاوانی دێموکراتی کوردستانی ئێران، چەند وتەیەکی لەسەر "کاری رێکخراوەیی یەکیەتیی لاوان و ئەرک وبەرپرسیارەتییان بەرامبەر کۆمەڵگای کوردستان بە گشتی و توێژی لاو و ئەندامانی یەکیەتیی لاوان بەتایبەتی"، پێشکەش کرد.
دوابەدوای ئەو خاتوو رۆژین ئەشرەفی، بەرپرسی بەشی تەشکیلاتی یەکیەتیی لاوان لە دەرەوەی وڵات، چەند وتەیەکی سەبارەت بە "یەکیەتیی لاوان لە دەرەوەی وڵات، چۆنییەتی دۆخ و بەرەوپێشچوونی کاروچالاکییەکانیان و ئەرکی ئەندامانی یەکیەتیی لاوان بەرامبەر بە رێکخراو"، پێشکەش بە ئامادەبووان کرد.
هەروەها نوێنەری یەکیەتیی کوردان عەڵی پاڵانی وێڕای دەربڕینی خۆشحاڵی خۆی لە بەشداربوون لە کۆڕەکەدا، پەیامێکی پێشکەش بە ئامادەبووان کرد.
پاشان خاتوو سەکینە جەوانمەرد، نوێنەری یەکیەتیی ژنانی دێموکراتی کوردستانی ئێران، چەند وتەیەکی پێشکەش بە لاوە بەشداربووەکان کرد.
دواتر و پاش خواردنی نانی ئێوارە، ئەندامانی بەشداربوو شەوی یەکەمیان بە یەکتر ناسین، قسەی خۆش و هەڵپەڕکێ و شادی، بە سەر برد.
دەستپێکی رۆژی دووهەمی گەشتەکە، سمینارێک بوو لەسەر مێژووی کوردستان کە لە لایەن "کاکەبرا ئەلیاسی" پێشکەش کرا.
دوابەدوای سمیناری یەکەم، لاوەکان بە چالاکی وەرزشی و فکریی جۆراوجۆر بەردەوام بوون تا ئێوارە .
ئێوارەی رۆژی شەممە ٢٠ی سێپتامبری ٢٠١٥ی زاینیی، ئامانج عەبدی، ئەندامی کومیتەی بەڕێوەبەری یەکیەتیی لاوان لە وڵاتی سوئێد، لە سێمینارێکدا باسێکی سەبارەت بە "مێژووی هاوچەرخی ئێران و خەباتی کورد لە چوارچێوەی ئەو وڵاتەدا"، پێشکەش کرد.
دەستپێکی بڕگەی شەوی شەممە، لە لایەن ئامادەبووانەوە بە بۆنەی ساڵیادی شەهید کردنی سەکردەی نەمر دوکتور سەعید شەرەفکەندی، وێڕای نوێ کردنەوەی پەیمان لەگەڵ شەهیدی سەرکردە، هەمووان پێکەوە سروودی "ئەی شەهیدان"یان وتەوە.
دواتر لە لایەن لاوانی بەشدار، وۆرکشۆپێک بۆ باسکردن لەسەر مێژووی کوردستان و باس لەسەر رۆڵی توێژی لاو لە خەباتی کورد، ئەرکی لاوانی کورد لە تاراوگە و هەروەها رەخنە و پێشنیار بۆ چالاکتر کردنی یەکیەتیی لاوان لە وڵاتی سوئێد، درێژەیان بە بەرنامەکەدا. پاشان لە درێژەدا بە سەرگەرمیی جۆراوجۆر بۆ ئامادەبووان تا درەنگانی شەو پرۆگرام درێژەی هەبوو.
دوایین رۆژی گەشتی یەکیەتیی لاوان لە وڵاتی سوئێد واتە رۆژی یەکشەممە ٢٠ی سێپتامبێر بەرامبەر بە ٢٩ی خەرمانانی ٢٧١٥ی کوردی، بە سێمینارێک سەبارەت بە "تایبەتمەندیی توێژی لاو، رۆل و ئەرکی لاوان لە خەباتی کورددا، گرنگیی رێکخراو و هەروەها مێژووی یەکیەتیی لاوانی دێموکراتی کوردستانی ئێران، لە لایەن "عەلی پاڵانی"یەوە پێشکەش کرا.
پاش ئەو سمینارە ماباقی کاتەکانی ئەو رۆژە بە چالاکی وەرزشی و فکری، تێپەڕ کرا.
دوانیوەڕۆی یەکشەممە لاوانی بەشداربوو، پاش بەسەربردنی سێ رۆژ چالاکی پڕ دەستکەوت، ماڵاواییان لە یەکتر کرد و کۆتایی بە گەشتەکە هات.
جێگەی ئاماژەیە ئەو گەشتە سێ رۆژی‌یەی کە لە لایەن کومیتەی سوئێدی یەکیەتیی لاوان رێکخرابوو، هەر دوو کومیتەی یەکیەتیی کوردان و یەکیەتیی ژنان لە وڵاتی سوئێد هاوکاری بەرچاویان هەبوو.

 

swed 18.9.2015

swed 6.94 11

swed 6.94 10

swed 6.94 9

swed 6.94 7swed 6.94 512036422 844248499025889 6698703718983005875 nuntitled2swed1394.6